Luka 16:11 - ŊMALƐ KRƆŊKRƆŊ LƐ

¹¹ No hewɔ lɛ, kɛ nyɛyeko kutumpɔo ninamɔ lɛ po mli anɔkwa lɛ, nɔ ni ji anɔkwa ninamɔ lɛ, namɔ aaatu no awo nyɛdɛŋ?

Ṅmãle̱ Kroṅkroṅ Le̱

¹¹ Nohewo̱ le̱ ké̱ nyeyeko kũtũmpo̱o mamona le̱ po mli ano̱kwa le̱, noni dši ano̱kwa le̱, namo aatu no awo nyedeṅ?

Luka 16:11 ပူးပေါင်းရင်းမြစ်များ

Mateo 6:24

“Mɔ ko nyɛŋ nuŋtsɔmɛi enyɔ asɔ̃mɔ; ejaakɛ no lɛ eeenyɛ mɔ kome ni eeesumɔ mɔ kroko lɛ; aloo eeekpɛtɛ mɔ kome he, ni eeebu mɔ kroko lɛ akɛ ejeee mɔ ko. Nyɛnyɛŋ Nyɔŋmɔ kɛ mamona (ninamɔ) nyɛsɔ̃mɔ.

Luka 12:33

Nyɛhɔ̃a nii ni nyɛyɔɔ lɛ ni nyɛkɛfea ejurɔ; nyɛfea fotroi ni tsɔ̃mɔɔɔ ememeji nyɛhãa nyɛhe, nyɛtoa jwetri ni etãaa yɛ ŋwɛi, he ni julɔ ko bɛŋkɛɛɛ ni omlɛgɛ kpeee nii yɛ lɛ.

Luka 16:12

Ni kɛ nyɛyeko mɔ kroko nɔ mli anɔkwa lɛ, nyɛ diɛŋtsɛ nyɛnɔ lɛ, namɔ kɛaahã nyɛ?

Luka 16:9

“Ni mi hu miikɛɛ nyɛ akɛ, Nyɛŋɔa kutumpɔo ninamɔ lɛ nyɛkɛfea shieŋtsɛmɛi nyɛhãa nyɛhe, koni, be ni nyɛbɛ nɔ ko dɔŋŋ lɛ, amɛhere nyɛ yɛ naanɔ bui lɛ amli.

Luka 18:22

Ni be ni Yesu nu enɛ lɛ, ekɛɛ lɛ akɛ, “Eshwɛ bo nɔ kome lolo; yaahɔ̃ɔ nibii fɛɛ ni oyɔɔ lɛ ni okɛ shika lɛ aja ohiafoi, ni ooona jwetri yɛ ŋwɛi; ni oba obanyiɛ misɛɛ.”

Efesobii 3:8

mi ni mi ji bibioo fe hetselɔi lɛ fɛɛ lɛ, akɛ nɛkɛ dromɔ nɛɛ ehã mi, akɛ mijaje Kristo nifalɛ ni anyɛɛɛ shishi ana lɛ he Sanekpakpa lɛ mitsɔ̃ɔ jeŋmaji lɛ.

Yakobo 2:5

Minyɛmimɛi ni misumɔɔ, nyɛboa toi! Ani jeee je nɛɛ mli ohiafoi ni ji niiatsɛmɛi yɛ hemɔkɛyeli gbɛfaŋ lɛ Nyɔŋmɔ ehala, koni maŋtsɛyeli ni ewo mɛi ni sumɔɔ lɛ lɛ shi yɛ he lɛ atsɔ̃ amɛnɔ?

Kpojiemɔ 3:18

Miiwo oŋaa akɛ ohe shika ni atsuu he yɛ la mli yɛ miŋɔɔ koni ona nii, kɛ atadei yɛji, koni owo ni oyayaiaŋ hiɛgbele lɛ akakã jaanɔ; ni ohe hiŋmɛi tsofa ni okɛfɔ ohiŋmɛii anɔ koni ona nii.