Luka 18:13 - ŊMALƐ KRƆŊKRƆŊ LƐ

¹³ Shi toohelɔ lɛ damɔ sɛɛ shɔŋŋ, ni emiii ni ewoɔ ehiɛ nɔ kɛya ŋwɛi tete; shi moŋ eshimɔ etsitsi ni ekɛɛ, ‘Nyɔŋmɔ, okɛ mi ni ji eshafeelɔ lɛ akpãtã!’

Ṅmãle̱ Kroṅkroṅ Le̱

¹³ Ši ntōhelo̱ le̱ damo̱ šoṅṅ, ni emii ní ehole ehĩṅme̱ii ano̱ ke̱-ya ṅwei tete; ši moṅ ešimo̱ etšitši ni ekē̱: *Nyoṅmo̱, oke̱mi ní dši ešafelo̱ le̱ akpãtã! *Lal. 51,3.

Luka 18:13 ပူးပေါင်းရင်းမြစ်များ

2 Samuel 12:13

Kɛkɛ ni David kɛɛ Natan akɛ, “Mifee Yehowa shishi esha,” Natan to he ni ekɛɛ David akɛ, “Yehowa hu kɛ esha ni ofee lɛ efa bo, ni ogboŋ.

2 Kronika 33:19

Manase faikpamɔ lɛ kɛ bɔ ni Nyɔŋmɔ bo lɛ toi ehã lɛ, kɛ hei grɔŋŋi ni emamɔ jemawɔji ajamɔhei yɛ lɛ, kɛ wɔŋ koi kɛ amãgãi ni efeefee fɛɛ dani eje ehe sɛɛ, ni eba ehe shi ehã Yehowa lɛ, aŋmala yɛ Gbalɔi Ahe Saji Awolo lɛ mli.

2 Kronika 33:23

Amon eyabaaa ehe shi kwraa ehãaa Yehowa tamɔ etsɛ Manase ba ehe shi lɛ, shi moŋ etɔ̃ tɔ̃mɔi babaoo.

Ezra 9:6

ni mikɛɛ “Ao, miNyɔŋmɔ, mihiɛ egbo, ni eefee mi hiɛgbele akɛ mawo mihiɛ nɔ makwɛ ohiɛ, miNyɔŋmɔ; ejaakɛ wɔtɔ̃mɔi lɛ esu wɔ, ni wɔfɔ ni wɔye lɛ da ni ekwɔ tamɔ ŋwɛi.

Hiob 42:6

No hewɔ lɛ, eedɔ mi, ni miishwa mihe yɛ sũ kɛ lamlu mli.”

Lalai 106:6

Wɔ kɛ wɔtsɛmɛi fɛɛ lɛ, wɔfee esha; wɔfee efɔŋ, ni wɔye yiwalɛ sane.

Lalai 119:41

Oo Yehowa, hã osuɔmɔ ni tsakeee lɛ, kɛ oyiwalaheremɔ lɛ afee minɔ yɛ oshiwoo lɛ naa;

Lalai 130:7

Oo Israel, ŋɔɔ ohiɛ ofɔ̃ Yehowa nɔ; ejaakɛ Yehowa dɛŋ suɔmɔ ni tsakeee yɔɔ, ni edɛŋ kpɔmɔ ni fa yɔɔ.

Lalai 25:11

Oo Yehowa, ogbɛi lɛ hewɔ lɛ, ŋɔɔ mihe esha lɛ ofa mi, ejaakɛ eda.

Lalai 25:7

Oo Yehowa, kaakai miblahiaŋ eshai kɛ tɔ̃mɔi lɛ; shi moŋ kaimɔ mi yɛ omlihilɛ kɛ okpakpafeemɔ ni sɛɛ efooo lɛ hewɔ.

Lalai 40:12

Ejaakɛ efɔ̃ji ni anyɛŋ akane ebɔle mi kɛkpe. Mihe eshai lɛ fa fe mi, bɔ sɔŋŋ ni minyɛɛɛ mihiɛ nɔ mawo. Amɛfa fe miyiteŋ tsɔi, mitsui po efã yɛ mimli.

Lalai 41:4

Mi lɛ, mikɛɛ akɛ, “Oo Yehowa, naa mi mɔbɔ ni otsa mi, ejaakɛ mifee esha mishi bo.”

2 Mose 33:10

Kɛ maŋ lɛ na atatu kutuu lɛ yɛ Kpee Buu lɛ shinaa lɛ shi nakai lɛ, maŋ lɛ fɛɛ teɔ shi ni amɛmamɔɔ amɛyi shi, ni amɛjaa, mɔ fɛɛ mɔ yɛ ebuu shinaa shi.

Yesaia 1:18

Yehowa kɛɛ akɛ, “Nyɛbaa agbɛnɛ; nyɛhãa wɔtaoa naa. Kɛji nyɛhe eshai lɛ tsuɔ tamɔ lá tete po, amɛbaayɛ futaa tamɔ snoo; ni kɛji amɛtsuɔ fɔɔ tamɔ kɔɔjaŋ po, amɛbaatsɔ̃ tamɔ too he tsɔ̃i yɛŋ.

Yesaia 6:5

Kɛkɛ ni mikɛɛ akɛ, “Kpoo hã mi, shi milaaje! Ejaakɛ gbɔmɔ ni naabu he tseee ji mi; ni miyɛ maŋ ni emli bii awiemɔi ahe tseee ateŋ, ejaakɛ mihiŋmɛii ena maŋtsɛ ni ji Yehowa, Taiatsɛ lɛ!”

Yesaia 66:2

Mi, minine bɔ enɛɛmɛi fɛɛ, ni no hewɔ lɛ, enɛɛmɛi fɛɛ lɛ minɔ ni,” Yehowa kɛɛ. “Shi mɔ he tsui ni minaa nɛ, mɔ ni ji humi, ni eshwaa ehe yɛ etsui mli, ni ehe kpokpoɔ yɛ miwiemɔ lɛ naa.”

Ezekiel 16:63

Oookai enɛ ni ohiɛ aaagbo, ni okatswa odaaŋ dɔŋŋ yɛ ohiɛgbele lɛ hewɔ, be ni mikɛ nifɔɔjianii ni ofee lɛ fɛɛ efa bo lɛ,” Yehowa kɛɛ.

Daniel 9:5

“Wɔfee esha, ni wɔtɔ̃; wɔfee yitsoŋwalɛ nibii, ni wɔtse ohiɛ atua, ni wɔyeee okitãi kɛ omlai lɛ anɔ.

Mateo 10:3

Filipo kɛ Bartolomeo, Toma kɛ Mateo, tóohelɔ lɛ, Yakobo, Alfeo bi lɛ, kɛ Tadeo;

Mateo 6:5

“Ni kɛ nyɛmiisɔle lɛ, nyɛkafea nyɛnii tamɔ osatofoi lɛ; shi amɛsumɔɔ akɛ amɛdamɔ kpeehei lɛ kɛ gbɛjegbɛi lɛ atoi amɛsɔle, koni mɛi ana amɛ. Miikɛɛ nyɛ anɔkwale mli akɛ amɛnine eshɛ amɛnyɔmɔwoo nɔ momo.

Mateo 9:13

Shi nyɛyaa ni nyɛyakasea nɔ ni ji enɛ shishi. ‘Mɔbɔnalɛ mitaoɔ, ni jeee afɔle!’ Ejaakɛ mibaaa jalɔi atsɛmɔ, shi eshafeelɔi moŋ.”

Marko 11:25

Ni be fɛɛ be ni nyɛdamɔ shi nyɛsɔleɔ lɛ, kɛ nyɛyɛ mɔ ko he sane ko lɛ, nyɛkɛfaa lɛ, koni nyɛŋwɛi-Tsɛ lɛ hu kɛ nyɛtɔ̃mɔi lɛ afa nyɛ. [

Luka 17:12

Ni be ni eyabote maŋ ko mli lɛ, hii kpitiyelɔi nyɔŋma kɛ lɛ kpe; ni amɛdamɔ sɛɛ flɛŋŋ,

Luka 22:41

Ni egbala ehe shi kɛjɛ amɛŋɔɔ aaafee tɛfɔ̃ɔ jɛkɛmɔ, ni eho ekula shi, ni esɔle

Luka 23:48

Be ni mɛi fɛɛ ni ebabua amɛhe naa ni amɛkwɛɔ nii nɛɛ na nibii ni ba lɛ, amɛshimɔ amɛtsitsi ni amɛku amɛsɛɛ amɛtee shĩa.

Luka 5:8

Shi be ni Simon Petro na lɛ, eho ekula Yesu naji anaa, ni ekɛɛ, “Nuŋtsɔ, jee mimasɛi; ejaakɛ gbɔmɔ eshafeelɔ ji mi!”

Bɔfoi 2:37

Shi be ni amɛnu enɛ lɛ, etsurɔ amɛtsuiiaŋ, ni amɛkɛɛ Petro kɛ bɔfoi ni eshwɛ lɛ akɛ, “Anyɛmimɛi, te wɔɔfee tɛŋŋ?”

Romabii 5:8

Shi Nyɔŋmɔ jieɔ lɛ diɛŋtsɛ esuɔmɔ ni ekɛsumɔ wɔ lɛ shi etsɔ̃ɔ, akɛ be mli ni wɔji eshafeelɔi lɛ beebe ni Kristo bagbo yɛ wɔnajiaŋ.

2 Korintobii 7:11

Ejaakɛ nɛkɛ dɔlɛ ni edɔ nyɛ bɔ ni sa Nyɔŋmɔ hiɛ nɛɛ lɛ, nyɛkwɛa nɔ mɔdɛŋbɔɔ, nɔ naajiemɔ, nɔ mlifu, nɔ gbeyeishemɔ, nɔ shwee, nɔ hiɛdɔɔ, nɔ jalɛ kojomɔ ni etsɛ ewo nyɛmli! Nɔ fɛɛ nɔ mli lɛ nyɛkɛ nyɛhe tsɔ̃ɔ wɔ akɛ nyɛhe tse yɛ nɛkɛ sane nɛɛ mli.

1 Timoteo 1:15

Eji anɔkwa wiemɔ ni sa akɛ amɔ mli kwraa, akɛ Kristo Yesu ba je nɛɛŋ eba eshafeelɔi ayiwalaheremɔ, mɛi ateŋ ni mi mi ji oti lɛ;

Hebribii 4:16

Hewɔ lɛ nyɛhãa wɔkɛ ekãa atsia abɛŋkɛa dromɔ sɛi lɛ, koni wɔnine ashɛ mɔbɔnalɛ nɔ ni wɔna dromɔ ni aaaye abua wɔ yɛ be ni sa mli.

Hebribii 8:12

Ejaakɛ mana amɛ mɔbɔ yɛ amɛtɔ̃mɔi lɛ agbɛfaŋ, ni amɛhe eshai lɛ hu mikaiŋ dɔŋŋ.”