Luka 15:22 - ŊMALƐ KRƆŊKRƆŊ LƐ

²² Shi tsɛ lɛ kɛɛ etsuji lɛ akɛ, ‘Nyɛyajiea atade ni yɔɔ fɛo fe fɛɛ lɛ kɛbaa mramra, ni nyɛkɛbawoa lɛ, ni nyɛwo enine kpotia kɛ enaji hu tokotai;

Ṅmãle̱ Kroṅkroṅ Le̱

²² Ši tše̱ le̱ kē̱ etšũdši le̱ ake̱: Nyeyadšiea atade ní yo̱ fe̱o fè fẽ le̱ ke̱-baä mrãmrā, ní nyeke̱-bawoale̱, ní nyewo enine kpotia ke̱ enãdši hũ tokotai;

Luka 15:22 ပူးပေါင်းရင်းမြစ်များ

1 Mose 41:42

Kɛkɛ ni Farao jie ewolonaasɔomɔ ga lɛ yɛ ewao, ni ekɛwo Yosef wao; ewula lɛ kɛ klala fɛɛfɛo atadei ni ekɛ shika kɔsɔŋkɔsɔ ŋmɛ ekuɛ.

Ester 3:10

Kɛkɛ ni maŋtsɛ lɛ jie ewolonaasɔomɔ waoga ni ewo lɛ yɛ enine, ni ekɛhã Hamedata bi Haman ni ji Yudafoi lɛ ahenyɛlɔ lɛ.

Ester 8:2

Maŋtsɛ lɛ jie ewaoga ni ekɛsɔoɔ wolo naa, ni ehe yɛ Haman dɛŋ lɛ yɛ ewao ni ekɛhã Mɔdekai. Ester tu Haman shĩa lɛ ewo Mɔdekai dɛŋ koni ekwɛ nɔ.

Lalai 132:16

Esɔfoi lɛ, mikɛ miyiwalaheremɔ aaawo amɛ tamɔ atade; ni emɛi krɔŋkrɔŋi lɛ aaabɔ oshe kɛ nyamɔ.

Lalai 132:9

Hã osɔfoi lɛ awula kɛ jalɛ tamɔ atade, ni omɛi krɔŋkrɔŋi lɛ abɔ oshe kɛ nyamɔ.

Lalai 18:33

Ehã minajiaŋ wa tamɔ ofrote, ni eŋɔ mi edamɔ gɔji anɔ shweshweeshwe.

Lalai 45:13

Maŋtsɛ biyoo lɛ ewula kiŋkaŋŋ yɛ opia lɛŋ. Etade lɛ akɛ shika kpãa elo mli.

Salomo Lalai 7:1

Bo lumɔ biyoo, Onajifãamɔi yɛ otokotai amli yɛ fɛo naakpa! Oshuɔji yɛ fɛo tamɔ jwinei ni ŋaalɔ nukpa kɛ eniji fee.

Yesaia 61:10

Manya waa yɛ Yehowa hewɔ; ni misusuma mli aaafli lɛ yɛ miNyɔŋmɔ lɛ hewɔ, ejaakɛ ewo mi yiwalaheremɔ atade, ni ekɛ jalɛ mama eha mi, tamɔ bɔ ni ayɛmforo wu wulaa ehe loo bɔ ni ayɛmforo wulaa kɛ jwine lɛ.

Luka 15:21

Ni ebi lɛ kɛɛ lɛ akɛ, ‘Ataa, mifee Nyɔŋmɔ shishi esha ni mifee esha, mishi bo, ni misaaa mɔ ni atsɛɔ mi obi dɔŋŋ!’

Luka 15:23

ni nyɛkɛ tsinabi ni ewo fɔ lɛ abaa nyɛbagbea, ni nyɛhãa wɔyea nii ni wɔnaa tsuijurɔ;

Romabii 13:14

shi moŋ nyɛwoa Nuŋtsɔ Yesu Kristo tamɔ dama, ni nyɛkahãa heloo lɛ nɔ jwɛŋmɔ lɛ miitsɔ̃ heloo lɛ sɛɛdii.

Romabii 3:22

no ji Nyɔŋmɔ jalɛ ni atsɔ̃ɔ Yesu Kristo nɔ hemɔkɛyeli nɔ akɛhãa mɛi fɛɛ ni heɔ yeɔ lɛ. Ejaakɛ srɔto ko bɛ;

Romabii 8:15

Ejaakɛ jeee nyɔŋ mumɔ nyɛna ni aaahã nyɛshe gbeyei ekoŋŋ, shi moŋ Mumɔ ni hãa mɛi tsɔ̃mɔɔ bii ni hãa wɔboɔ wɔtsɛɔ Nyɔŋmɔ akɛ, “Aba! Ataa!” lɛ.

Galatabii 3:27

ejaakɛ nyɛ mɛi abɔ ni abaptisi nyɛ awo Kristo mli lɛ, nyɛwo Kristo.

Efesobii 6:15

ni nyɛkɛ hejɔlɛ Sanekpakpa lɛ awo nyɛnaji;

5 Mose 33:25

Akɛ dade kɛ akɔɔble adabãi aaalalaa omaŋ agboi asɛɛ; ni bɔ ni ogbii falɛ yɔɔ lɛ, nakai nɔŋŋ ohewalɛ aaahi.

Kpojiemɔ 19:8

Ni ahã lɛ hegbɛ akɛ ewo klala ni hetse ni kpɛlɛɔ nyɛramnyɛram.” Ejaakɛ klala lɛ ji krɔŋkrɔŋbii lɛ ajalɛnii lɛ.

Kpojiemɔ 2:17

Mɔ ni yɔɔ toi ni akɛnuɔ nii lɛ, enu nɔ ni Mumɔ lɛ kɛɔ asafoi lɛ. Mɔ ni yeɔ kunim lɛ, mahã lɛ mana ni akɛtee lɛ eko, ni mahã lɛ tɛ yɛŋ, ni tɛ lɛ nɔ lɛ aŋma gbɛi hee ni mɔ ko leee akɛ ja mɔ ni náa lɛ.”

Kpojiemɔ 3:18

Miiwo oŋaa akɛ ohe shika ni atsuu he yɛ la mli yɛ miŋɔɔ koni ona nii, kɛ atadei yɛji, koni owo ni oyayaiaŋ hiɛgbele lɛ akakã jaanɔ; ni ohe hiŋmɛi tsofa ni okɛfɔ ohiŋmɛii anɔ koni ona nii.

Kpojiemɔ 6:11

Ni akɛ atade yɛŋ hã amɛteŋ mɔ fɛɛ mɔ, ni akɛɛ amɛ akɛ amɛjɔɔ amɛhe be fioo ko lolo, kɛyashi beyinɔ ni amɛnanemɛi tsuji lɛ kɛ amɛnyɛmimɛi lɛ hu ni abaagbe amɛ tamɔ bɔ ni agbe amɛ diɛŋtsɛ hu lɛ ayikulɛ lɛ aaashɛ.

Kpojiemɔ 7:9

Nii nɛɛ asɛɛ lɛ mikwɛ, ni naa, asafo kpele ni mɔ ko mɔ ko nyɛŋ akane ni jɛ jeŋmaŋ fɛɛ jeŋmaŋ kɛ akutsei kɛ maji kɛ maji anɔ wiemɔi amli damɔ maŋtsɛ sɛ̃i lɛ hiɛ kɛ Toobi lɛ hiɛ, ni amɛwo atadei yɛji, ni amɛhiɛ blɛoi yɛ amɛdɛŋ,