Luka 22:18 - ŊMALƐ KRƆŊKRƆŊ LƐ

¹⁸ ejaakɛ miikɛɛ nyɛ akɛ minuŋ waintso yibii nɛɛ eko dɔŋŋ kɛyashi beyinɔ ni Nyɔŋmɔ maŋtsɛyeli lɛ aaaba.”

Ṅmãle̱ Kroṅkroṅ Le̱

¹⁸ edšake̱ mīkē̱nye ake̱: Minuṅ weintšo yibii ne̱ eko doṅṅ ke̱-yaši beyino̱ ní Nyoṅmo̱ maṅtše̱yeli le̱ aaba.

Luka 22:18 ပူးပေါင်းရင်းမြစ်များ

Lalai 104:15

kɛ wain ni hãa adesa tsui nyɔɔ emli, kɛ mu ni hãa gbɔmɔ hiɛ kpɛɔ; kɛ aboloo ni hãa gbɔmɔ adesa hewalɛ lɛ.

Salomo Lalai 5:1

Minyɛmi yoo, miyɛmfro, miba mitrom lɛ mli, miibua mimire kɛ tsofaikɛŋmai anaa. Miiye miwo agbaku kɛ emli wo lɛ. Miinu miwain kɛ mifufɔ lɛ. Minanemɛi, nyɛyea ni nyɛnua, ni nyɛ, suɔlɔi, nyɛnua ni nyɛtɔrɔa!

Yesaia 25:6

Yehowa, Taiatsɛ lɛ, kɛ fɔŋ niyenii sɔkɔɔ kɛ wain momo ni adoo nɔ jogbaŋŋ baaŋmɛ shikpɔŋ lɛ nɔ bii fɛɛ okplɔ̃ yɛ gɔŋ nɛɛ nɔ.

Yesaia 55:1

Yehowa kɛɛ, “Huui! Nyɛ mɛi fɛɛ ni kumai yeɔ nyɛ, nyɛbaa nu he! Nyɛ mɛi hu ni bɛ shika, nyɛbaa nyɛbahea ŋmãa nyɛyea! Nyɛbaa! Nyɛbahea wain kɛ fufɔ, jeee kɛ shika shi moŋ kɛ nyɛdɛ folo.

Daniel 2:44

Maŋtsɛyelii nɛɛ amli maŋtsɛmɛi lɛ ayinɔi amli lɛ, Nyɔŋmɔ ni yɔɔ ŋwɛi lɛ baatee maŋtsɛyeli ko ni sɛɛ efoŋ dɔŋŋ shi ema shi. Maŋ ko maŋ ko nyɛŋ enɔ kunim eye. Ebaakpãtã maŋtsɛyelii nɛɛ fɛɛ ahiɛ butuu, ni amɛnɔyelii lɛ asɛɛ aaafo; shi lɛ lɛ emaŋtsɛyeli lɛ baama shi kɛaatee naanɔ.

Zakaria 9:15

Yehowa, Taiatsɛ lɛ, aaabu emɛi ahe; Amɛaatserɛ amɛhenyɛlɔi amli, ni amɛaanaanaa amɛ nɔ. Amɛaashwie amɛhenyɛlɔi alá shi ni lá lɛ aaaho tamɔ afɔleshãa kooloo lá ni afɔse kɛmiijɛ okpolu mli aashwie afɔleshãa latɛ nɔ.

Zakaria 9:17

Shikpɔŋ lɛ nɔ aaaŋɔɔ, eeefee fɛo; abele aaahã oblahii afrɔke ni wain hee hu aaahã oblayei afrɔke.

Mateo 16:18

Ni mi hu miikɛɛ bo akɛ, bo ji Petro lɛ, ni nɛkɛ tɛsaa nɛɛ nɔ matswa misafo lɛ mama, ni gbohiiaje agboi lɛ nyɛŋ enɔ aye.

Mateo 26:29

Shi miikɛɛ nyɛ akɛ, kɛjɛ benɛ kɛyaa nɛɛ minuŋ waintso yibii nɛɛ eko dɔŋŋ, kɛyashi gbi nɔ ni mikɛ nyɛ aaanu lɛ ehee yɛ miTsɛ maŋtsɛyeli lɛ mli.”

Marko 14:23

Ni ewo kpulu lɛ ni eda shi, ni ekɛhã amɛ ni amɛ fɛɛ amɛnu eko.

Marko 14:25

Miikɛɛ nyɛ yɛ anɔkwale mli akɛ minuŋ waintso yibii nɛɛ eko dɔŋŋ kɛyashi gbi nɔ ni manu lɛ ehee yɛ Nyɔŋmɔ Maŋtsɛyeli lɛ mli.”

Marko 15:23

Ni amɛhã lɛ wain ni akɛ mire efutuŋ akɛ enu; shi enuuu.

Marko 9:1

Ni ekɛɛ amɛ akɛ, “Miikɛɛ nyɛ yɛ anɔkwale mli akɛ mɛi komɛi yɛ mɛi ni damɔ biɛ nɛɛ ateŋ ni amɛsaŋ amɛnaa gbele kɛyashi beyinɔ ni amɛaana Nyɔŋmɔ Maŋtsɛyeli lɛ akɛ eeba yɛ hewalɛ mli.”

Luka 21:31

Nakai nɔŋŋ hu, be ni nyɛaana akɛ nibii nɛɛ etsɔ̃ naa shi lɛ, nyɛnaa nyɛlea akɛ Nyɔŋmɔ maŋtsɛyeli lɛ eshɛ shi etã.

Luka 22:16

ejaakɛ miikɛɛ nyɛ akɛ miyeŋ eko dɔŋŋ kɛyashi beyinɔ ni nɔ ni etsɔ̃ɔ lɛ aaaba mli yɛ Nyɔŋmɔ maŋtsɛyeli lɛ mli.”

Luka 9:27

Shi miikɛɛ nyɛ anɔkwale akɛ mɛi komɛi yɛ mɛi ni damɔ biɛ nɛɛ ateŋ ni amɛsaŋ amɛnaa gbele kɛyaashi beyinɔ ni amɛaana Nyɔŋmɔ Maŋtsɛyeli lɛ.”

Kolosebii 1:13

Ni ejie wɔ kɛjɛ duŋ hewalɛ lɛ mli kɛtee esuɔmɔ Bi lɛ maŋtsɛyeli lɛ mli lɛ;

Kojolɔi 9:13

Shi waintso kɛɛ amɛ akɛ, ‘Ani mihã midãa ni shɛjeɔ nyɔŋmɔi kɛ gbɔmɛi amii lɛ abɔ mi, ni mayaye tsei anɔ lo?’