Luka 20:47 - ŊMALƐ KRƆŊKRƆŊ LƐ

⁴⁷ amɛyeɔ okulafoi agboshinii yɛ amɛdɛŋ, belɛ amɛkwa amɛmiisɔle sɔlemɔi kakadaji. Amɛfɔbuu lɛ aaafe nine.”

Ṅmãle̱ Kroṅkroṅ Le̱

⁴⁷ mei ní mĩo̱ yei okũlafoi ašĩai, ní lakpatō hewo̱ ní ame̱so̱leo̱ so̱lemo̱i kakadãdši le̱; mene̱mei afo̱bū le̱ aafē nine.

Luka 20:47 ပူးပေါင်းရင်းမြစ်များ

Yesaia 10:2

Mlai nɛɛ hãa atsɔ̃ɔ ohiafo sane hiɛ abuɔ shi, ni akɛshɔɔ mimaŋbii ateŋ ohiafoi lɛ agbɛnaanii yɛ amɛdɛŋ, koni aha okulafoianii, ni ashɔ̃ awusãi agboshinii yɛ amɛdɛŋ.

Ezekiel 22:7

Abuuu tsɛ kɛ nyɛ yɛ omli, ayeɔ gbɔ amim yɛ omli; awaa awusa kɛ okulafo yi yɛ omli.

Ezekiel 33:31

Ni amɛbuaa amɛhenaa kɛbaa oŋɔɔ akɛ maŋ, ni amɛbataraa ohiɛ akɛ mimaŋbii, ni amɛboɔ owiemɔ lɛ toi, shi amɛyeee nɔ. Ejaakɛ amɛsumɔɔ gbɔmɔ kɛ amɛnaabu, shi amɛkɛ amɛtsui fɔɔ amɛsɛɛnamɔ nɔ.

Amos 2:7

Amɛnaanaa ohiafoi ayitsei anɔ yɛ shikpɔŋ mlu mli, ni amɛtsirɛɔ mɛi ni ehao kɛyaa gbɛsɛɛ. Mɔ kɛ lɛ diɛŋtsɛ etsɛ fɛɛ kɛ oblayoo kome lɛ nɔŋŋ naa bɔlɛ, ni amɛkɛbuleɔ migbɛi krɔŋkrɔŋ lɛ.

Mika 2:2

Amɛhiɛ kɔ̃ɔ ŋmɔji anɔ, ni amɛshɔ̃ɔ; amɛhiɛ kɔ̃ɔ shĩai anɔ, ni amɛŋɔɔ. Mɔ ko mɔ ko gboshinii kɛ ewe fɛɛ bɛ shweshweeshwe.

Mika 2:8

Yehowa to he akɛ, “Nyɛteɔ shi nyɛwoɔ mimaŋ lɛ tamɔ ateɔ shi awoɔ henyɛlɔi. Mɛi kuɔ amɛsɛɛ kɛjɛɔ ta naa kɛbaa, ni amɛsusuɔ akɛ amɛfee shweshweeshwe yɛ shĩa. Shi naa nyɛ ni nyɛmiimɛ amɛ koni nyɛkpɔlɔ amɛtadei yɛ amɛhe.

Mika 3:2

Shi nyɛnyɛɔ ekpakpa, ni nyɛsumɔɔ efɔŋ. Nyɛkpɔɔ mimaŋbii lɛ ahe wolo yɛ amɛhe be mli ni amɛhiɛ kã; ni nyɛjieɔ amɛheloo yɛ amɛwui ahe.

Mateo 23:13

“Kpoo hã nyɛ, mlatsɔɔlɔi kɛ Farisifoi, osatofoi! Nyɛŋaa ŋwɛi maŋtsɛyeli lɛ naa nyɛwoɔ gbɔmɛi; nyɛ diɛŋtsɛ lɛ nyɛboteee mli, ni mɛi ni taoɔ mli abote lɛ hu, nyɛŋmɛɛɛ amɛ gbɛ ni amɛbote mli.” [

Mateo 23:14

“Kpoo hã nyɛ, mlatsɔɔlɔi kɛ Farisifoi, osatofoi! Nyɛyeɔ okulafoi agboshinii yɛ amɛdɛŋ, ni nyɛkɛ ablatoo sɔleɔ sɔlemɔi kakadaji. No hewɔ lɛ, nyɛkojomɔ aaafe nine.”]

Marko 12:40

amɛyeɔ okulafoi agboshinii yɛ amɛdɛŋ, ni amɛsɔleɔ sɔlemɔi kakadaji amɛtsɔ̃ɔ mɛi; amɛfɔbuu lɛ aaafe nine!”

Luka 12:1

No mli nɔŋŋ, be ni mɛi akpeiakpei abɔ ebabua amɛhe naa ni mɛi naanaa mɛi anɔ lɛ, ebɔ̃i ekaselɔi lɛ kɛɛmɔ akɛ, “Klɛŋklɛŋ lɛ nyɛhiɛ ahia nyɛhe nɔ yɛ Farisifoi lɛ amãsha ni ji osatofeemɔ lɛ he.

Luka 20:46

“Nyɛhiɛ ahia nyɛhe nɔ yɛ mlatsɔɔlɔi lɛ ahewɔ, ni amɛsumɔɔ jara nɔ ŋamɔi kɛ onukpai ashitaramɔhei yɛ kpeehei lɛ kɛ yitsotamɔ kɛ atsɛ okplɔ̃ lɛ,

Luka 21:1

Yesu wo ehiɛ nɔ ni ena niiatsɛmɛi ni amɛkɛ amɛnikeenii miiwo onia adeka lɛ mli.

1 Tesalonikabii 2:5

Ejaakɛ wɔwieko naadɔkɔmɔ wiemɔ ko pɛŋ, tamɔ bɔ ni nyɛle lɛ, ni wɔtoko hiɛjoomɔ he abla ko hu, Nyɔŋmɔ ji odasefonyo,

Tito 1:16

Amɛjajeɔ akɛ amɛle Nyɔŋmɔ, shi amɛkɛ amɛnitsumɔi kwaa lɛ, ni amɛ ji gbɔmɛi ni ahiɔ, kɛ toigbolɔi, mɛi ni ehiii hãaa nitsumɔ kpakpa ko kwraa.

Yakobo 3:1

Tsɔɔlɔi akafa yɛ nyɛteŋ, minyɛmimɛi, ejaakɛ nyɛle akɛ wɔbaana kojomɔ ni mli wa fe mɛi krokomɛi anɔ.