Luka 21:21 - ŊMALƐ KRƆŊKRƆŊ LƐ

²¹ No mli lɛ mɛi ni yɔɔ Yudea lɛ ajo foi aya gɔji lɛ anɔ, ni mɛi ni yɔɔ maŋ lɛ mli lɛ aje kpo, ni mɛi ni yɔɔ akrowai akaba mli.

Ṅmãle̱ Kroṅkroṅ Le̱

²¹ No mli le̱ mei ni yo̱ Iudea le̱ ádšo foi aya gõdši le̱ ano̱, ni mei ní yo̱ mã le̱ṅ le̱ ádše kpo, nĩ mei ní yo̱ akrowai akaba maṅ.

Luka 21:21 ပူးပေါင်းရင်းမြစ်များ

1 Mose 19:17

Be ni amɛkɛ Lot kɛ ebiyei lɛ eje kpo nɛkɛ sɛɛ lɛ, amɛkɛɛ Lot akɛ, “Joo foi ni ohere oyiwala; kaakwɛ osɛɛ, ni kaawa yɛ jɔɔ lɛ mli he ko he ko. Joo foi kɛya gɔji lɛ anɔ koni akakpãtã ohiɛ.”

1 Mose 19:26

Shi Lot ŋa lɛ kwɛ esɛɛ, kɛkɛ ni etsɔ́ ŋoo kpɔ ema shi.

Abe̱i 22:3

Hiɛtɛ̃lɔ naa osharã miiba ni eteɔ ehe; shi mɔ ni jwɛŋmɔ esako kɛ lɛ yakpeɔ, ni ehiɛ kpãtãa.

Yeremia 35:11

Shi be ni Babilon Maŋtsɛ Nebukadnezar fã ta kɛba ebatua shikpɔŋ lɛ, wɔye wɔfua akɛ wɔɔba Yerusalɛm yɛ gbeyei ni wɔshe Babilon ta lɛ kɛ Siria ta lɛ hu hewɔ. No ji Yerusalɛm ni wɔyɔɔ nɛɛ.’ ”

Yeremia 37:12

Yeremia je Yerusalɛm akɛ eeya Benyamin shikpɔŋ lɛ nɔ koni eyaŋɔ egbɛfaŋnii ko yɛ eweku gboshinii mli.

Yeremia 6:1

Ao! Nyɛ Benyaminbii, nyɛjoa foi kɛjea Yerusalɛm ni nyɛhere nyɛyiwala. Akpã tɛtɛrɛmantɛrɛ yɛ Tekoa, nyɛkɛ lasu pukɔŋŋ atoa okadi yɛ Bet-Hakerem, ejaakɛ sane fɔŋ ni ji hiɛkpãtãmɔ kpeteŋkple miibu tamɔ oblɔtu kɛmiijɛ kooyigbɛ kɛmiiba.

4 Mose 16:26

Mose kɛɛ asafo lɛ akɛ, “Nyɛtsia nyɛhe oya kɛjea nɛkɛ gbɔmɛi fɔ̃ji nɛɛ abui lɛ ahe kɛyaa sɛɛ flɛŋŋ, ni nyɛkataa amɛnɔ ko nɔ ko he koni akakpãtã nyɛ kɛ amɛ fɛɛ hiɛ yɛ amɛhe eshai lɛ ahewɔ.”

Mateo 2:1

Be ni afɔ Yesu yɛ Betlehem yɛ Yudea, yɛ Maŋtsɛ Herode yinɔ lɛ, nilelɔi jɛ bokã ba Yerusalɛm babi akɛ,

Mateo 24:16

No lɛ mɛi ni yɔɔ Yudea lɛ ajo foi amɛya gɔji lɛ anɔ;

Marko 13:15

ni mɔ ni yɔɔ tsu yiteŋ lɛ akakpleke shi aloo ebote shĩa eyakɔ nɔ ko;

Kpojiemɔ 18:4

Ni minu gbee kroko kɛjɛ ŋwɛi miikɛɛ, “Nyɛjea emli, mimaŋ, koni nyɛkɛ lɛ akafea eshai ni efeɔ lɛ, ni nyɛkana ehaomɔi lɛ eko.