Luka 2:4 - ŊMALƐ KRƆŊKRƆŊ LƐ

⁴ Ni Yosef hu jɛ Nazaret maŋ lɛ mli yɛ Galilea, ni etee David maŋ ni atsɛɔ lɛ Betlehem yɛ Yudea lɛ mli; ejaakɛ ejɛ David we kɛ eweku lɛ mli.

Ṅmãle̱ Kroṅkroṅ Le̱

⁴ Ke̱ke̱ ni Iosef hũ dše̱ Nazaret mã le̱ṅ ye̱ Galilea ni ete Betlehem ní dši David mã le̱ṅ ye̱ Iudea, edšake̱ edše̱ David we ke̱ eweku le̱ mli,

Luka 2:4 ပူးပေါင်းရင်းမြစ်များ

1 Mose 35:19

Rahel gbo ni afu lɛ yɛ Efrat ni ji Betlehem gbɛ lɛ he.

1 Mose 48:7

Ejaakɛ be ni mijɛ Mesopotamia ni mibaa Kanaan lɛ, Rahel gbo shi mi yɛ gbɛ teŋ, be ni eshwɛ gbɛ kukuoo dani ashɛɔ Efrat lɛ, ni mifu lɛ yɛ jɛi yɛ gbɛ ni yaa Efrat ni ji ŋmɛnɛ Betlehem lɛ he.”

Mika 5:2

Yehowa kɛɛ, “Betlehem Efrata, maji bibii fe fɛɛ ni yɔɔ Yuda shikpɔŋ lɛ nɔ lɛ ateŋ ekome ji bo, shi omli majie Israel nɔyelɔ kɛaajɛ. Nɔyelɔ nɛɛ weku kpãa aaajɛ blema beebe.”

Mateo 1:20

Shi be ni ejwɛŋɔ nii nɛɛ ahe lɛ, Nuŋtsɔ lɛ bɔfo jie ehe kpo etsɔ̃ɔ lɛ yɛ wɔlamɔ mli, ni ekɛɛ lɛ akɛ, “Yosef, David bi, kaashe oŋa Maria lɛ ŋɔɔ gbeyei, shi musu ni ehiɛ nɛɛ ejɛ Mumɔ Krɔŋkrɔŋ lɛ mli,

Mateo 2:23

Ni eba ebahi maŋ ko ni atsɛɔ lɛ Nazaret lɛ mli, koni nɔ ni gbalɔi lɛ wie lɛ aba mli akɛ, “Aaatsɛ lɛ Nazarenyo.”

Luka 2:3

Ni mɛi fɛɛ tee amɛ diɛŋtsɛ amɛmaŋ koni aŋma amɛgbɛi.

Luka 2:5

Etee koni aŋma ekɛ Maria, yoo ni etsɛ ehe baa ni hiɛ musu lɛ, gbɛi.

Luka 4:16

Ni Yesu ba Nazaret, he ni alɛ lɛ yɛ lɛ, ni tamɔ bɔ ni efɔɔ feemɔ lɛ, etee kpeehe lɛ yɛ hejɔɔmɔ gbi lɛ nɔ, ni ete shi koni ekane Ŋmalɛ Krɔŋkrɔŋ lɛ.

Yohane 1:46

Ni Natanael kɛɛ lɛ akɛ, “Ani nɔ ko kpakpa ko aaanyɛ ajɛ Nazaret?” Filipo kɛɛ lɛ akɛ, “Ba ni obakwɛ.”

Yohane 7:42

Ani Ŋmalɛ lɛ ekɛɛɛ akɛ David shwiei lɛ mli kɛ Betlehem maŋ he ni David hi lɛ, jɛi Kristo lɛ baajɛ?”

Rut Wolo Lɛ 1:19

No hewɔ lɛ, amɛyi enyɔ lɛ amɛkɛshwie nɔ ekoŋŋ, kɛyashi amɛshɛ Betlehem. Be ni amɛshɛ jɛi lɛ, maŋ lɛ fɛɛ bu, ni yei lɛ kɛɛkɛɛ akɛ, “Naomi kɛ̃ nɛ?”

Rut Wolo Lɛ 2:4

Boaz jɛ Betlehem eba, ni ehã nikpalɔi lɛ aekoo ekɛɛ, “Yehowa kɛ nyɛ ahi shi!” Ni amɛhere lɛ nɔ akɛ, “Yehowa ajɔɔ bo!”

Rut Wolo Lɛ 4:11

Ni maŋbii ni yɔɔ maŋ koi lɛ shi lɛ kɛ onukpai lɛ fɛɛ here nɔ akɛ, “Wɔji odasefoi! Yehowa ahã yoo lɛ ni baa owe lɛ atamɔ Rahel kɛ Lea ni amɛyi enyɔ lɛ pɛ mli Israel we lɛ jɛ lɛ. Otsɔ̃ gbɔmɔ agbo yɛ Efrata, ni ogbɛi ahehe yɛ Betlehem.

Rut Wolo Lɛ 4:17

Ni Naomi kuuŋyei lɛ nya amɛkɛɛ, “Afɔ binuu ahã Naomi eei!” Ni amɛwo abifao lɛ gbɛi akɛ Obed. Obed nɛɛ lɛ efɔ Ishai, ni Ishai hu fɔ Maŋtsɛ David.

1 Samuel 16:1

Yehowa kɛɛ Samuel akɛ, “Mɛɛ beyinɔ nɔŋŋ ni oooye Saul he ŋkɔmɔ kɛyashi, be mli ni ona ole akɛ mikwa lɛ Israel maŋtsɛyeli? Wo okoŋ lɛ mli mu obɔ̃; mibatsu bo Yeshai, Betlehemnyo lɛ, ŋɔɔ ejaakɛ miŋɔ maŋtsɛ yɛ ebihii lɛ ateŋ mihã mihe.”

1 Samuel 16:4

Samuel fee nɔ ni Yehowa kɛɛ lɛ lɛ. Be ni eshɛ Betlehem lɛ, maŋ lɛ mli onukpai lɛ kɛ Samuel bakpe kɛ hekpokpomɔ, ni amɛbi lɛ akɛ, “Hejɔlɛ baa oba nɛɛ lo?”

1 Samuel 17:12

Efraimnyo ko ni jɛ Betlehem yɛ Yuda ni atsɛɔ lɛ Yeshai lɛ bi ji David. Yeshai nɛɛ yɛ bihii kpaanyɔ, Saul yinɔ lɛ Yeshai egbɔ jogbaŋŋ diɛŋtsɛ.

1 Samuel 17:58

Saul bi David akɛ, “Namɔ bi ji bo, oblanyo?” David jie lɛ naa ekɛɛ, “Otsulɔ Yeshai, Betlehemnyo lɛ, bi ji mi.”

1 Samuel 20:6

Kɛji otsɛ bi mishi lɛ, okɛɛ lɛ akɛ, ‘David bi mi gbɛ kpɛ̃kpɛ̃ɛkpɛ̃ akɛ eesha foi eya emaŋ Betlehem nɔŋŋ ni eba, ejaakɛ eweku fɛɛ miishã daa afi afɔle yɛ jɛi.’