Luka 20:36 - ŊMALƐ KRƆŊKRƆŊ LƐ

³⁶ ni asaŋ amɛnyɛŋ amɛgboi dɔŋŋ, ejaakɛ amɛtamɔ ŋwɛi bɔfoi; ni Nyɔŋmɔ bii ji amɛ, ejaakɛ shitee lɛ bii ji amɛ.

Ṅmãle̱ Kroṅkroṅ Le̱

³⁶ ni asaṅ ame̱nyẽṅ ame̱gboi doṅṅ; edšake̱ ame̱tamo̱ ṅweibo̱foi ni *Nyoṅmo̱ bii dšiame̱, ake̱-ní šitē bii dšiame hewo le̱. 1 Ioh. 3,1. 2.

Luka 20:36 ပူးပေါင်းရင်းမြစ်များ

Yesaia 25:8

Eeekpãtã gbele hiɛ kɛaatee nanɔ, ni Nuŋtsɔ Nyɔŋmɔ aaatsumɔ hiɛiaŋ yaafonui fɛɛ. Ebaafo emaŋ lɛ hiɛgbele lɛ sɛɛ yɛ shikpɔŋ muu lɛ fɛɛ nɔ. Yehowa diɛŋtsɛ wiemɔ nɛ.

Hosea 13:14

Mibahereŋ amɛ yɛ gbohiiaje dɛŋ; mibaŋ amɛyi yɛ gbele mli? Gbele, nɛgbɛ otsɛŋemɔ hela yɔɔ; ni Gbohiiaje, nɛgbɛ oniiahiɛkpãtãmɔ lɛ yɔɔ? Minaŋ gbɔmɛi nɛɛ mɔbɔ dɔŋŋ.

Zakaria 3:7

“Bɔ ni Yehowa Taiatsɛ lɛ kɛɛ nɛ, ‘Kɛji oooba ojeŋ bɔ ni mitaoɔ, ni oooye mimlai ni miwo lɛ anɔ lɛ, no lɛ bo obaakwɛ misɔlemɔ we lɛ kɛ ehe kpoi lɛ anɔ. Asaŋ mahã bo hegbɛ ni ofata mimɛi ni damɔɔ biɛ lɛ ahe.

Mateo 22:30

Ejaakɛ gbohiiashitee lɛ mli lɛ aŋɔɔɔ yei, ni asaŋ akɛ yei hãaa gbãlã; shi moŋ amɛtamɔ Nyɔŋmɔ bɔfoi yɛ ŋwɛi.

Marko 12:25

Ejaakɛ be ni amɛaate shi kɛaajɛ gbohii ateŋ lɛ, hii lɛ eŋɔŋ yei, ni yei lɛ hu egbãŋ; shi moŋ amɛaatamɔ ŋwɛi bɔfoi.

Romabii 8:16

Lɛ Mumɔ lɛ diɛŋtsɛ kɛ wɔmumɔ lɛ yeɔ odase akɛ Nyɔŋmɔ bii ji wɔ.

1 Korintobii 15:26

Naagbee henyɛlɔ ni abaakpãtã ehiɛ ji gbele.

1 Korintobii 15:42

Nakai nɔŋŋ ji gbohiiashitee lɛ hu. Aduɔ gbɔmɔtso lɛ yɛ fitemɔ mli, ateɔ lɛ shi yɛ nɔ ni fiteee mli.

1 Korintobii 15:49

Ni tamɔ bɔ ni wɔhiɛ mɔ ni jɛ su mli lɛ subaŋ lɛ, nakai nɔŋŋ wɔbaahiɛ ŋwɛinyo lɛ hu subaŋ.

Filipibii 3:21

Lɛ ebaatsake wɔgbɔmɔtso ni hiɛ bɛ nyam lɛ koni etamɔ enunyam gbɔmɔtso lɛ su, yɛ ehewalɛ nitsumɔ ni ekɛnyɛɔ eŋɔɔ nibii fɛɛ ewoɔ eshishi hu lɛ naa lɛ.

Kpojiemɔ 20:6

Mɔ ni naa gbɛ yɛ klɛŋklɛŋ shitee lɛ mli lɛ ajɔɔ lɛ ni mɔ krɔŋkrɔŋ ji lɛ. Gbele ni ji enyɔ lɛ bɛ hewalɛ ko yɛ nakai mɛi lɛ anɔ; moŋ amɛaatsɔ̃mɔ Nyɔŋmɔ kɛ Kristo osɔfoi, ni amɛkɛ lɛ aaaye maŋtsɛ afii akpe.

Kpojiemɔ 21:4

Ni Nyɔŋmɔ aaatsumɔ amɛhiɛiaŋ yafonui fɛɛ. Gbele bɛ dɔŋŋ, ni ŋkɔmɔyeli loo bolɔmɔ loo nɔnaa ko hu bɛ dɔŋŋ; ejaakɛ tsutsunii lɛ eho etee.”

Kpojiemɔ 22:9

Ni ekɛɛ mi akɛ, “Kwɛ, kaafee nakai! Ejaakɛ bo kɛ onyɛmimɛi lɛ kɛ gbalɔi lɛ kɛ mɛi ni yeɔ nɛkɛ wolo nɛɛ mli wiemɔi lɛ anɔ lɛ anaanyo tsulɔ ji mi. Já Nyɔŋmɔ!”