Luka 2:37 - ŊMALƐ KRƆŊKRƆŊ LƐ

³⁷ ni agbɛnɛ okulafo ji lɛ, ni eye afii nyɔŋmai kpaanyɔ kɛ ejwɛ ni ejeee Sɔlemɔ we lɛ kwraa, ejaa Nyɔŋmɔ kɛ ŋmaahilɛ kɛ faikpamɔ nyɔɔŋ kɛ shwane.

Ṅmãle̱ Kroṅkroṅ Le̱

³⁷ ni okũlafoyō dšile̱, ni eye aafe afii nyoṅmai-kpānyo̱ ke̱ edſe̱, ni edšee so̱lemo̱we le̱ kwrā, ši edšáa Nyoṅmo̱ ke̱ buadayeli ke̱ faikpamo̱ nyōṅ ke̱ ſane. 1 Tim. 5,5.

Luka 2:37 ပူးပေါင်းရင်းမြစ်များ

Lalai 22:2

Oo, miNyɔŋmɔ, mibolɔɔ shwane, shi ohereee mi nɔ. Mibolɔɔ nyɔɔŋ hu, ni mijɔɔɔ mihe.

Lalai 23:6

Lɛɛlɛŋ, ejurɔyeli kɛ omɔbɔnalɛ aaanyiɛ misɛɛ yɛ miwala be lɛ fɛɛ mli; ni asaŋ, mahi Yehowa we lɛ miwala gbii abɔ fɛɛ.

Lalai 27:4

Nɔ koome mibiɔ yɛ Yehowa dɛŋ, ni no sɛɛgbɛ mitiuɔ: akɛ mahi shi yɛ Yehowa we lɛ, miwala gbii abɔ fɛɛ; ni mana Yehowa lɛ, ni makase nii hu yɛ eSɔlemɔ we lɛ.

Lalai 84:10

Gbi kometoo shihilɛ yɛ oSɔlemɔ we lɛ, ehi fe gbii akpe ni aaaye yɛ he kroko. Masumɔ matsɔ̃ shinaa naabulɔ yɛ miNyɔŋmɔ lɛ we lɛ, fe nɔ ni mahi efɔŋfeelɔi awe mli.

Lalai 84:4

kwɛ bɔ ni mɛi ni hiɔ owe lɛ yɔɔ miishɛɛ hã, ni amɛlaa daa kɛjieɔ oyi.

Lalai 92:13

Amɛtamɔ tsei ni atɛo yɛ Yehowa we lɛŋ; amɛfrɔkeɔ yɛ wɔNyɔŋmɔ lɛ kpoi lɛ anɔ.

2 Mose 38:8

Bezaleel kɛ akɔɔble fee okpolu kɛ ehe akɔɔble nane ni ta shi koni akɛfɔflɔ he lɛ. Akɔɔble ni akɛfee lɛ yei ni sɔ̃mɔɔ yɛ Kpee Buu lɛ shinaa lɛ naa lɛ ashwishwɛi akɛfee.

Luka 5:33

Ni amɛkɛɛ lɛ akɛ, “Yohane kaselɔi lɛ fɔɔ ŋmaahilɛ kɛ sɔlemɔ, ni Farisifoi lɛ akaselɔi lɛ hu feɔ nakai nɔŋŋ, ni bo lɛ okaselɔi lɛ yeɔ nii ni amɛnuɔ nii.”

Bɔfoi 13:3

Kɛkɛ ni amɛhi ŋmaa ni amɛsɔle, ni amɛkɛ amɛniji ŋmɛ̃lɛ amɛnɔ ni amɛwo amɛ gbɛ.

Bɔfoi 14:23

Ni amɛfãmɔ onukpai amɛto asafo fɛɛ asafo nɔ, ni amɛkɛ sɔlemɔ kɛ ŋmaahilɛ tu amɛ amɛwo Nuŋtsɔ, mɔ nɔ ni amɛhe amɛye lɛ dɛŋ.

Bɔfoi 26:7

No nɔ wɔkutsei nyɔŋma kɛ enyɔ lɛ hiɛ kã akɛ amɛnine aaashɛ hewɔ ni amɛhiɛ jamɔ mli waa nyɔɔŋ kɛ shwane lɛ. Maŋtsɛ Agripa, nɛkɛ hiɛnɔkãmɔ nɛɛ hewɔ Yudafoi lɛ folɔɔ minãa nɛɛ.

1 Timoteo 5:5

Shi mɔ ni ji yoo okulafo lɛɛlɛŋ ni eshwɛ ekome too lɛ, ekɛ ehiɛ fɔ̃ɔ Nyɔŋmɔ nɔ ni ehiɛɔ faikpamɔi kɛ sɔlemɔi amli nyɔɔŋ kɛ shwane.

Kpojiemɔ 3:12

Kunimyelɔ lɛ, mafee lɛ akulashiŋ yɛ miNyɔŋmɔ lɛ Sɔlemɔtsu lɛ mli, ni ejeŋ kpo dɔŋŋ. Ni maŋma miNyɔŋmɔ lɛ gbɛi, kɛ miNyɔŋmɔ lɛ maŋ ni ji Yerusalɛm hee ni jɛɔ ŋwɛi kpelekeɔ shi kɛjɛɔ miNyɔŋmɔ lɛ ŋɔɔ lɛ gbɛi kɛ mi diɛŋtsɛ migbɛi hee lɛ yɛ enɔ.

Kpojiemɔ 7:15

No hewɔ ni amɛyɔɔ Nyɔŋmɔ maŋtsɛ sɛ̃i lɛ hiɛ, ni amɛjaa lɛ nyɔɔŋ kɛ shwane yɛ eSɔlemɔtsu lɛ mli lɛ; ni mɔ ni ta maŋtsɛsɛi lɛ nɔ lɛ aaashi ebuu lɛ eto amɛnɔ.

1 Samuel 2:2

“Mɔ krɔŋkrɔŋ ko bɛ tamɔ bo, Yehowa, osɛɛ lɛ mɔ ko bɛ dɔŋŋ; Mɔ ko bɛ hewalɛ tamɔ wɔNyɔŋmɔ lɛ.