Luka 18:32 - ŊMALƐ KRƆŊKRƆŊ LƐ

³² Ejaakɛ abaajie lɛ awo jeŋmajiaŋbii lɛ adɛŋ; ni aaaye ehe fɛo ni aaafee lɛ niseniianii ni aaafɛ̃ lajɔ̃ ashwie ehe,

Ṅmãle̱ Kroṅkroṅ Le̱

³² Edšake̱ abadsiele̱ awo wo̱ṅdšálo̱i adeṅ, ni aaye ehe fe̱o ni aafele̱ niseniianii ni aafẽ̀ ladšõ aſie ehe,

Luka 18:32 ပူးပေါင်းရင်းမြစ်များ

Yesaia 50:6

Mitsɔ mikotosɛɛ miha yilɔi kɛ midabii hu miha mɛi ni famɔɔ tsɛŋ; ni mijooo hiɛgbele kɛ lajɔ̃ naa foi.

Yesaia 52:14

Mɛi babaoo ahe aaajɔ̃ amɛhe yɛ ehewɔ; ejaakɛ ehiɛ efite bɔ ni ehiɛɛɛ gbɔmɔ hiɛ dɔŋŋ; egbɔmɔtso su tamɔɔɔ gbɔmɛi adesai anɔ dɔŋŋ.

Yesaia 53:3

Agbe ehe guɔ, ni gbɔmɛi kwa lɛ, eye awerɛho, ni ele hejaramɔ etamɔ mɔ ni atsɔ̃ɔ hiɛ atoɔ afã kɛ ana lɛ lɛ. Agbe ehe guɔ, ni wɔbuuu lɛ wɔhãaa fɛifɛi.

Mika 5:1

Yerusalɛmbii, nyɛbuaa nyɛtabilɔi anaa! Asa wɔyi! Atua Israelbii ahiɛnyiɛlɔ lɛ!

Mateo 16:21

Kɛjɛ nakai be lɛ nɔ lɛ Yesu bɔ̃i ekaselɔi lɛ tsɔ̃ɔmɔ akɛ ja etee Yerusalɛm ni eyana amanehulu pii yɛ onukpai lɛ kɛ osɔfonukpai lɛ kɛ mlatsɔɔlɔi lɛ adɛŋ, ni agbe lɛ, ni gbi ni ji etɛ̃ lɛ nɔ lɛ ete shi.

Mateo 20:19

Ni amɛkɛ lɛ aaahã jeŋmajiaŋbii lɛ ni amɛye ehe fɛo ni amɛkɛ kpelebii ayi lɛ ni amɛsɛŋ lɛ, ni gbi ni ji etɛ̃ lɛ aaatee lɛ shi.”

Mateo 22:6

Ni mɛi ni shwɛ lɛ mɔ̃mɔ etsuji lɛ, ni amɛfee amɛ niseniianii, ni amɛgbe amɛ.

Mateo 26:67

Kɛkɛ ni amɛfɛ̃ lajɔ̃ amɛshwie ehiɛ, ni amɛgbala lɛ mai; ni mɛi komɛi hu tswia lɛ nii

Mateo 27:2

Ni amɛfi lɛ ni amɛkpala lɛ kɛtee amɛyahã Amralo Pontio Pilato.

Marko 14:65

Ni mɛi komɛi bɔ̃i lajɔ̃fɛɛ kɛ ehe shwiemɔ, ni amɛfi ehiɛ, ni amɛyi lɛ, ni amɛkɛɛ lɛ akɛ, “Gbaa!” Ni tsuji lɛ shwie enɔ kɛ ma.

Marko 15:1

Ni be ni je kɛɛ etsɛreɔ lɛ, osɔfonukpai lɛ kɛ maŋ onukpai lɛ kɛ mlatsɔɔlɔi lɛ kɛ akwaashɔŋ muu lɛ fɛɛ tee ajina, ni amɛfi Yesu, ni amɛkpala lɛ kɛyahã Pilato.

Luka 18:33

ni amɛkɛ kpelebii aaayi lɛ ni amɛaagbe lɛ, ni gbi ni ji etɛ̃ lɛ eeete shi ekoŋŋ.”

Luka 23:1

Ni amɛsafo muu lɛ fɛɛ te shi, ni amɛkpala Yesu kɛtee Pilato ŋɔɔ.

Luka 23:11

Ni be ni Herode kɛ esraafoi lɛ ebɔ lɛ ahora ni amɛye ehe fɛo ni amɛwo lɛ atade kaŋkaŋ lɛ, ehã akɛ lɛ tee Pilato ŋɔɔ ekoŋŋ.

Luka 23:35

Ni maŋbii lɛ damɔ shi amɛmiikwɛ. Ni maŋ onukpai lɛ hu ye lɛ ahi amɛkɛɛ, “Ehereɔ mɛi krokomɛi ayiwala; kɛ lɛ ji Kristo mɔ ni Nyɔŋmɔ ehala lɛ, ehere lɛ diɛŋtsɛ eyiwala!”

Yohane 18:22

Be ni Yesu wie nɛkɛ lɛ, tsuji lɛ ateŋ mɔ kome ni damɔ jɛi lɛ gba lɛ ma ni ekɛɛ, “Hetoo ni ohã osɔfonukpa lɛ nɛ?”

Yohane 18:28

Kɛkɛ ni amɛkpala Yesu kɛjɛ Kaiafa ŋɔɔ kɛtee kojomɔhe lɛ. Ni eshɛ maŋkɛ. Ni amɛ diɛŋtsɛ lɛ amɛboteee kojomɔhe lɛ, koni amɛkabule amɛhe, bɔ ni afee ni amɛwo Hehoo lɛ yeli.

Yohane 18:30

Amɛhere nɔ akɛ, “Jeee efɔŋfeelɔ ji lɛ kulɛ, wɔkɛ lɛ ebahaŋ bo.”

Yohane 18:32

koni Yesu wiemɔ ni ewie ekɛtsɔ̃ɔ nɔ gbele ni ebaagbo lɛ aba mli.

Yohane 18:35

Pilato here nɔ ni ekɛɛ lɛ akɛ, “Ani Yudafonyo ji mi? Bo diɛŋtsɛ omaŋbii kɛ osɔfonukpai lɛ kɛ bo hã mi. Mɛni ofee?”

Bɔfoi 2:23

Yesu nɛɛ ni ajie lɛ yɛ Nyɔŋmɔ yiŋtoo kɛ enii ni ele eto lɛ naa ahã lɛ, nyɛtsɔ̃ mɛi ni bɛ mla lɛ anine nɔ nyɛsɛŋ lɛ ni nyɛgbe lɛ.

Bɔfoi 3:13

Abraham kɛ Isak kɛ Yakob Nyɔŋmɔ lɛ ni ji wɔtsɛmɛi aNyɔŋmɔ lɛ ewo etsulɔ Yesu hiɛ nyam, Yesu mɔ ni nyɛjie lɛ nyɛhã ni nyɛkwa lɛ yɛ Pontio Pilato hiɛ, be ni lɛ lɛ ekpɛ mli akɛ eeeŋmɛɛ ehe lɛ.