Luka 16:15 - ŊMALƐ KRƆŊKRƆŊ LƐ

¹⁵ Ni ekɛɛ amɛ akɛ, “Nyɛ ji mɛi ni nyɛbuɔ nyɛhe bem yɛ gbɔmɛi ahiɛ; shi Nyɔŋmɔ lɛ, ele nyɛtsuiaŋ; ejaakɛ nɔ ni ji gojoo yɛ gbɔmɛi ateŋ lɛ, yɛ Nyɔŋmɔ hiɛ lɛ nihiinii ni.

Ṅmãle̱ Kroṅkroṅ Le̱

¹⁵ Ni ekē̱ame̱ ake̱: Nye dši mei ní *nyebuo̱ nyehe bem ye̱ gbomei ahĩe; ši Nyoṅmo̱ le̱, †ele nyetšuiiaṅ; edšake̱ noni dši godšō ye̱ gbomei ateṅ le̱, Nyoṅmo̱ mīhĩ. *18,9-14. †Lal. 7,10. Abe̱i 6,16. 17.

Luka 16:15 ပူးပေါင်းရင်းမြစ်များ

1 Kronika 29:17

MiNyɔŋmɔ, mile akɛ bo lɛ okaa gbɔmɔ tsui okwɛɔ, ni onaa mɛi ni yeɔ anɔkwa he miishɛɛ. Mijɛ mitsuiŋ fɛɛ kɛ suɔmɔ mli mikɛ nibii nɛɛ fɛɛ ke, ni agbɛnɛ miina akɛ omaŋ ni jwere shi nɛɛ hu miike bo nii kɛ miishɛɛ kɛ nyamɔ.

2 Kronika 6:30

jɛɛ ŋwɛi ni ji oshihilɛhe lɛ obo toi ni okɛfa. Bo pɛ ole gbɔmɔ yitsoŋ, no hewɔ lɛ, okɛ mɔ fɛɛ mɔ aye bɔ ni sa mɔ lɛ,

Lalai 10:3

Ejaakɛ mɔ fɔŋ lɛ eshwãa efɔ̃ɔ etsuiŋ sɛɛdii nibii anɔ; ni amimyelɔ lomɔɔ, ni ekwaa Yehowa.

Lalai 49:13

Mɛi ni kɛ amɛhiɛ fɔ̃ɔ amɛ diɛŋtsɛ amɛhewalɛ nɔ, ni nɔ ni amɛyɔɔ sa amɛhiɛ lɛ, bɔ ni amɛnaagbee yɔɔ nɛ:

Lalai 49:18

Eyɛ mli akɛ be ni eyɔɔ wala mli lɛ, ebuɔ ehe akɛ eyi tɔ kɛ miishɛɛ; ni mɛi hu jieɔ eyi akɛ “eyɛ jogbaŋŋ” moŋ nɛ;

Lalai 7:9

Oo, hã mɛi fɔ̃ji anɔfɔŋfeemɔ lɛ sɛɛ afo; Shi jalɔi lɛ, ojuro amɛ; ejaakɛ bo ji jalɛ Nyɔŋmɔ, ni okaa tsui kɛ jwɛŋmɔ okwɛɔ.

Abe̱i 16:5

Yehowa miihi mɔ fɛɛ mɔ ni woɔ ehe; kɛ ata abasa yɛ nɔ po, abaagbala etoi.

Abe̱i 20:6

Mɛi babaoo tsɛɔ amɛhe anɔkwafoi; shi anɔkwafo lɛ namɔ yoɔ lɛ?

Abe̱i 21:2

Gbɔmɔ gbɛ fɛɛ gbɛ ja yɛ lɛ diɛŋtsɛ ehiɛ; shi Yehowa lɛ, lɛ lɛ, tsui mli ekwɛɔ.

Yeremia 17:10

Mi, Yehowa, mitaoɔ gbɔmɔ yitsoŋ, ni mikaa tsui mikwɛɔ. Mikɛ mɔ fɛɛ mɔ yeɔ yɛ ejeŋba naa; mikɛ mɔ fɛɛ mɔ yeɔ yɛ yibii ni ewoɔ naa.

Maleaki 3:15

Agbɛnɛ bɔ ni wɔnaa jeŋ moŋ ji akɛ mɛi ni woɔ amɛhe lɛ, amɛ ji mɛi ni yɔɔ miishɛɛ. Ni jeee shweremɔ kɛkɛ mɛi ni feɔ nifɔɔjianii shwereɔ, shi moŋ amɛkɛ amɛnifɔɔji lɛ kaa Nyɔŋmɔ amɛkwɛɔ, ni amɛjeɔ toigbalamɔ mli sɔkee.’ ”

Mateo 23:5

Shi amɛnii fɛɛ lɛ amɛfeɔ koni mɛi ana. Ejaakɛ amɛhãa amɛsɔlemɔkaimɔ kotokui kɛ amɛtadei anaamui lɛ lɛɔ.

Mateo 6:16

“Shi kɛji nyɛmiihi ŋmaa lɛ nyɛkafea nyɛhiɛ mɔbɔmɔbɔ tamɔ osatofoi lɛ; shi amɛfeɔ amɛhiɛ nyanyaanya, koni mɛi ana akɛ amɛmiihi ŋmaa. Miikɛɛ nyɛ anɔkwale mli akɛ amɛnine eshɛ amɛnyɔmɔwoo nɔ momo.

Mateo 6:2

No hewɔ lɛ, kɛ oofee ejurɔ lɛ, kaashiɛ otsɔ̃ɔ mɛi, tamɔ osatofoi lɛ feɔ yɛ kpeehei lɛ kɛ blohui lɛ amli koni gbɔmɛi ajie amɛyi. Anɔkwale mikɛɔ nyɛ akɛ amɛnine eshɛ amɛnyɔmɔwoo nɔ momo.

Mateo 6:5

“Ni kɛ nyɛmiisɔle lɛ, nyɛkafea nyɛnii tamɔ osatofoi lɛ; shi amɛsumɔɔ akɛ amɛdamɔ kpeehei lɛ kɛ gbɛjegbɛi lɛ atoi amɛsɔle, koni mɛi ana amɛ. Miikɛɛ nyɛ anɔkwale mli akɛ amɛnine eshɛ amɛnyɔmɔwoo nɔ momo.

Luka 10:29

Shi lɛ lɛ, akɛni eetao ehe bem ebu hewɔ lɛ, ebi Yesu akɛ, “Ni namɔ ji minaanyo?”

Luka 11:39

Ni Nuŋtsɔ lɛ kɛɛ lɛ akɛ, “Nyɛ Farisifoi lɛ nyɛtsumɔɔ kpulu he kɛ kã sɛɛ, shi nyɛmli eyi obɔ̃ kɛ juu kɛ fɔ̃.

Luka 18:11

Farisifonyo lɛ yadamɔ shi, ni esɔle nɛkɛ, ‘Nyɔŋmɔ, miida bo shi akɛ mitamɔ̃ɔɔ mɛi krokomɛi lɛ, ojotswalɔi, kutumpɔfoi, gbãlãfitelɔi, loo tamɔ nɛkɛ toohelɔ nɛɛ po;

Luka 18:14

Miikɛɛ nyɛ akɛ, nɛkɛ nuu nɛɛ yiŋ etee ewe ni abu lɛ bem fe mɔ kome lɛ. Ejaakɛ mɔ fɛɛ mɔ ni woɔ ehe nɔ lɛ aaaba lɛ shi, shi mɔ ni baa ehe shi lɛ, aaawo enɔ.”

Luka 18:21

Shi ekɛɛ, “Miye enɛɛmɛi fɛɛ anɔ kɛjɛ migbekɛbiiashi.”

Luka 18:9

Asaŋ ebu mɛi komɛi ni ŋɔɔ amɛhiɛ amɛfɔ̃ɔ amɛ diɛŋtsɛ amɛhe nɔ akɛ jalɔi ji amɛ ni amɛgbeɔ mɛi krokomɛi ahe guɔ lɛ hu abɛ nɛɛ,

Luka 20:20

Ni amɛsra lɛ, ni amɛtsu saralɔi, mɛi ni fee amɛhe tamɔ jalɔi, koni amɛmɔ enaa enyɔŋ, bɔ ni afee ni amɛŋɔ lɛ amɛhã amralo lɛ hewalɛ kɛ hegbɛ lɛ.

Luka 20:47

amɛyeɔ okulafoi agboshinii yɛ amɛdɛŋ, belɛ amɛkwa amɛmiisɔle sɔlemɔi kakadaji. Amɛfɔbuu lɛ aaafe nine.”

Yohane 2:25

Ni ehe ehĩaaa akɛ mɔ ko aye gbɔmɔ he odase ahã lɛ, ejaakɛ lɛ diɛŋtsɛ ele nɔ ni yɔɔ gbɔmɔ tsui mli.

Yohane 21:17

Ebi lɛ nɔ ni ji shii etɛ̃ akɛ, “Simon, Yona bi, oosumɔ mi lo?” Edɔ Petro akɛ ebi lɛ nɔ ni ji shii etɛ̃ akɛ, “Oosumɔ mi lo?” lɛ; ni ekɛɛ lɛ akɛ, “Nuŋtsɔ, ole nii fiaa, ole akɛ miisumɔ bo.” Yesu kɛɛ lɛ akɛ, “Lɛɛ mitoi lɛ!

Bɔfoi 1:18

Shi nɛkɛ nuu nɛɛ ŋɔ enɔsha ni efee lɛ mli nyɔmɔwoo lɛ ehe abɔɔ, ni eyama eyi shi, ni emli gba enyɔ ni emlinii fɛɛ tue shwie shi.

Bɔfoi 1:24

Ni amɛsɔle amɛkɛɛ, “Bo, Nuŋtsɔ, ni ole gbɔmɛi fɛɛ atsuiiaŋ, tsɔ̃ɔmɔ mɛi enyɔ nɛɛ ateŋ mɔ ni ohala

Bɔfoi 15:8

Ni Nyɔŋmɔ ni le tsuiiaŋ lɛ hã amɛ Mumɔ Krɔŋkrɔŋ lɛ tamɔ bɔ ni ehã wɔ lɛ kɛtsɔ̃ɔ akɛ ekpɛlɛ̃ nɔ,

Romabii 3:20

Ejaakɛ adamɔŋ Mla lɛ nitsumɔ nɔ abuŋ gbɔmɔ ko gbɔmɔ ko bem yɛ ehiɛ; ejaakɛ Mla nɔ atsɔ̃ɔ aleɔ nɔ ni ji esha.

Romabii 8:27

Ni mɔ ni taoɔ tsuii amli lɛ le nɔ ni ji mumɔ lɛ jwɛŋmɔ lɛ, ejaakɛ edãmɔɔ mli ehãa mɛi krɔŋkrɔŋi lɛ yɛ Nyɔŋmɔ suɔmɔ naa.

1 Korintobii 4:5

No hewɔ lɛ, nyɛkakojoa nɔ ko dani shɛ be lɛ, kɛyashi beyinɔ ni Nuŋtsɔ lɛ aaaba, mɔ ni kɛ dujiaŋ nibii ni akɛtee lɛ tete aaaba la hiɛ, ni eeejie tsuiiaŋ ajinai lɛ ashi lɛ. Ni no mli lɛ mɔ fɛɛ mɔ aaana eyijiemɔ kɛaajɛ Nyɔŋmɔ dɛŋ.

1 Petro 3:4

Shi moŋ efee tsui mli gbɔmɔ ni akɛtee yɛ mumɔ ni he jɔ ni yɔɔ kpoo lɛ hewulamɔ ni fiteee lɛ mli lɛ; no ji nɔ ni jara wa yɛ Nyɔŋmɔ hiɛ.

1 Petro 5:5

Nakai nɔŋŋ nyɛ oblahii kɛ oblayei, nyɛbaa nyɛhe shi nyɛhãa onukpai lɛ. Ni nyɛ fɛɛ nyɛbabaa nyɛhe shi nyɛhãa nyɛhe ni nyɛkɛ heshibaa afee mama nyɛŋmɔa nyɛhɛ, ejaakɛ ŋmalɛ lɛ kɛɛ, “Nyɔŋmɔ kuɔ hewolɔi anaa, shi eduroɔ heshibalɔi.”

Kpojiemɔ 2:23

Ni ebii lɛ, gbe magbe amɛ; ni asafoi lɛ fɛɛ aaana ale akɛ mi ji mɔ ni taoɔ jwɛŋmɔi kɛ tsuii amli, ni mahã nyɛteŋ mɔ fɛɛ mɔ enyɔmɔwo bɔ ni nyɛnitsumɔi lɛ yɔɔ lɛ.

1 Samuel 16:7

Shi Yehowa kɛɛ Samuel akɛ, “Kaahã ehiɛŋtso loo ekwɔlɛ nyɛnyereŋŋ lɛ miilaka bo. Jeee bɔ ni gbɔmɔ adesa kwɛɔ nii Yehowa kwɛɔ nii. Gbɔmɔ adesa kwɛɔ kpo nɔ gbɛ nii ekɛyeɔ sane, shi Yehowa lɛ kwɛɔ tsuiŋ.”