Luka 19:47 - ŊMALƐ KRƆŊKRƆŊ LƐ

⁴⁷ Ni etsɔ̃ɔ nii daa nɛɛ yɛ Sɔlemɔ we lɛ; shi osɔfonukpai lɛ kɛ mlatsɔɔlɔi lɛ kɛ maŋ lɛ mli hiɛnaanɔbii lɛ miitao ehiɛ amɛkpãtã;

Ṅmãle̱ Kroṅkroṅ Le̱

⁴⁷ Ni eyatšõo̱ nii dāne̱ ye̱ so̱lemo̱we le̱; ši oso̱fonukpai le̱ ke̱ woloṅmãlo̱i le̱ ke̱ mã le̱ṅ hĩenāno̱bii le̱ mitao ehĩe akpãtã;

Luka 19:47 ပူးပေါင်းရင်းမြစ်များ

Mateo 21:23

Ni be ni eba Sɔlemɔ we lɛ ni etsɔ̃ɔ amɛ nii lɛ, osɔfonukpai lɛ kɛ maŋ onukpai lɛ ba eŋɔɔ amɛbabi lɛ akɛ, “Mɛɛ hegbɛ oyɔɔ hewɔ ofeɔ nɛkɛ nibii nɛɛ, ni namɔ hã bo nɛkɛ hegbɛ nɛɛ?”

Mateo 26:55

No ŋmɛlɛtswaa lɛ nɔ nɔŋŋ lɛ Yesu kɛɛ asafoi lɛ akɛ, “Mimɔmɔ nyɛba kɛ klante kɛ kpotii, tamɔ amɔɔ ojotswalɔ ko nɛɛ? Mitaa Sɔlemɔ we lɛ daa mitsɔ̃ɔ nii, ni nyɛmɔɔɔ mi.

Marko 11:18

Ni osɔfonukpai lɛ kɛ mlatsɔɔlɔi lɛ nu, ni amɛtao bɔ ni amɛaafee ni amɛkpãtã ehiɛ; shi amɛmiishe lɛ gbeyei ejaakɛ asafo lɛ fɛɛ naa kpɛɔ amɛhe yɛ enitsɔ̃ɔmɔ lɛ he.

Marko 12:12

Ni amɛmiitao lɛ amɛmɔ, ejaakɛ amɛle akɛ amɛhewɔ ebu nɛkɛ abɛ nɛɛ, shi amɛmiishe asafo lɛ gbeyei. Ni amɛshi lɛ amɛtee.

Marko 14:1

Be ni eshwɛ gbii enyɔ ni ayeɔ Hehoo kɛ Akpiti Gbijurɔ lɛ, osɔfonukpai lɛ kɛ mlatsɔɔlɔi lɛ tao bɔ ni amɛaafee ni amɛmɔ Yesu yɛ ŋaa mli ni amɛgbe lɛ.

Marko 14:49

Daa ni mikɛ nyɛ yɔɔ Sɔlemɔ we lɛ ni mitsɔ̃ɔ nii lɛ, nyɛmɔɔɔ mi; shi bɔ ni afee ni ŋmalɛi lɛ ana aba mli hewɔŋ.”

Luka 19:48

shi amɛnaaa bɔ ni amɛaafee, ejaakɛ maŋ muu lɛ fɛɛ kpɛtɛ lɛ ni amɛboɔ lɛ toi.

Luka 20:19

Ni osɔfonukpai lɛ kɛ mlatsɔɔlɔi lɛ miitao lɛ amɔ yɛ nakai ŋmɛlɛtswaa lɛ nɔ nɔŋŋ, ejaakɛ amɛyoo akɛ amɛhewɔ ebu nɛkɛ abɛ nɛɛ; shi amɛmiishe maŋ lɛ gbeyei.

Yohane 10:39

No hewɔ lɛ, amɛmiitao ekoŋŋ akɛ amɛmɔ lɛ, shi eje amɛdɛŋ.

Yohane 18:20

Yesu here lɛ nɔ akɛ, “Faŋŋ miwie mitsɔ̃ɔ je lɛ. Daa nɛɛ mitsɔ̃ɔ nii yɛ kpeehei lɛ kɛ Sɔlemɔ we lɛ, he ni Yudafoi lɛ fɛɛ kpeɔ yɛ lɛ, ni miwieee nɔ ko nɔ ko yɛ dujiaŋ.

Yohane 7:19

Ani jeee Mose hã nyɛ Mla lɛ? Ni nyɛteŋ mɔ ko mɔ ko yeee Mla lɛ nɔ. Mɛni hewɔ nyɛtaoɔ mi nyɛgbe lɛ?”

Yohane 7:44

Shi kulɛ amɛteŋ mɛi komɛi miitao akɛ amɛmɔɔ lɛ shi kɛ̃lɛ mɔ ko etaaa ehe.