Luka 16:9 - ŊMALƐ KRƆŊKRƆŊ LƐ

⁹ “Ni mi hu miikɛɛ nyɛ akɛ, Nyɛŋɔa kutumpɔo ninamɔ lɛ nyɛkɛfea shieŋtsɛmɛi nyɛhãa nyɛhe, koni, be ni nyɛbɛ nɔ ko dɔŋŋ lɛ, amɛhere nyɛ yɛ naanɔ bui lɛ amli.

Ṅmãle̱ Kroṅkroṅ Le̱

⁹ Ni mi hũ mīkē̱nye ake̱: Nyeṅõa kũtũmpo̱o mamona le̱ eko nyefea šientše̱mei nyehãa nyehe, koni, beni nyebe̱ noko doṅṅ le̱, ní ame̱herenye ye̱ nāno̱ būi le̱ amli. 14,14. Mat. 6,20; 10,40; 19,21.

Luka 16:9 ပူးပေါင်းရင်းမြစ်များ

Lalai 73:26

Miheloo kɛ mitsui aaagbɔjɔ nɛ, shi Nyɔŋmɔ ji mitsui hewalɛ kɛ migbɛfaŋnɔ kɛmiiya naanɔ;

Abe̱i 14:24

Nilelɔi akekre ji amɛnilee. Shi kwashiai akekre ji amɛbuulufeemɔ.

Abe̱i 19:17

Mɔ ni naa ohiafo mɔbɔ lɛ, ekɛ miifa Yehowa; ni ejurɔ ni efee lɛ, Yehowa aaato lɛ najiaŋ kɛteke nɔ.

Abe̱i 23:5

Ohiŋmɛi ni aaagba nɔ pɛ etee; ejaakɛ ekwɛ̃ɔ fiji oya, ni efilikiɔ tamɔ okropɔŋ kɛyaa ŋwɛi.

Jajelɔ 11:1

Feemɔ ejurɔ oto, ni wɔsɛɛ ko lɛ aaafee bo ejurɔ.

Yesaia 57:16

Ejaakɛ mibeŋ kɛyaŋ naanɔ, ni jeee daa mimli aaawo la, ejaakɛ mi midɛŋ mumɔ jɛɔ, ni mi mibɔ wala mumɔ.

Daniel 4:27

No hewɔ lɛ, Maŋtsɛ, mɔ ŋaa ni mawo bo nɛɛ mli. Kpa eshafeemɔ koni ofee nɔ ni ja. Naa ohiafoi amɔbɔ akɛ aleenɔ no aaahã ohe ajɔ bo lo.”

Mateo 19:21

Yesu kɛɛ lɛ akɛ, “Kɛji ootao akɛ ohi kɛwula shi lɛ, yaa ni oyahɔ̃ɔ nii ni oyɔɔ lɛ, ni okɛhã ohiafoi, ni ooona jwetri yɛ ŋwɛi; ni oba obanyiɛ misɛɛ.”

Mateo 6:19

“Nyɛkabɔa jwetri nyɛhãa nyɛhe yɛ shikpɔŋ lɛ nɔ, he ni omlɛgɛ kɛ ŋkanale fiteɔ nii ni julɔi gbuɔ kɛboteɔ mli kɛbajuɔ yɛ lɛ.

Mateo 6:24

“Mɔ ko nyɛŋ nuŋtsɔmɛi enyɔ asɔ̃mɔ; ejaakɛ no lɛ eeenyɛ mɔ kome ni eeesumɔ mɔ kroko lɛ; aloo eeekpɛtɛ mɔ kome he, ni eeebu mɔ kroko lɛ akɛ ejeee mɔ ko. Nyɛnyɛŋ Nyɔŋmɔ kɛ mamona (ninamɔ) nyɛsɔ̃mɔ.

Luka 11:41

Moŋ nyɛŋɔa nibii ni yɔɔ mli lɛ nyɛfea ejurɔ, ni nibii fɛɛ he aaatse ahã nyɛ.

Luka 12:33

Nyɛhɔ̃a nii ni nyɛyɔɔ lɛ ni nyɛkɛfea ejurɔ; nyɛfea fotroi ni tsɔ̃mɔɔɔ ememeji nyɛhãa nyɛhe, nyɛtoa jwetri ni etãaa yɛ ŋwɛi, he ni julɔ ko bɛŋkɛɛɛ ni omlɛgɛ kpeee nii yɛ lɛ.

Luka 14:14

ni aaajɔɔ bo, akɛni amɛ lɛ amɛbɛ nɔ ko ni amɛkɛaato bo najiaŋ lɛ; ejaakɛ aaato bo najiaŋ yɛ jalɔi ashitee lɛ mli.”

Luka 16:11

No hewɔ lɛ, kɛ nyɛyeko kutumpɔo ninamɔ lɛ po mli anɔkwa lɛ, nɔ ni ji anɔkwa ninamɔ lɛ, namɔ aaatu no awo nyɛdɛŋ?

Luka 16:13

Wenuu ko nyɛŋ nuŋtsɔmɛi enyɔ asɔ̃mɔ; ejaakɛ no lɛ eeenyɛ mɔ kome ni eeesumɔ mɔ kome lɛ, aloo eeekpɛtɛ mɔ kome he, ni eeegbe mɔ kome lɛ he guɔ. Nyɛnyɛŋ Nyɔŋmɔ kɛ ninamɔ nyɛsɔ̃mɔ.”

Luka 16:4

Mile nɔ ni mafee ni kɛ akpa mi onukpayeli lɛ ni mɛi ahere mi yɛ amɛshĩaiaŋ.’

Bɔfoi 10:31

ni ekɛɛ, ‘Kornelio, abo osɔlemɔ lɛ toi, ni onijuji ni ofeɔ lɛ hu Nyɔŋmɔ ena.

Bɔfoi 10:4

Ni ekwɛ lɛ gãa ni eshe gbeyei ni ekɛɛ; “Mɛni, Nuŋtsɔ?” Ni ekɛɛ lɛ akɛ, “Osɔlemɔi kɛ onijuji ni ofeɔ lɛ eshɛ ŋwɛi ni efee kaimɔnɔ yɛ Nyɔŋmɔ hiɛ.

2 Korintobii 4:17

Ejaakɛ wɔmanehulu ni jaraaa ni asaŋ esɛɛ etsɛɛɛ nɛɛ, baahã wɔna naanɔ anunyam kpele ni jara wa aahu;

Yuda 1:21

ni nyɛkwɛa nyɛhe nɔ jogbaŋŋ yɛ Nyɔŋmɔ suɔmɔ lɛ mli, ni nyɛkwɛa wɔNuŋtsɔ Yesu Kristo mɔbɔnalɛ lɛ gbɛ koni nyɛna naanɔ wala.