Luka 20:17 - ŊMALƐ KRƆŊKRƆŊ LƐ

¹⁷ Shi ekwɛ amɛ kɛkpe ni ekɛɛ, “Mɛni nɔ ni aŋma nɛɛ tsɔ̃ɔ mɔ akɛ, ‘Tɛ lɛ ni tsutswalɔi lɛ shɛ fɔ̃ lɛ, No nɔŋŋ etsɔ koŋtɛ lɛ? ’

Ṅmãle̱ Kroṅkroṅ Le̱

¹⁷ Ši ekwe̱ame̱ ke̱-kpe ni ekē̱: Meni dši noni *aṅmã ne̱ mo̱, ake̱: “Te̱ le̱ ni tšũtſalo̱i le̱ šé̱-fõ le̱, no noṅṅ étšṍ koṅte̱” le̱? *Lal. 118,22.

Luka 20:17 ပူးပေါင်းရင်းမြစ်များ

Lalai 118:22

Tɛ lɛ ni tsutswalɔi lɛ kwa lɛ etsɔ̃ koŋtɛ.

Yesaia 28:16

No hewɔ lɛ, nɔ ni Nuŋtsɔ Nyɔŋmɔ kɛɔ nɛ, “Naa, mikɛ tɛ ko miima shi akɛ Zion shishitoo tɛ; eji tɛ ni aka akwɛ, koŋtɛ ni jara wa ni ma shi shiŋŋ; ni aŋma yɛ nɔ akɛ, ‘Mɔ ni heɔ yeɔ lɛ ehe kpokpoŋ.’ ”

Zakaria 10:4

Koŋtɛ lɛ aaajɛ Yuda mli, emli nɔŋŋ buu lɛ shiŋmlitso lɛ hu aaajɛ, kɛ tawuu gãitso lɛ kɛ lumɛi srɔtoi fɛɛ hu.

Zakaria 3:9

Asaŋ mikɛ tɛ koome ni yɛ hiɛi kpawo ema Yoshua hiɛ, ni makpɛ niŋmaa yɛ nakai tɛ lɛ nɔ, Yehowa Taiatsɛ lɛ kɛɛ. Ni mikɛ gbi kome baagbe shikpɔŋ lɛ tɔ̃mɔ fɛɛ.

Mateo 21:42

Yesu kɛɛ amɛ akɛ, “Ani nyɛkaneko yɛ Ŋmalɛi lɛ amli dã akɛ, ‘Tɛ lɛ ni tsutswalɔi lɛ shɛ fɔ̃ lɛ, no nɔŋŋ etsɔ̃ koŋtɛ. Nuŋtsɔ lɛ dɛŋ enɛ jɛ, ni eyɛ naakpɛɛ yɛ wɔhiŋmɛiiaŋ?’

Marko 10:23

Ni Yesu kwɛ ehewɔ kɛkpe, ni ekɛɛ ekaselɔi lɛ akɛ, “Nyɛna bɔ ni ewa hã niiatsɛmɛi akɛ amɛaabote Nyɔŋmɔ Maŋtsɛyeli lɛ mli!”

Marko 12:10

Ani nyɛkaneko nɛkɛ ŋmalɛ nɛɛ, ‘Tɛ lɛ ni tsutswalɔi lɛ shɛ fɔ̃ lɛ, no nɔŋŋ etsɔ̃ koŋtɛ.

Marko 3:5

Ni ekwɛ amɛhiɛiaŋ kɛkpe kɛ mlifu, ejaakɛ edɔ lɛ akɛ amɛtsui wa nɛkɛ; ni ekɛɛ nuu lɛ akɛ, “Kpã onine lɛ mli!” Ekpã mli, ni atsa enine lɛ ni eye emuu.

Luka 19:41

Ni be ni eshɛ etã ni ena maŋ lɛ, efo eshwie enɔ,

Luka 22:37

Ejaakɛ miikɛɛ nyɛ akɛ nɔ ni aŋma nɛɛ hu, ja eba mli yɛ mihe, akɛ, ‘Ni abu lɛ ashi mlatɔlɔi anɔ’; ejaakɛ nibii ni aŋmala yɛ mihe lɛ miiba mli.”

Luka 22:61

Ni Nuŋtsɔ lɛ tsɔ̃ ehe, ni ekwɛ Petro; ni Petro kai Nuŋtsɔ lɛ wiemɔ lɛ ni ekɛɛ lɛ akɛ, “Ŋmɛnɛ wuɔ naŋ agbɛɛ ni oookpa yɛ misɛɛ shii etɛ̃”, lɛ.

Luka 24:44

Ni ekɛɛ amɛ akɛ, “Enɛɛmɛi ji miwiemɔi ni mikɛ nyɛ wie be ni mikɛ nyɛ yɔɔ lolo lɛ, akɛ ja nibii fɛɛ ni aŋma yɛ Mose mla lɛ kɛ Gbalɔi lɛ kɛ Lalai lɛ amli yɛ mihe lɛ na ba mli.”

Yohane 15:25

Shi afee enɛ bɔ ni afee ni wiemɔ ni aŋma yɛ amɛMla lɛ mli akɛ, ‘Amɛnyɛ mi yakatswaa’ lɛ ana aba mli.

Bɔfoi 4:11

Lɛ nɔŋŋ ji mɔ ni ŋmalɛi lɛ wie yɛ ehe akɛ, ‘Tɛ lɛ ni nyɛ ni nyɛ ji tsutswalɔi lɛ gbe ehe guɔ lɛ, no ebatsɔ̃ koŋtɛ nɛɛ.’

Efesobii 2:20

ni atswa nyɛ ama bɔfoi lɛ kɛ gbalɔi lɛ shishitoo lɛ ni ekoŋtɛ ji Yesu Kristo lɛ nɔ.

1 Petro 2:6

No hewɔ hu ni eyɔɔ ŋmalɛ lɛ mli akɛ, “Naa, mikɛ koŋtɛ miiŋmɛ shi yɛ Zion, tɛ ni ahala ni ejara wa. Ni mɔ ni heɔ enɔ yeɔ lɛ hiɛ gboŋ kɔkɔɔkɔ.”