Luka 16:16 - ŊMALƐ KRƆŊKRƆŊ LƐ

¹⁶ “Mla lɛ kɛ gbalɔi lɛ yɔɔ nɔ kɛbashi Yohane nɔ; kɛjɛ nakai be lɛ nɔ nɛɛ aashiɛ Nyɔŋmɔ maŋtsɛyeli lɛ he Sanekpakpa lɛ, ni mɔ fɛɛ mɔ boteɔ mli ekãa naa.

Ṅmãle̱ Kroṅkroṅ Le̱

¹⁶ Mla le̱ ke̱ gbalo̱i le̱ gba ke̱-baši Iohane no̱; ke̱-dše̱ nakai be le̱ no̱ ne̱ āšie̱ Nyoṅmo̱ maṅtše̱yeli le̱ he sanekpakpa le̱, ni mofẽmo boteo̱ mli ekā̃ nā. Mat 11,12. 13.

Luka 16:16 ပူးပေါင်းရင်းမြစ်များ

Mateo 10:7

Shi ni nyɛyaa nɛɛ, nyɛshiɛa nyɛkɛa akɛ, ‘Ŋwɛi maŋtsɛyeli lɛ eshɛ shi etã.’

Mateo 15:11

Jeee nɔ ni boteɔ mɔ daaŋ lɛ buleɔ gbɔmɔ; shi moŋ nɔ ni jeɔ mɔ daaŋ lɛ, no buleɔ gbɔmɔ.”

Mateo 21:32

Ejaakɛ Yohane ba nyɛŋɔɔ yɛ jalɛ gbɛ lɛ nɔ, ni nyɛ lɛ nyɛheee lɛ nyɛyeee; shi tóohelɔi kɛ ajwamãŋi lɛ he lɛ amɛye. Ni fee sɛɛ, be ni nyɛyoo hu lɛ, nyɛshwaaa nyɛhe tete, koni nyɛhe lɛ nyɛye.”

Mateo 3:2

ni ekɛɛ akɛ, “Nyɛtsakea nyɛtsui; shi ŋwɛi maŋtsɛyeli lɛ ebɛŋkɛ.”

Mateo 4:17

Kɛjɛ no nɔ lɛ Yesu bɔ̃i shiɛmɔ ni ekɛɛ, “Nyɛtsakea nyɛtsui; shi ŋwɛi maŋtsɛyeli lɛ ebɛŋkɛ!”

Mateo 4:23

Ni Yesu kpa Galilea muu lɛ fɛɛ, etsɔ̃ɔ nii yɛ amɛkpeehei lɛ, ni eshiɛɔ maŋtsɛyeli lɛ he sanekpakpa lɛ etsɔ̃ɔ, ni etsaa hela fɛɛ hela kɛ hejaramɔ fɛɛ hejaramɔ yɛ maŋ lɛ mli.

Marko 1:14

Agbɛnɛ be ni amɔ Yohane sɛɛ lɛ, Yesu tee Galilea ni eyashiɛ Nyɔŋmɔ Sanekpakpa lɛ.

Marko 1:45

Shi lɛ lɛ, be ni eje kpo lɛ, ebɔ̃i sane lɛ shiɛmɔ. Enɛ hã sane lɛ gbɛ shwã bɔ ni Yesu nyɛɛɛ aje faŋŋ abote maŋ ko mli dɔŋŋ; shi ehi ŋa lɛ nɔ hei komɛi, ni mɛi jɛɔ he fɛɛ he baa eŋɔɔ.

Luka 10:11

‘Nyɛmaŋ nɛɛŋ mlu tete ni yɔɔ wɔnaji ahe lɛ wɔkpalaa wɔshwieɔ nyɛnɔ nɛɛ; shi kɛ̃lɛ nyɛnaa nyɛlea akɛ Nyɔŋmɔ Maŋtsɛyeli lɛ ebɛŋkɛ nyɛ.’

Luka 10:9

ni nyɛtsaa helatsɛmɛi ni yɔɔ mli lɛ, ni nyɛkɛa amɛ akɛ, ‘Nyɔŋmɔ Maŋtsɛyeli lɛ ebɛŋkɛ nyɛ.’

Luka 16:29

Ni Abraham kɛɛ lɛ akɛ, ‘Amɛyɛ Mose kɛ gbalɔi lɛ yɛ jɛi; amɛbo amɛ toi!’

Luka 16:31

Shi Abraham kɛɛ lɛ akɛ, ‘Kɛ amɛbooo Mose kɛ gbalɔi lɛ toi lɛ, no lɛ kɛji mɔ ko te shi kɛjɛ gbohii ateŋ tete lɛ, amɛyiŋ tsɔŋ.’ ”

Luka 9:2

Ni etsu amɛNyɔŋmɔ Maŋtsɛyeli lɛ shiɛmɔ kɛ helatsɛmɛi atsamɔ.

Yohane 1:45

Filipo hu na Natanael, ni ekɛɛ lɛ akɛ, “Wɔna mɔ ni Mose ŋma ehe sane yɛ Mla lɛ mli, kɛ mɔ ni gbalɔi lɛ hu ŋma ehe sane lɛ, Yesu, Yosef bi ni jɛ Nazaret lɛ.”

Yohane 11:48

Kɛji wɔŋmɛ lɛ gbɛ nɛkɛ lɛ, mɛi fɛɛ aaahe enɔ aye; ni Romabii lɛ aaaba ni amɛaabashɔ̃ wɔsɔlemɔ we lɛ kɛ wɔshikpɔŋ lɛ fɛɛ.”

Yohane 12:19

No hewɔ lɛ, Farisifoi lɛ kɛɛ yɛ amɛteŋ akɛ, “Te nyɛna akɛ nyɛnyɛɛɛ fɛi nyɛfee! Naa, je lɛ efã kɛnyiɛ esɛɛ lɛ!”

Yohane 5:4

Ejaakɛ bei komɛi lɛ ŋwɛi bɔfo ko kpelekeɔ shi kɛbaa kpaakpo lɛ mli ni ebataa nu lɛ mli; kɛkɛ lɛ emlitaa lɛ sɛɛ lɛ, mɔ fɛɛ mɔ ni yagbeɔ nu lɛ mli tsutsu lɛ, hela fɛɛ hela ni eyeɔ lɛ ehe tãa.]

Bɔfoi 3:18

shi nii ni Nyɔŋmɔ ekɛɛ eto momo yɛ egbalɔi lɛ fɛɛ anaa akɛ eKristo lɛ aaana amanehulu lɛ, ehã eba mli nakai.