Luka 18:22 - ŊMALƐ KRƆŊKRƆŊ LƐ

²² Ni be ni Yesu nu enɛ lɛ, ekɛɛ lɛ akɛ, “Eshwɛ bo nɔ kome lolo; yaahɔ̃ɔ nibii fɛɛ ni oyɔɔ lɛ ni okɛ shika lɛ aja ohiafoi, ni ooona jwetri yɛ ŋwɛi; ni oba obanyiɛ misɛɛ.”

Ṅmãle̱ Kroṅkroṅ Le̱

²² Ni beni Iesu nu ene̱ le̱, ekē̱le̱ ake̱: Eſe̱o nõkome lolo: yahõ nibii fẽ ní oyo̱ le̱ ni oṅõ-dša ohĩafoi, ni *ooná dſetri ye̱ ṅwei; ní oba obanyie mise̱. *Mat 6,20.

Luka 18:22 ပူးပေါင်းရင်းမြစ်များ

Lalai 27:4

Nɔ koome mibiɔ yɛ Yehowa dɛŋ, ni no sɛɛgbɛ mitiuɔ: akɛ mahi shi yɛ Yehowa we lɛ, miwala gbii abɔ fɛɛ; ni mana Yehowa lɛ, ni makase nii hu yɛ eSɔlemɔ we lɛ.

Mateo 19:21

Yesu kɛɛ lɛ akɛ, “Kɛji ootao akɛ ohi kɛwula shi lɛ, yaa ni oyahɔ̃ɔ nii ni oyɔɔ lɛ, ni okɛhã ohiafoi, ni ooona jwetri yɛ ŋwɛi; ni oba obanyiɛ misɛɛ.”

Luka 10:42

nɔ kome ehia. Nɔ ni hi lɛ no Maria ekɔ lɛ, ni no lɛ ashɔŋ yɛ edɛŋ.”

Luka 12:33

Nyɛhɔ̃a nii ni nyɛyɔɔ lɛ ni nyɛkɛfea ejurɔ; nyɛfea fotroi ni tsɔ̃mɔɔɔ ememeji nyɛhãa nyɛhe, nyɛtoa jwetri ni etãaa yɛ ŋwɛi, he ni julɔ ko bɛŋkɛɛɛ ni omlɛgɛ kpeee nii yɛ lɛ.

Luka 16:9

“Ni mi hu miikɛɛ nyɛ akɛ, Nyɛŋɔa kutumpɔo ninamɔ lɛ nyɛkɛfea shieŋtsɛmɛi nyɛhãa nyɛhe, koni, be ni nyɛbɛ nɔ ko dɔŋŋ lɛ, amɛhere nyɛ yɛ naanɔ bui lɛ amli.

Luka 18:21

Shi ekɛɛ, “Miye enɛɛmɛi fɛɛ anɔ kɛjɛ migbekɛbiiashi.”

Luka 18:23

Shi be ni enu enɛ lɛ, ewerɛ ho ehe naakpa, ejaakɛ eyɛ nii babaoo.

Luka 9:23

Ni ekɛɛ mɛi lɛ fɛɛ akɛ, “Kɛji mɔ ko miisumɔ akɛ enyiɛ misɛɛ lɛ, ekwa ehe, ni ewo esɛŋmɔtso lɛ daa gbi ni enyiɛ misɛɛ.

Filipibii 3:13

Anyɛmimɛi, mibuuu mihe akɛ minine eshɛ nɔ, shi nɔ kome kɛkɛ mifeɔ: Nii ni yɔɔ sɛɛgbɛ lɛ mijieɔ mihiɛ yɛ nɔ, shi nii ni yɔɔ hiɛgbɛ lɛ moŋ mikpãa mimli ni mashɛ he,

2 Petro 3:8

Shi, suɔmɔmɛi, nyɛhiɛ akakpaa sane kome nɛɛ nɔ, akɛ Nuŋtsɔ lɛ hiɛ lɛ, gbi kome tamɔ afii akpe, ni afii akpe hu tamɔ gbi kome.