Luka 19:4 - ŊMALƐ KRƆŊKRƆŊ LƐ

⁴ Ni esha foi kɛtsɔ̃ hiɛ, ni eyakwɔ agbãmitso koni ena lɛ, ejaakɛ jɛi gbɛ ebaatsɔ̃.

Ṅmãle̱ Kroṅkroṅ Le̱

⁴ Ni esa foi ke̱-tšṍ hĩe, ni eyakwo̱ sikamoretšo ko, ní ekwe̱le̱, edšake̱ dše̱i gbe̱ ebatsṍ.

Luka 19:4 ပူးပေါင်းရင်းမြစ်များ

1 Maŋtsɛmɛi 10:27

Maŋtsɛ Solomon hã jwiɛtɛi bu aahu bɔ ni jwiɛtɛi tsɔ̃ tamɔ tɛ yɛ Yerusalɛm; nakai nɔŋŋ tsenedru tsei hu fa babaoo tamɔ sikamore tsei yɛ Shefela jɔɔ lɛ he.

1 Kronika 27:28

Mu tsei lɛ kɛ sikamore tsei lɛ ni yɔɔ anaigbɛ gɔji lɛ ashishi jɔɔ lɛ mli lɛ, Baal-Hanan ni jɛ Geder lɛ ji mɔ ni kwɛ nɔ; ni mutoohei lɛ Yoash ji mɔ ni kwɛ nɔ.

2 Kronika 1:15

Maŋtsɛ Solomon hã jwiɛtɛi kɛ shika hu bu tamɔ shikpɔŋ tɛ yɛ Yerusalɛm; ehã seda tso hu bu tamɔ sikamore tso ebu yɛ Israel gɔji lɛ ajɔi amli shikpɔji lɛ anɔ lɛ.

2 Kronika 9:27

Maŋtsɛ Solomon hã jwiɛtɛi bu tamɔ tɛ yɛ Yerusalɛm, ni ehã tsenedru tsei tsɔ̃mɔ tamɔ sikamore tsei ni yɔɔ Israel gɔji ajɔiaŋ shikpɔji anɔ lɛ.

Lalai 78:47

Ekɛ nyɔŋmɔŋtɛi bibii kpãtã amɛwaintsei lɛ ahiɛ, ni ekɛ nyɔŋmɔŋtɛi wuji gbe amɛsikamore tsei lɛ.

Yesaia 9:10

“Brikisi tsui lɛ ekumɔ, shi wɔ lɛ wɔkɛ tɛ ni ako baatswa tsui lɛ, ni atoo sikamore tsei lɛ ashwie shi, shi wɔ lɛ, wɔɔtɛo tsenedru tsei yɛ amɛnajiaŋ.”

Amos 7:14

Amos here nɔ, ni ekɛɛ Osɔfo Amazia akɛ, “Jeee gbalɔ ji mi, ni asaŋ jeee gbalɔ bi hu ji mi. Shi moŋ koolookwɛlɔ ji mi, ni misaa sikamore tsei ahe hu;

Luka 17:6

Shi Nuŋtsɔ lɛ kɛɛ, “Kɛji nyɛyɛ hemɔkɛyeli tamɔ sinapi wu kuli lɛ, kulɛ nyɛaakɛɛ oduŋ nɛɛ akɛ, ‘Fãa kɛ oshishifãi ni oyama ŋshɔŋ!’ Ni eeebo nyɛ toi.”

Luka 19:3

Ni eetao Yesu ena ni ele lɛ, shi mɛi pii lɛ ahewɔ lɛ enyɛɛɛ, ejaakɛ gbɔmɔ kpitioo ji lɛ.

Luka 19:5

Ni be ni Yesu shɛ jɛi lɛ, ewo ehiɛ nɔ ni ena lɛ, ni ekɛɛ lɛ akɛ, “Zakeo, ohe afee oya ni okpeleke shi, ejaakɛ owe lɛ sa akɛ mato ŋmɛnɛ.”

Luka 5:19

Ni be ni amɛnaaa bɔ ni amɛaafee ni amɛkɛ lɛ aba ehiɛ yɛ asafo lɛ hewɔ lɛ, amɛkwɔ kɛtee tsu lɛ yiteŋ, ni amɛshiu lɛ kɛ esaa lɛ kɛtsɔ̃ ntayai lɛ amli kɛyaŋmɛ amɛteŋ yɛ Yesu hiɛ.