Luka 2:25 - ŊMALƐ KRƆŊKRƆŊ LƐ

²⁵ Ni naa, nuu ko yɛ Yerusalɛm ni atsɛɔ lɛ akɛ Simeon; nakai nuu lɛ jalɔ ji lɛ, ni esheɔ Nyɔŋmɔ gbeyei, ni eekwɛ Israel yiwalaheremɔ lɛ gbɛ. Mumɔ Krɔŋkrɔŋ yɛ enɔ,

Ṅmãle̱ Kroṅkroṅ Le̱

²⁵ Ni na, nū ko ye̱ Ierusalem ní atšé̱o̱le̱ ake̱ Simeon, ni nakai nū le̱ dšalo̱ dšile̱ ni ešeo̱ Nyoṅmo̱ gbeyei, ēkwe̱ *Israel mīše̱dšemo̱ le̱ gbe̱, ni Mumo̱ kroṅkroṅ ye̱ eno. *Ies 40,1; 49,13.

Luka 2:25 ပူးပေါင်းရင်းမြစ်များ

1 Mose 6:9

Mɛnɛɛmɛi ji Noa shwiei lɛ. Noa ji jalɔ ni eye emuu yɛ eyinɔbii lɛ ateŋ; ni efeɔ Nyɔŋmɔ suɔmɔnaanii.

Hiob 1:1

Nuu ko hi shi yɛ Uz shikpɔŋ lɛ nɔ; egbɛi ji Hiob. Esheɔ Nyɔŋmɔ gbeyei, ni ewiɔ ehe yɛ efɔŋ he. Eji gbɔmɔ ni shwamɔ ko bɛ ehe, asaŋ efeɔ nii ni ja hu.

Hiob 1:8

Kɛkɛ ni Yehowa bi Abonsam akɛ, “Osusu mitsulɔ Hiob he akɛ mɔ ko mɔ ko bɛ shikpɔŋ lɛ nɔ ni tamɔ lɛ ni eji nuu anɔkwafo ni sheɔ Nyɔŋmɔ gbeyei, ni ewiɔ ehe yɛ efɔŋ he, ni shwamɔ ko bɛ ehe, ni efeɔ nɔ ni ja?”

Yesaia 25:9

Nakai be lɛ aaakɛɛ akɛ, “Naa, wɔNyɔŋmɔ lɛ nɛ. Wɔkɛ wɔhiɛ efɔ̃ enɔ akɛ eeehere wɔ. Yehowa ni wɔhiɛ kã enɔ lɛ nɛ; nyɛhãa wɔmii ashɛa, ni wɔnyaa yɛ edɛŋ yiwalaheremɔ lɛ hewɔ.”

Yesaia 40:1

“Nyɛshɛjea, nyɛshɛjea mimaŋ lɛ mii!” WɔNyɔŋmɔ lɛ kɛɛ.

Mika 6:8

Dabida! Ao Adesa, Yehowa etsɔ̃ɔ bo nɔ ni hi. Nɔ ni ebiɔ yɛ odɛ̃ŋ nɛ, akɛ ofee nɔ ni ja gbɛ, osumɔ onyɛmimɛi, okɛ oNyɔŋmɔ lɛ anyiɛ yɛ heshibaa mli.

4 Mose 11:25

Ni Yehowa kpeleke shi yɛ atatu mli, ni ekɛ Mose bawie, ni eŋɔ mumɔ lɛ ni ekɛhã Mose lɛ eko ekɛhã onukpai nyɔŋmai kpawo lɛ hu. Amrɔ nɔŋŋ ni mumɔ lɛ yi amɛnɔ lɛ, amɛgbagbai; shi kɛjɛ no sɛɛ lɛ amɛgbaaa dɔŋŋ.

4 Mose 11:29

Shi Mose kɛɛ Yoshua akɛ, “Mi oyeɔ awuŋã ohã nɛɛ? Miná ni kulɛ Yehowa maŋ muu lɛ fɛɛ tsɔ̃mɔ gbalɔi, ni Yehowa fɔse emumɔ lɛ eshwie amɛnɔ.”

Marko 15:43

Yosef ni jɛ Arimatia, ni ji akwaashɔŋnyo ko ni yɔɔ gbɛi ni lɛ hu ekwɛɔ Nyɔŋmɔ Maŋtsɛyeli lɛ gbɛ lɛ, ba ni ekɛ ekãa yiŋ kɛtee Pilato ŋɔɔ, ni eyabi Yesu gbonyo lɛ.

Luka 1:41

Ni eba mli akɛ, be ni Elizabet nu Maria ŋamɔ lɛ, abifao lɛ tu yɛ Elizabet musuŋ; ni Mumɔ Krɔŋkrɔŋ yi Elizabet obɔ̃;

Luka 1:6

Amɛyi enyɔ lɛ fɛɛ lɛ, jalɔi ji amɛ yɛ Nyɔŋmɔ hiɛ ni amɛyeɔ Nuŋtsɔ lɛ kitãi kɛ ekpɔi lɛ fɛɛ anɔ ni shwamɔ ko bɛ amɛhe.

Luka 1:67

Ni etsɛ Zakaria yi obɔ̃ kɛ Mumɔ Krɔŋkrɔŋ, ni egba ekɛɛ,

Luka 2:38

Lɛ hu eba yɛ nakai ŋmɛlɛtswaa lɛ mli nɔŋŋ, ni ebajie Nyɔŋmɔ yi; ni ewie yɛ gbekɛ Yesu lɛ he etsɔ̃ɔ mɛi fɛɛ ni kwɛɔ Yerusalɛm kpɔ̃mɔ lɛ gbɛ lɛ.

Luka 23:51

Ni ejɛ Arimatia, Yudafoi lɛ amaji lɛ eko nɔ, lɛ lɛ ekpɛlɛ̃ɛɛ amɛyiŋtoo kɛ amɛnifeemɔnii lɛ nɔ, ni eekwɛ Nyɔŋmɔ maŋtsɛyeli lɛ gbɛ;

Bɔfoi 10:2

Nyɔŋmɔ jalɔ ni, ni ekɛ ewe lɛ fɛɛ sheɔ Nyɔŋmɔ gbeyei, ni efeɔ maŋbii lɛ ejurɔ pii, ni ekpaa Nyɔŋmɔ fai daa.

Bɔfoi 10:22

Ni amɛkɛɛ, “Asraafoiohaatsɛ Kornelio, ni ji nuu jalɔ kɛ Nyɔŋmɔ gbeyeishelɔ ni Yudafoi amaŋ muu lɛ fɛɛ yeɔ ehe odase lɛ, lɛ ŋwɛi bɔfo krɔŋkrɔŋ ko kɛɛ lɛ akɛ etsu ni abakpee bo kɛba ewe lɛ, koni ebo onaa toi.”

Bɔfoi 2:5

Shi Yudafoi Nyɔŋmɔ gbeyeishelɔi komɛi yɛ Yerusalɛm, ni amɛjɛ jeŋ maji fɛɛ ni yɔɔ ŋwɛi shishi lɛ anɔ.

Bɔfoi 24:16

Enɛ hewɔ mikɛ mihe efɔ̃ɔɔ shi lɛ, bɔ ni afee ni mana henilee ni sɔ̃ ko wulaaa lɛ yɛ Nyɔŋmɔ kɛ gbɔmɛi ahiɛ yɛ nibii fɛɛ amli.

5 Mose 18:15

“Yehowa, nyɛNyɔŋmɔ lɛ, baatee gbalɔ ko ni tamɔ mi shi yɛ nyɛ nyɛteŋ, ni lɛ toi esa akɛ nyɛbo.

2 Petro 1:21

Ejaakɛ gbalɛ ko bako yɛ gbɔmɔ suɔmɔ̃naa pɛŋ, shi moŋ Mumɔ Krɔŋkrɔŋ lɛ tsirɛ gbɔmɛi ni amɛwie wiemɔi ni Nyɔŋmɔ kɛhã amɛ lɛ.