Luka 18:7 - ŊMALƐ KRƆŊKRƆŊ LƐ

⁷ Ni kɛ Nyɔŋmɔ aaatsɛ aahu tete kɛ ehalamɔbii ni bolɔɔ tsɛɔ lɛ nyɔɔŋ kɛ shwane lɛ ayelikɛbuamɔ lɛ, aso ebafãŋ amɛhe?

Ṅmãle̱ Kroṅkroṅ Le̱

⁷ Ni ké̱ Nyoṅmo̱ aakũ ehĩe afõ ehalamo̱bii ṅi blo̱ō̱ tšé̱o̱le̱ ſane ke̱ nyōṅ le̱ no̱ āhũ tete le̱, aso ebafã́ṅ ame̱he?

Luka 18:7 ပူးပေါင်းရင်းမြစ်များ

Lalai 88:1

Oo Yehowa, miyiwalaheremɔ Nyɔŋmɔ, nyɔɔŋ kɛ shwane fɛɛ lɛ, mibolɔɔ yɛ ohiɛ.

Lalai 9:8

Ekojoɔ je lɛ yɛ jalɛ naa, ekwɛɛɛ hiɛaŋ ekojooo mɛi.

2 Mose 22:23

Kɛji awa amɛ yi, ni amɛfo amɛtsɛ mi lɛ, ja mibo amɛyaafo toi.

Yesaia 40:27

Ao Israel, mɛɛba okɛɔ akɛ, “Yehowa leee mihaomɔi, ni miNyɔŋmɔ lɛ kwɛɛɛ koni aye mi jalɛ sane” lɛ?

Habakuk 2:3

Ninaa nɛɛ be lɛ shɛko moŋ, shi eeye ehe oyai kɛba. Kɛji eshashao shi tete po jiŋŋ, bo lɛ mɛɛ, ejaakɛ ebaaba kɛ̃ ni etsɛŋ.

Mateo 24:22

Ni kɛ afooo nakai gbii lɛ anɔ lɛ, ahereŋ heloo ko heloo ko yiwala; shi mɛi ni ahala lɛ ahewɔ lɛ aaafo nɔ.

Mateo 24:24

Ejaakɛ amale kristoi kɛ amale gbalɔi aaate shi ni amɛaafee okadii wuji kɛ ashwãi amɛtsɔ̃ɔ, bɔ ni kɛ aaaho lɛ amɛaalaka halamɔbii lɛ tete.

Mateo 7:11

Belɛ kɛji nyɛ ni nyɛ ji mɛi fɔ̃ji lɛ nyɛle bɔ ni nyɛfeɔ nyɛkɛ nikpakpai hãa nyɛbii lɛ, enyiɛ nɔŋŋ nyɛTsɛ ni yɔɔ ŋwɛi lɛ eŋɔŋ nikpakpai ehaŋ mɛi ni biɔ lɛ lɛ?

Luka 11:13

Belɛ kɛji nyɛ ni nyɛ ji mɛi fɔ̃ji lɛ nyɛle bɔ ni nyɛfeɔ ni nyɛkɛ nikeenii kpakpai keɔ nyɛbii lɛ, enyiɛ nɔŋŋ nyɛTsɛ ni yɔɔ ŋwɛi lɛ eŋɔŋ Mumɔ Krɔŋkrɔŋ ehaŋ mɛi ni biɔ lɛ lɛ?”

Luka 2:37

ni agbɛnɛ okulafo ji lɛ, ni eye afii nyɔŋmai kpaanyɔ kɛ ejwɛ ni ejeee Sɔlemɔ we lɛ kwraa, ejaa Nyɔŋmɔ kɛ ŋmaahilɛ kɛ faikpamɔ nyɔɔŋ kɛ shwane.

Luka 21:28

Shi be ni nibii nɛɛ aaatsɔ̃ naa shi lɛ, no lɛ nyɛjajea nyɛhe nyɛdamɔa shi ni nyɛholea nyɛyitsei anɔ, ejaakɛ nyɛkpɔ̃mɔ lɛ miibɛŋkɛ.”

Romabii 8:33

Namɔ aaafolɔ Nyɔŋmɔ halamɔbii lɛ anaa? Nyɔŋmɔ ji mɔ ni buɔ bem.

Kolosebii 3:12

No hewɔ lɛ, akɛni Nyɔŋmɔ halamɔbii, mɛi krɔŋkrɔŋi kɛ suɔmɔ mɛi ji nyɛ nɛɛ lɛ, nyɛwoa musuŋtsɔlɛ, mlihilɛ, heshibaa jwɛŋmɔ, kpoofeemɔ, tsuishitoo.

1 Tesalonikabii 3:10

Nyɔɔŋ kɛ shwane fɛɛ wɔkpaa fai babaoo, koni wɔna nyɛhiɛ ni wɔhã nyɛhemɔkɛyeli lɛ aye emuu.

2 Tesalonikabii 1:6

akɛni eja yɛ Nyɔŋmɔ hiɛ akɛ mɛi ni haoɔ nyɛ lɛ, eeehao amɛ eto najiaŋ,

1 Timoteo 5:5

Shi mɔ ni ji yoo okulafo lɛɛlɛŋ ni eshwɛ ekome too lɛ, ekɛ ehiɛ fɔ̃ɔ Nyɔŋmɔ nɔ ni ehiɛɔ faikpamɔi kɛ sɔlemɔi amli nyɔɔŋ kɛ shwane.

2 Timoteo 1:3

Midaa Nyɔŋmɔ ni mijaa lɛ kɛ henilee krɔŋŋ tamɔ bɔ ni miniimɛi ja lɛ lɛ shi daa kɛ mikai bo yɛ mifaikpamɔi amli nyɔɔŋ kɛ shwane.

2 Timoteo 2:10

Enɛ hewɔ lɛ, mimiaa mihiɛ yɛ saji fɛɛ amli yɛ mɛi ni ahala amɛ lɛ ahewɔ, koni amɛ hu amɛnine ashɛ yiwalaheremɔ ni yɔɔ Kristo Yesu mli lɛ kɛ naanɔ anunyam lɛ nɔ.

Tito 1:1

Paulo, ni ji Nyɔŋmɔ tsulɔ kɛ Yesu Kristo bɔfo lɛ, ŋma wolo nɛɛ. Nyɔŋmɔ hala mi ni etsu mi koni mayawo Nyɔŋmɔ halamɔbii lɛ ahemɔkɛyeli kɛ Nyɔŋmɔjamɔ anɔkwale lɛ he nilee lɛ mli hewalɛ,

1 Petro 1:1

Petro ni ji Yesu Kristo bɔfo lɛ ŋma yahã gbɔi ni egbɛ eshwã Ponto, Galatia, Kapadokia, Asia kɛ Bitinia lɛ. Amɛ ji mɛi ni ahala

2 Petro 3:9

Jeee tsɛ Nuŋtsɔ lɛ hãa eshiwoo lɛ sɛɛ tsɛɔ, tamɔ bɔ ni mɛi komɛi susuɔ akɛ esɛɛ etsɛ lɛ, shi moŋ etsui shi etoɔ ehãa wɔ, ejaakɛ esumɔ̃ɔɔ akɛ mɛi komɛi alaaje, shi moŋ akɛ mɛi fɛɛ atsake amɛtsui.

Kpojiemɔ 18:20

Bo ŋwɛi, kɛ nyɛ krɔŋkrɔŋbii kɛ bɔfoi kɛ gbalɔi, nyɛnyaa yɛ ehewɔ, ejaakɛ Nyɔŋmɔ ekojo lɛ ehã nyɛ!

Kpojiemɔ 6:10

Ni amɛbolɔ kɛ gbee ni wa akɛ, “Nuŋtsɔ Nyɔŋmɔ, mɔ krɔŋkrɔŋ kɛ anɔkwafo, mɛɛ beyinɔ po oookojo ni oootɔ wɔla lɛ he owele yɛ mɛi ni yɔɔ shikpɔŋ lɛ nɔ lɛ anɔ?”

Kpojiemɔ 7:15

No hewɔ ni amɛyɔɔ Nyɔŋmɔ maŋtsɛ sɛ̃i lɛ hiɛ, ni amɛjaa lɛ nyɔɔŋ kɛ shwane yɛ eSɔlemɔtsu lɛ mli lɛ; ni mɔ ni ta maŋtsɛsɛi lɛ nɔ lɛ aaashi ebuu lɛ eto amɛnɔ.