Luka 16:24 - ŊMALƐ KRƆŊKRƆŊ LƐ

²⁴ Ni ebo ekɛɛ, ‘Ataa Abraham, naa mi mɔbɔ ni otsu Lazaro ni ekɛ ewao naa ayatsɔ nu mli ni ekɛbajɔɔ mililɛi he, ejaakɛ miina nɔ yɛ lalilɛii nɛɛ amli!’

Ṅmãle̱ Kroṅkroṅ Le̱

²⁴ Ni ebo ekē̱: Atā Abraham, nami mo̱bo̱ ni otšũ Lazaro ní eke̱ ewao nā nyatšo̱ nu mli ní eke̱-badšo̱ milile̱i he, edšake̱ mīna nõ ye̱ lalilei ṅe̱ mli.

Luka 16:24 ပူးပေါင်းရင်းမြစ်များ

Hiob 20:21

Kɛji eye nii lɛ eshwɛɛɛ eko, no hewɔ lɛ, eninamɔ sɛɛ etsɛŋ.

Yesaia 27:11

Kɛji emli tsei aniji lɛ gbi lɛ, akumɔɔ ni yei baa ni amɛbalɛɔ akɛ lai kɛyaa, ni amɛyashãa. Ejaakɛ amɛjeee maŋ ni nuɔ nii ashishi. No hewɔ lɛ, Nyɔŋmɔ, mɔ ni bɔ amɛ lɛ musuŋ etsɔŋ lɛ yɛ amɛhe, ni enaŋ amɛ mɔbɔ.

Yesaia 66:24

“Ni amɛaaje kpo amɛyakwɛ mɛi ni tse mihiɛ atua lɛ agbohii lɛ. Gɔgɔmii ni yeɔ amɛ lɛ gboiŋ, ni la ni baashã amɛ lɛ agbeŋ. Amɛhe aaafee heloo fɛɛ heloo nyaŋemɔ.”

Zakaria 14:12

Majimaji fɛɛ ni baafa tã kɛtua Yerusalɛm lɛ bɔ ni Yehowa kɛ amɛ baaye ahã nɛ: amɛheloo baakpɔtɔ be mli ni amɛhiɛ kamɔ; amɛhiŋmɛii baakpɔtɔ yɛ amɛyitsei ahe, ni amɛlilɛii baakpɔtɔ yɛ amɛdaaŋ.

Mateo 25:41

“Kɛkɛ lɛ eeekɛɛ mɛi ni yɔɔ ebɛku nɔ lɛ hu akɛ, ‘Nyɛjea minɔ, nyɛ mɛi ni alomɔ nyɛ, nyɛyaa naanɔ la lɛ ni asaa ato abonsam kɛ ebɔfoi lɛ mli!

Mateo 3:9

Ni nyɛkasusua ni nyɛkɛɛ yɛ nyɛmli akɛ, ‘Wɔ lɛ wɔtsɛ ji Abraham;’ shi miikɛɛ nyɛ akɛ, Nyɔŋmɔ aaanyɛ etee bii ashi kɛjɛ tɛi nɛɛ amli ehã Abraham.

Mateo 5:22

Shi mi lɛ, miikɛɛ nyɛ akɛ, mɔ fɛɛ mɔ ni mli fuɔ enyɛmi lɛ, eeeye fɔ yɛ kojomɔ lɛ mli; ni mɔ fɛɛ mɔ ni aaakɛɛ enyɛmi akɛ, ‘Yaka gbɔmɔ’ lɛ eeeye gwabɔɔ lɛ hiɛ fɔ; ni mɔ fɛɛ mɔ ni aaakɛɛ akɛ, ‘Buulu’ lɛ eeeye abonsamiiaje la lɛ mliyaa fɔ.

Luka 16:30

Shi lɛ lɛ ekɛɛ, ‘Dabi, Ataa Abraham, shi kɛji mɔ ko jɛ gbohii ateŋ tee amɛŋɔɔ lɛ, no amɛaatsake amɛtsui.’

Luka 19:9

Yesu kɛɛ lɛ akɛ, “Ŋmɛnɛ yiwalaheremɔ eba shĩa nɛɛ, akɛni lɛ hu Abraham bi ji lɛ lɛ.

Luka 3:8

Belɛ nyɛwoa yibii ni sa tsuitsakemɔ; ni nyɛkabɔia kɛɛmɔ yɛ nyɛyiŋ akɛ, ‘Wɔtsɛ ji Abraham;’ ejaakɛ miikɛɛ nyɛ akɛ, Nyɔŋmɔ aaanyɛ atee bii ashi kɛjɛ tɛi nɛɛ amli ehã Abraham.

Yohane 4:10

Yesu here nɔ ni ekɛɛ lɛ akɛ, “Eji ole Nyɔŋmɔ nɔkeenɔ lɛ kɛ mɔ ni kɛɔ bo akɛ, ‘Hã mi eko manu lɛ’ kulɛ, bo moŋ oooba lɛ ni eeehã bo wala nu.”

Yohane 4:14

shi mɔ ni nuɔ nu ni mi mahã lɛ lɛ, kumai yeŋ lɛ dɔŋŋ kɛaatee naanɔ; shi moŋ nu ni mahã lɛ lɛ aaatsɔ̃ nu hiŋmɛi ni baa kɛyaa naanɔ wala mli yɛ emli.”

Yohane 7:37

Shi naagbee gbi ni ji gbii juji lɛ ateŋ gbi wulu lɛ nɔ lɛ, Yesu yadamɔ shi ni ebo ekɛɛ, “Kɛji kumai miiye mɔ ko lɛ, eba miŋɔɔ ni ebanu nu.

Romabii 4:12

ni asaŋ efee ketiafolɔi atsɛ hu ehã mɛi ni amɛjeee ketiafolɔi kɛkɛ, shi moŋ amɛkɔ wɔtsɛ Abraham, mɔ ni he ye be mli ni eji foolɔ beebe lɛ, nane.

2 Tesalonikabii 1:8

Ekɛ lalilɛi aaatɔ owele yɛ mɛi ni leee Nyɔŋmɔ kɛ mɛi ni booo wɔNuŋtsɔ Yesu Kristo Sanekpakpa lɛ toi lɛ anɔ.

Yakobo 2:13

Ejaakɛ kojomɔ mli lɛ, mɔ ni enaaa mɔbɔ lɛ anaŋ lɛ mɔbɔ; mɔbɔnalɛ yeɔ kojomɔ nɔ kunim ni eshwãa.

Yakobo 3:6

Ni lilɛi lɛ hu, la ni; wɔhenii lɛ ateŋ lɛ, lilɛi ji nishaianii ajeŋ muu; ni ebuleɔ gbɔmɔtso muu lɛ fɛɛ ni emaa fɔmɔŋ tsakpãa lɛ naa la, ni abonsamiiaje enaa ela lɛ kɛjɛɔ.

Kpojiemɔ 19:20

Ni amɔ kooloo lɛ, ni amɔ amalegbalɔ lɛ afata ehe, amalegbalɔ lɛ ni fee okadii yɛ ehiɛ ni ekɛshishiu mɛi ni ŋɔ kooloo lɛ okadi lɛ kɛ mɛi ni jaa emãgã lɛ. Ni aŋɔ kooloo lɛ kɛ amale gbalɔ lɛ ni akɛ mɛi enyɔ nɛɛ fɛɛ wo la kpaakpo lɛ ni tsoɔ kɛ swɔɔ lɛ mli ni amɛhiɛ kãmɔ.

Kpojiemɔ 20:15

Ni kɛji mɔ ko yɛ ni anãaa akɛ aŋma egbɛi yɛ wala wolo lɛ mli lɛ, ashɛɔ lɛ afɔ̃ɔ la kpaakpo lɛ mli.

Kpojiemɔ 22:1

Ni etsɔ̃ɔ mi walanu faa ni hiɛ kpɛlɛɔ tamɔ kristalo ni jɛ Nyɔŋmɔ kɛ Toobi lɛ maŋtsɛ sɛ̃i lɛ mli.

1 Samuel 28:16

Samuel kɛɛ Saul akɛ, “Kɛji Yehowa eje osɛɛ, ni etsɔ̃ ohenyɛlɔ lɛ, mɛɛba oba obiɔ mi nii?