Luka 21:8 - ŊMALƐ KRƆŊKRƆŊ LƐ

⁸ Ni ekɛɛ, “Nyɛkwɛa jogbaŋŋ, koni akalaka nyɛ; ejaakɛ mɛi pii aaaba yɛ migbɛi mli ni amɛaakɛɛ, ‘Mi ni’, kɛ ‘Be lɛ eshɛ etã’. Shi nyɛkanyiɛa amɛsɛɛ.

Ṅmãle̱ Kroṅkroṅ Le̱

⁸ Ni ekē̱: Nyekwe̱a dšogbāṅ, koni akalakanye; edšake̱ mei pī aaba ye̱ migbe̱i ano̱ ni ame̱akē̱: mi ni, ní asaṅ: be le̱ éše̱ étã. No le̱ nyekaboa-ame̱ toi.

Luka 21:8 ပူးပေါင်းရင်းမြစ်များ

Yeremia 29:8

Ejaakɛ bɔ ni Yehowa Taiatsɛ, Israel Nyɔŋmɔ lɛ, kɛɔ ji, nyɛkaŋmɛa nyɛgbalɔi kɛ nyɛklamɔfoi ni yɔɔ nyɛteŋ lɛ gbɛ ni amɛlakaa nyɛ; asaŋ nyɛkahea lamɔi ni amɛlaa lɛ nyɛye,

Mateo 24:11

Ni amale gbalɔi pii aaate shi, ni amɛaalaka mɛi pii.

Mateo 3:2

ni ekɛɛ akɛ, “Nyɛtsakea nyɛtsui; shi ŋwɛi maŋtsɛyeli lɛ ebɛŋkɛ.”

Mateo 4:17

Kɛjɛ no nɔ lɛ Yesu bɔ̃i shiɛmɔ ni ekɛɛ, “Nyɛtsakea nyɛtsui; shi ŋwɛi maŋtsɛyeli lɛ ebɛŋkɛ!”

Luka 17:23

Ni amɛaakɛɛ nyɛ akɛ, ‘Naa, eyɛ biɛ loo eyɛ jɛi!’ Nyɛkayaa ni nyɛkanyiɛa sɛɛ.

Luka 21:7

Ni amɛbi lɛ akɛ, “Tsɔɔlɔ, no hewɔ lɛ, mɛɛ be nii nɛɛ aaaba mli? Ni mɛɛ okadi abaana kɛ eshɛ be ni ebaaba mli lɛ?”

Luka 21:9

Ni kɛ nyɛnu tai kɛ atuatsemɔi ahe lɛ, nyɛtsui akafãa; ejaakɛ ja nɛkɛ nii nɛɛ ba mli dã, shi kɛ̃lɛ naagbee lɛ shɛko bianɛ.”

Yohane 5:43

Mi lɛ miba yɛ miTsɛ gbɛi mli, ni nyɛhereee mi; kɛji mɔ kroko ba yɛ lɛ diɛŋtsɛ egbɛi mli lɛ, lɛ lɛ nyɛaahere lɛ.

Yohane 8:24

No hewɔ ni mikɛɛ nyɛ akɛ nyɛaagboi yɛ nyɛhe eshai lɛ amli lɛ; ejaakɛ kɛ nyɛheee nyɛyeee akɛ mi nɛɛ ji lɛ lɛ, nyɛaagboi yɛ nyɛhe eshai lɛ amli.”

Yohane 8:28

No hewɔ lɛ, Yesu kɛɛ amɛ akɛ, “Be ni nyɛaawo Gbɔmɔ Bi lɛ nɔ lɛ, no mli nyɛaale akɛ mi ni, ni akɛ mitooo miyiŋ mifeee nɔ ko, shi moŋ bɔ ni miTsɛ tsɔ̃ɔ mi lɛ, nakai miwieɔ.

1 Korintobii 6:9

Ani nyɛleee akɛ efɔŋfeelɔi anine shɛŋ Nyɔŋmɔ maŋtsɛyeli lɛ nɔ? Nyɛkahãa alakaa nyɛ! Ajwamãŋbɔlɔi loo wɔŋjalɔi loo gbãlãŋkulɔi loo hii ni tsɔ̃mɔɔ amɛhe yei hãa hii krokomɛi loo hii ni kɛ hii feɔ yakayakanii,

Efesobii 5:6

Nyɛkahãa mɔ ko kɛ wiemɔi foji miishishiua nyɛ, ejaakɛ nii nɛɛ ahewɔ ni Nyɔŋmɔ mlifu baa toigbelebii lɛ anɔ lɛ.

2 Tesalonikabii 2:3

Nyɛkahãa mɔ ko miishishiua nyɛ yɛ gbɛ ko gbɛ ko nɔ; ejaakɛ ja jamɔkwamɔ lɛ eba fɛɛ dã ni aaajie mlakwamɔ gbɔmɔ lɛ ni ji hiɛkpãtãmɔ bi lɛ kpo.

2 Timoteo 3:13

Shi gbɔmɛi fɔ̃ji kɛ shishiulɔi aaawo wu yɛ efɔŋ mli; amɛlakaa mɛi ni amɛ hu alakaa amɛ.

1 Yohane 4:1

Suɔmɔmɛi, nyɛkahea mumɔ fɛɛ mumɔ nyɛyea; shi moŋ nyɛkaa mumɔi lɛ nyɛkwɛa akɛ Nyɔŋmɔ mli amɛjɛ lo, ejaakɛ amalegbalɔi pii eba je lɛ mli.

2 Yohane 1:7

Ejaakɛ shishiulɔi pii eba je lɛ mli, mɛi ni ejajeee akɛ Yesu Kristo eba yɛ heloo mli. Mɔ nɛ ji shishiulɔ lɛ kɛ Kristo henyɛlɔ lɛ.

Kpojiemɔ 1:3

Ajɔɔ mɔ ni kaneɔ gbalɛ wiemɔi lɛ kɛ mɛi ni nuɔ lɛ, kɛ mɛi ni yeɔ nibii ni aŋma yɛ mli lɛ anɔ lɛ; ejaakɛ be lɛ eshɛ etã.

Kpojiemɔ 12:9

Ni ashɛ drako kpeteŋkple lɛ ni ji blema onufu lɛ ni atsɛɔ lɛ Abonsam loo Satan lɛ ni shishiuɔ jeŋ muu lɛ fɛɛ lɛ afɔ̃ shikpɔŋ lɛ nɔ, ni ashɛrɛ ebɔfoi lɛ hu ashwie afata ehe.