Luka 2:14 - ŊMALƐ KRƆŊKRƆŊ LƐ

¹⁴ “Anunyam ahã Nyɔŋmɔ yɛ ŋwɛi flooflo, ni hejɔlɛ aba shikpɔŋ lɛ nɔ, ni ana gbɔmɛi ahe tsuijurɔ!”

Ṅmãle̱ Kroṅkroṅ Le̱

¹⁴ Anumnyam aha Nyoṅmo̱ ye̱ ṅwei flōflō, ni hedšo̱le̱ aba šikpoṅ le̱ no̱, ni aná gbomei ahe tšuidšŭrõ! 19,38. Ies. 57,19. Ef. 2,14. 17.

Luka 2:14 ပူးပေါင်းရင်းမြစ်များ

Yesaia 44:23

Ao ŋwɛi, la ejaakɛ Yehowa etsu enii! Ao shikpɔŋ lɛ shishi, bɔɔ oshe! Ao gɔji, nyɛwoa lala nɔ! Ao koo kɛ tso fɛɛ tso ni yɔɔ mli, nyɛlaa! Ejaakɛ Yehowa ekpɔ̃ Israel ni aawo ehiɛ nyam yɛ Israel.”

Yesaia 49:13

“Ŋwɛi, lá kɛ miishɛɛ! Shikpɔŋ, bɔɔ oshe kɛ nyamɔ! Gɔji, nyɛlaa nyamɔ lala! Ejaakɛ Yehowa eshɛje emaŋ lɛ mii; ni emɛi ni nii yɔɔ mɔbɔ lɛ, emusuŋ aaatsɔ̃ lɛ yɛ amɛhe.

Yesaia 57:19

Hejɔlɛ, hejɔlɛ aha mɔ ni yɔɔ shɔŋŋ kɛ mɔ ni bɛŋkɛ fɛɛ. Mibatsa miwebii lɛ.

Mika 5:5

ni ekɛ hejɔlɛ aaaba. Kɛji Asiriabii lɛ aaabatua wɔshikpɔŋ lɛ, kɛji amɛaafite wɔmɔji ni buɔ wɔhe lɛ ni amɛaatsɔ̃ mli kɛho lɛ, no lɛ wɔɔtee hiɛnyiɛlɔi kãkãlɔi babaoo shi wɔwo amɛ.

Mateo 21:9

ni asafoi ni nyiɛ ehiɛ kɛ mɛi ni nyiɛ esɛɛ lɛ fɛɛ bolɔ amɛkɛɛ, “Hosiana David Bi lɛ! Ajɔɔ mɔ ni baa yɛ Nuŋtsɔ lɛ gbɛi mli lɛ! Hosiana yɛ ŋwɛi flooflo!”

Luka 1:79

Koni ehã jeŋ atse ahã mɛi ni tara duŋ kɛ gbele hɔɔŋ mli lɛ, Ni akudɔ wɔnaji kɛya hejɔlɛ gbɛ lɛ nɔ.”

Luka 19:38

amɛkɛɛ, “Ajɔɔ maŋtsɛ ni baa yɛ Nuŋtsɔ lɛ gbɛi mli lɛ! Hejɔlɛ yɛ ŋwɛi, ni anunyam yɛ ŋwɛi flooflo!”

Luka 2:13

Ni trukaa lɛ ŋwɛi ta kpele bafata bɔfo lɛ he, ni amɛ jie Nyɔŋmɔ yi amɛkɛɛ,

Luka 2:15

Be ni bɔfoi lɛ eje amɛŋɔɔ amɛtee ŋwɛi lɛ, tookwɛlɔi lɛ kɛɛkɛɛ amɛhe akɛ, “Nyɛhãa wɔyaa Betlehem koo, ni wɔyakwɛa nɔ ni eba ni Nuŋtsɔ lɛ ejie kpo etsɔ̃ɔ wɔ nɛɛ.”

Luka 3:22

ni Mumɔ Krɔŋkrɔŋ lɛ kpeleke shi kɛ su ni tamɔ okpo su kɛba enɔ; ni gbee ko jɛ ŋwɛi kɛɛ, “Bo ji miSuɔmɔ Bi lɛ, bo ohe tsui minaa!”

Yohane 14:27

“Hejɔlɛ mishiɔ mahã nyɛ, hejɔlɛ ni ji minɔ lɛ mikɛhãa nyɛ, jeee bɔ ni je lɛ hãa lɛ mihãa nyɛ nɛɛ. Nyɛtsui akayea, ni asaŋ nyɛkashea gbeyei.

Yohane 17:4

Miwo ohiɛ nyam yɛ shikpɔŋ lɛ nɔ, akɛni nitsumɔ lɛ ni okɛhã mi tsumɔ lɛ, migbe naa lɛ.

Yohane 3:16

“Ejaakɛ nɛkɛ Nyɔŋmɔ sumɔ je lɛ, akɛ eŋɔ eBi koome lɛ ehã, koni mɔ fɛɛ mɔ ni heɔ enɔ yeɔ lɛ hiɛ akakpãtã, shi moŋ ena naanɔ wala.

Bɔfoi 10:36

Nyɔŋmɔ tsu akɛ wiemɔ lɛ yahã Israelbii ni etsɔ̃ Yesu Kristo nɔ ejaje hejɔlɛ Sanekpakpa etsɔ̃ɔ amɛ. Yesu nɛɛ ji mɛi fɛɛ aNuŋtsɔ.

Romabii 5:1

Agbɛnɛ akɛni adamɔ hemɔkɛyeli nɔ abu wɔ bem hewɔ lɛ, wɔ kɛ Nyɔŋmɔ teŋ yɛ hejɔlɛ kɛtsɔ̃ wɔNuŋtsɔ Yesu Kristo nɔ.

Efesobii 1:6

koni akɛjie edromɔ ni ekɛduro wɔ yɛ mɔ ni esumɔɔ lɛ lɛ mli lɛ anunyam lɛ yi.

Efesobii 1:9

Ehã wɔle eyiŋtoo ni ji teemɔ sane lɛ ni ekpɛ mli eto bɔ ni sa ehiɛ yɛ Kristo mli.

Efesobii 2:4

Shi Nyɔŋmɔ ni emɔbɔnalɛ fa babaoo lɛ, etsɔ̃ lɛ diɛŋtsɛ esuɔmɔ babaoo ni ekɛsumɔ wɔ lɛ nɔ,

Efesobii 2:7

Efee enɛ koni bei ni baaba lɛ amli lɛ ejie lɛ diɛŋtsɛ edromɔ falɛ ni teke nɔ lɛ kpo yɛ emli ni hi hã wɔ yɛ Kristo Yesu mli lɛ mli.

Filipibii 2:11

ni lilɛi fɛɛ lilɛi agba mli kpoo akɛ Yesu Kristo ji Nuŋtsɔ, kɛwo Tsɛ Nyɔŋmɔ lɛ hiɛ nyam.

Filipibii 2:13

ejaakɛ suɔmɔ ni aaasumɔ jio, feemɔ ni aaafee jio, Nyɔŋmɔ ji mɔ ni tsuɔ fɛɛ yɛ nyɛ mli bɔ ni lɛ etaoɔ.

Kolosebii 1:20

Nyɔŋmɔ tsɔ̃ esɛŋmɔtso nɔ lá lɛ nɔ ekɛ hejɔlɛ ba, ni etsɔ̃ enɔ ekɛ nibii fɛɛ kpãtã, nii ni yɔɔ shikpɔŋ lɛ nɔ kɛ nii ni yɔɔ ŋwɛi lɛ.

2 Tesalonikabii 2:16

Shi lɛ wɔNuŋtsɔ Yesu Kristo lɛ diɛŋtsɛ kɛ wɔTsɛ Nyɔŋmɔ ni sumɔ wɔ ni ekɛ naanɔ miishɛjemɔ kɛ hiɛnɔkãmɔ kpakpa hã wɔ yɛ dromɔ naa lɛ,

Kpojiemɔ 5:13

Ni minu ni bɔɔnii fɛɛ ni yɔɔ ŋwɛi kɛ shikpɔŋ lɛ nɔ kɛ shikpɔŋ lɛ shishi kɛ ŋshɔ hiɛ kɛ nii fɛɛ ni yɔɔ amɛmli lɛ kɛɛ akɛ, “Jɔɔmɔ kɛ woo kɛ anunyam kɛ nɔyeli ahã mɔ ni ta maŋtsɛ sɛi lɛ nɔ lɛ kɛ Toobi lɛ kɛya naanɔi anaanɔ!”