Luka 21:25 - ŊMALƐ KRƆŊKRƆŊ LƐ

²⁵ “Ni okadii aaaba hulu kɛ nyɔɔŋtsere kɛ ŋulamii amli, ni jeŋmaji lɛ ahe aaajara amɛ yɛ shikpɔŋ lɛ nɔ, ni amɛaafee yeyeeye yɛ ŋshɔ gbɛɛmɔ kɛ ŋshɔkei akuumɔ hewɔ;

Ṅmãle̱ Kroṅkroṅ Le̱

²⁵ Ni okadii aaba hũlũ ke̱ nyoṅtšëre ke̱ ṅulamii amli, ni dšeṅmãdši afĩmo̱ le̱ aaba šikpoṅ le̱ no̱, ni ame̱afe yeyēye, ye̱ ṅšo̱ ke̱ ṅšo̱kei agbē̱mo̱ hewo̱;

Luka 21:25 ပူးပေါင်းရင်းမြစ်များ

Lalai 46:3

Kɛji ŋshɔ lɛ hũu, ni efee hamahama; kɛji gɔji tete hoso yɛ ŋshɔ grimɔ naa po lɛ, wɔsheŋ gbeyei.

Yesaia 13:10

Ejaakɛ gbi lɛ ŋulamii krokomɛi lɛ kɛ oŋwɛ̃i fɛɛ kpɛŋ, ni hulushitee mli tɔ̃ɔ lɛ, ehiɛ aaawo duŋ, ni nyɔɔŋtsere hu kpɛŋ.

Yesaia 17:12

Ao! Mɛi babaoo ahoofeemɔ nɛ; amɛhoofeemɔ lɛ miigbɛɛ tamɔ ŋshɔ! Ao! Maji ahoofeemɔ nɛ; amɛmiigbɛɛ tamɔ ŋshɔkei wuji agbɛɛmɔ.

Yesaia 24:23

Nyɔɔŋtsere kpɛŋ, ni hulu etsoŋ, ejaakɛ Yehowa, Taiatsɛ lɛ, baaye nɔ yɛ Zion Gɔŋ lɛ nɔ, yɛ Yerusalɛm, ni ebaajie enunyam lɛ kpo etsɔ̃ɔ maŋ lɛ mli onukpai lɛ.”

Yesaia 5:30

Amɛaashi amɛsɛŋ amɛwo Israel nakai gbi lɛ, ni amɛsɛŋshimɔ lɛ aaagbɛɛ tamɔ ŋshɔ gbɛɛmɔ. Ni kɛji akwɛ shikpɔŋ lɛ nɔ lɛ, nɔ ni aaana ji duŋ kɛ awerɛhoo sɔŋŋ, ni oblɔtu aaaha hulu la hiɛ.

Yesaia 51:15

Ejaakɛ mi ji Yehowa, oNyɔŋmɔ lɛ, mɔ ni teɔ ŋshɔ shi, ni emli ŋshɔkei feɔ hamahama lɛ. Migbɛi ji Yehowa, Taiatsɛ.

Yeremia 4:23

Mikwɛ shikpɔŋ lɛ, naa, ekã shi olɛŋlɛ; ni efee floŋŋ; ni mikwɛ ŋwɛi hu lɛ, la ko bɛ jɛi.

Daniel 12:1

Bɔfo lɛ tsa ewiemɔ lɛ nɔ akɛ, “Ni nakai be lɛ mli lɛ Mikael, lumɔ kpeteŋkple ni buɔ omaŋbii lɛ ahe lɛ, aaate shi adamɔ shi; kɛkɛ lɛ fimɔ be ko aaaba ni anako ehenɔ dã kɛjɛ beyinɔ ni aje maŋtoo shishi kɛbashi nakai be lɛ mli. Nakai be lɛ mli lɛ, aaahere omaŋ lɛ mli mɔ fɛɛ mɔ ni aaana akɛ aŋma egbɛi yɛ wala wolo lɛ mli lɛ yiwala.

Mika 7:4

Mɔ ni kɛɛ ehi fe fɛɛ yɛ amɛteŋ lɛ, etamɔ kpitikpiti ŋmei, ni mɔ ni kɛɛ anɔkwafo ji lɛ fe fɛɛ lɛ, ŋmei afabaŋ po hi fe lɛ. Shi gbi ni Nyɔŋmɔ baagbala amɛtoi lɛ eshɛ taakɛ ebɔ amɛ kɔkɔ kɛtsɔ̃ egbalɔi lɛ anɔ lɛ, agbɛnɛ amɛ jijaa.

Mateo 24:29

“Shi nakai gbii lɛ amli amanehului lɛ asɛɛ nɔŋŋ lɛ, hulu aaawo duŋ, ni nyɔɔŋtsere kpɛŋ dɔŋŋ, ni ŋulamii aaatserɛ kɛaajɛ ŋwɛi atswia shi, ni ŋwɛi hewalɛi lɛ aaahoso.

Mateo 27:45

Shi kɛjɛ shwane ŋmɛlɛ nyɔŋma kɛ enyɔ kɛyashi ŋmɛji etɛ̃ lɛ duŋ wo yɛ shikpɔŋ lɛ nɔ fɛɛ.

Marko 13:24

“Shi no bei lɛ amli yɛ amanehulu nɛɛ sɛɛ lɛ, hulu hiɛ aaawo duŋ, ni nyɔɔŋtsere hu kpɛŋ;

Marko 13:26

Kɛkɛ lɛ, aaana Gbɔmɔ Bi lɛ akɛ eeba yɛ atatuiaŋ kɛ hewalɛ kpele kɛ anunyam babaoo.

Marko 15:33

Ni be ni shɛ ŋmɛlɛ nyɔŋma kɛ enyɔ lɛ, duŋ wo yɛ shikpɔŋ lɛ nɔ fɛɛ kɛyashi ŋmɛji etɛ̃ mli.

Luka 21:24

Ni amɛaanyɔnyɔɔ yɛ klante naa, ni aaaŋɔ amɛ nom kɛaatee jeŋmaji fɛɛ mli, ni jeŋmaji lɛ aaanaanaa Yerusalɛm nɔ kɛyashi beyinɔ ni jeŋmaji abe lɛ aaashɛ.”

Luka 21:26

ni nɔ aaanyɔnyɔɔ gbɔmɛi anɔ yɛ gbeyei kɛ nibii ni baa je lɛ nɔ lɛ agbɛkwɛmɔ hewɔ; ejaakɛ aaahoso ŋwɛi hewalɛi lɛ.

Bɔfoi 2:19

Ni mahã naakpɛɛnii aba ŋwɛi, ni okadii hu aba shikpɔŋ lɛ nɔ, lá kɛ la kɛ lasu lamɔ.

Kpojiemɔ 20:11

Ni mina maŋtsɛ sɛ̃i yɛŋ ko ni da, kɛ mɔ ni ta nɔ lɛ, ni shikpɔŋ kɛ ŋwɛi jo foi yɛ ehiɛ, ni amɛbɛ gbɛhe dɔŋŋ.