Luka 18:12 - ŊMALƐ KRƆŊKRƆŊ LƐ

¹² mihiɔ ŋmaa shii enyɔ yɛ otsi mli, miŋɔɔ nibii fɛɛ ni minaa lɛ mlijaa nyɔŋma mihãa.’

Ṅmãle̱ Kroṅkroṅ Le̱

¹² miyeo̱ buada šii enyo̱ ye̱ otši mli; *miṅõo̱ nibii fẽ ní mináa le̱ mlidšā nyoṅma mihãa. Mat. 23,23.

Luka 18:12 ပူးပေါင်းရင်းမြစ်များ

2 Maŋtsɛmɛi 10:16

Yehu kɛɛ lɛ akɛ, “Hã ni wɔtee koni oyakwɛ bɔ ni miyeɔ Yehowa he awuŋã mihãa.” Kɛkɛ ni Yehu hã eta eshwiili lɛ mli.

Yesaia 1:15

Kɛji nyɛhole nyɛniji anɔ nyɛmiisɔle lɛ, mibatsɔ̃ mihiɛ mato afã; nyɛbaasɔle kakadaŋŋ nɛ, shi miboŋ nyɛ toi. Lá ewu nyɛniji ahe tsɔ̃.

Maleaki 3:8

Shi nɔ ni mibiɔ nyɛ ji akɛ, aso eja gbɛ akɛ gbɔmɔ adesa ashishiu Nyɔŋmɔ lo? Dabida! Shi nyɛ lɛ, nyɛmiishishiu mi. Nyɛaabi akɛ, ‘Yɛ mɛni mli?’ Yɛ nibii amlijaa nyɔŋma mli ekomekome lɛ kɛ afɔlei ni nyɛkɛbahãa lɛ mli.

4 Mose 18:24

ejaakɛ nibii mlijaa nyɔŋma mli ekomekome lɛ ni Israelbii woɔ akɛ too ni amɛkɛbahãa mi Yehowa akɛ afɔle krɛdɛɛ lɛ, mikɛhã Levibii lɛ akɛ amɛgboshinii. Enɛ hewɔ ni mikɛɛ amɛ akɛ amɛnaŋ shikpɔŋ lɛ eko yɛ Israelbii lɛ ateŋ akɛ amɛgbɛfaŋnɔ lɛ.”

4 Mose 23:4

Nyɔŋmɔ kɛ Balaam kpe, ni Balaam kɛɛ Nyɔŋmɔ akɛ, “Mimamɔ afɔleshãa latɛi kpawo, ni mishã tsinanuu kome kɛ ojwɛni hu kome yɛ afɔleshãa latɛ fɛɛ afɔleshãa latɛ nɔ.”

Mateo 5:20

Shi miikɛɛ nyɛ akɛ, kɛji nyɛjalɛ lɛ faaa kɛtekeee mlatsɔɔlɔi kɛ Farisifoi lɛ anɔ lɛ, nyɛboteŋ ŋwɛi maŋtsɛyeli lɛ mli kwraa.”

Mateo 6:1

“Nyɛkwɛa ni ahĩa ni nyɛkafea nyɛjalɛnii lɛ yɛ gbɔmɛi ahiɛ koni amɛna nyɛ; no lɛ, nyɛbɛ nyɔmɔwoo ko yɛ nyɛTsɛ ni yɔɔ ŋwɛi lɛ dɛŋ.

Mateo 6:16

“Shi kɛji nyɛmiihi ŋmaa lɛ nyɛkafea nyɛhiɛ mɔbɔmɔbɔ tamɔ osatofoi lɛ; shi amɛfeɔ amɛhiɛ nyanyaanya, koni mɛi ana akɛ amɛmiihi ŋmaa. Miikɛɛ nyɛ anɔkwale mli akɛ amɛnine eshɛ amɛnyɔmɔwoo nɔ momo.

Mateo 6:5

“Ni kɛ nyɛmiisɔle lɛ, nyɛkafea nyɛnii tamɔ osatofoi lɛ; shi amɛsumɔɔ akɛ amɛdamɔ kpeehei lɛ kɛ gbɛjegbɛi lɛ atoi amɛsɔle, koni mɛi ana amɛ. Miikɛɛ nyɛ anɔkwale mli akɛ amɛnine eshɛ amɛnyɔmɔwoo nɔ momo.

Mateo 9:14

Kɛkɛ ni Yohane kaselɔi lɛ ba eŋɔɔ ni amɛkɛɛ, “Mɛɛ hewɔ wɔ kɛ Farisifoi lɛ fɔɔ ŋmaahilɛ, shi okaselɔi lɛ ehiii ŋmaa lɛ?”

Luka 11:42

Shi kpoo hã nyɛ, Farisifoi, akɛ nyɛhãa kowɛ kɛ shwie kɛ bai srɔtoi fɛɛ mlijaa nyɔŋmanyɔŋma, ni nyɛshiɔ jalɛ saneyeli kɛ suɔmɔ ni akɛsumɔɔ Nyɔŋmɔ lɛ! Kulɛ esa akɛ nyɛfeɔ enɛɛmɛi hu nyɛkɛshiɔ ekrokomɛi lɛ anɔ.

Luka 17:10

Nakai nɔŋŋ nyɛ hu, kɛ nyɛfee nibii fɛɛ ni afã nyɛ lɛ, nyɛkɛa akɛ, ‘Tsuji ni he bɛ sɛɛnamɔ ko ji wɔ; nɔ ni ji wɔgbɛnaa akɛ wɔtsuɔ lɛ, no pɛ wɔtsu nɛɛ.’ ”

Romabii 3:27

Agbɛnɛ mɛni nɔ wɔshwãa wɔfɔ̃ɔ? Nɔ ko bɛ. Mɛɛ Mla nɔ atsɔ̃? Nitsumɔi anɔ lɛ nɔ lo? Dabi, shi hemɔkɛyeli mla lɛ nɔ moŋ atsɔ̃.

1 Korintobii 1:29

bɔ ni afee ni gbɔmɔ ko gbɔmɔ ko akashwã yɛ ehiɛ.

Galatabii 1:14

ni mitee hiɛ yɛ Yudafoi ajamɔ lɛ mli fe mitipɛŋfoi pii yɛ mijakubii ateŋ, ni mihiɛ dɔ naakpa yɛ wɔtsɛmɛi ablema tsɔ̃ɔmɔi ni akɛhã wɔ lɛ he.

Efesobii 2:9

jeee nitsumɔi amli ejɛ koni mɔ ko akashwã.

1 Timoteo 4:8

Ejaakɛ hetsɔsemɔ yɛ gbɔmɔtso gbɛfaŋ he sɛɛnamɔ faaa, shi hetsɔsemɔ yɛ Nyɔŋmɔjamɔ mli he yɛ sɛɛnamɔ yɛ nii fiaa mli, ni eyɛ wala ni yɔɔ amrɔ nɛɛ kɛ nɔ ni baaba lɛ he shiwoo.

1 Samuel 15:13

Be ni Samuel yashɛ Saul ŋɔɔ lɛ, Saul kɛɛ lɛ akɛ, “Yehowa ajɔɔ bo! Miye Yehowa famɔ lɛ nɔ.”