Luka 15:20 - ŊMALƐ KRƆŊKRƆŊ LƐ

²⁰ Ni ete shi ni eyiŋ eba etsɛ ŋɔɔ. Shi be ni enyiɛ shɔŋŋ kɛbaa lɛ, etsɛ na lɛ, ni emusuŋ tsɔ̃ lɛ, ni esha foi ni eyafua lɛ atuu, ni eshwɔshwɔɔ enaa.

Ṅmãle̱ Kroṅkroṅ Le̱

²⁰ Ni ete ši ni eyiṅ eba etše̱ ṅō. Ši beni enyie šoṅṅ ke̱-baä bēbe le̱, etše̱ nale̱, ni emũsũṅ tšõle̱, ni eša foi eho eyagbē ekue̱ no̱, ni eſo̱ſō̱ enā.

Luka 15:20 ပူးပေါင်းရင်းမြစ်များ

1 Mose 33:4

Shi Esau sha foi ekɛ lɛ bakpe. Eloo Yakob atuu, ni eho egbee ekuɛ nɔ, ni eshwɔ enaa, ni amɛfo.

1 Mose 45:14

Kɛkɛ ni Yosef fua enyɛmi Benyamin ni ejwa yaafo, ni Benyamin hu fua lɛ ni lɛ hu ejwa yaafo.

1 Mose 46:29

Kɛkɛ ni Yosef saa eshwiili ni eyiŋ etee koni eyakpee etsɛ Yakob yɛ Goshen; ni be ni Yosef na etsɛ lɛ, eloo lɛ atuu ni efo eshwie ekuɛ nɔ aahu.

2 Samuel 14:33

Yoab tee eyana maŋtsɛ lɛ, ni ebɔ lɛ amaniɛ; ni Maŋtsɛ David tsu ayatsɛ Absalom. Be ni Absalom shɛ shi lɛ eho egbee shi, ni ekɛ ehiɛ bu shi, ni ekoto Maŋtsɛ David. Maŋtsɛ David shwɔ Absalom naa ekɛhere lɛ atuu.

Lalai 86:15

Oo Nuŋtsɔ, shi bo lɛ Nyɔŋmɔ musuŋtsɔlɔ kɛ durolɔ ji bo! Omli fuuu mra, ni osuɔmɔ ni tsakeee lɛ kɛ onɔkwayeli lɛ fa babaoo.

Lalai 86:5

Oo Nuŋtsɔ, ejaakɛ ohi, ni oŋɔɔ tɔ̃mɔ ofaa; ni suɔmɔ ni osumɔɔ mɛi fɛɛ ni sɔleɔ tsɛɔ bo lɛ fa babaoo.

Yesaia 49:15

Yehowa to he akɛ, “Aso yoofɔyoo hiɛ aaakpa ebi fufɔoo nɔ, ni emusuŋ etsɔŋ lɛ yɛ emusuŋbi he? Kɛji yoofɔyoo tete hiɛ aaakpa ebi nɔ lɛ, mi lɛ, mihiɛ kpaŋ onɔ.

Yesaia 57:18

“Mina gbɛ fɔŋ ni enyiɛ lɛ, shi mibatsa lɛ. Mibakpala lɛ, ni mibashɛje lɛ kɛ mɛi ni ekɛyeɔ ŋkɔmɔ lɛ amii.

Yeremia 31:20

Israel ji mibinuu kpakpa lɛ. Lɛ ji misuɔmɔ bi lɛ. Shii abɔ fɛɛ ni miwieɔ mishiɔ lɛ lɛ, mikaiɔ lɛ kɛ̃ kɛ dɔlɛ. No hewɔ lɛ, mitsui shweɔ lɛ. Bɔ fɛɛ bɔ ni fee lɛ mana lɛ mɔbɔ. Mi, Yehowa, mikɛɛ.

Hosea 11:8

“Ao Israel, te mafee tɛŋŋ maŋmɛɛ ohe hu? Te mafee tɛŋŋ makwa bo hu? Aso manyɛ ohiɛ makpãtã tamɔ bɔ ni mifee Adma lɛ; aloo tamɔ bɔ ni mikɛ Zeboim ye lɛ? Mitsui miitswa yɛ mimli, ni mimusuŋ miitsɔ̃ mi yɛ ohe.

Luka 15:19

ni misaaa mɔ ni atsɛɔ mi obi dɔŋŋ; ŋɔɔ mi ofee tamɔ opaafoi lɛ eko.” ’

Luka 15:21

Ni ebi lɛ kɛɛ lɛ akɛ, ‘Ataa, mifee Nyɔŋmɔ shishi esha ni mifee esha, mishi bo, ni misaaa mɔ ni atsɛɔ mi obi dɔŋŋ!’

Bɔfoi 2:39

Ejaakɛ shiwoo lɛ, nyɛ kɛ nyɛbii, kɛ mɛi fɛɛ ni yɔɔ shɔŋŋ, mɛi abɔ ni Nuŋtsɔ, wɔNyɔŋmɔ lɛ, aaatsɛ kɛaaba lɛ anɔ ni.”

Bɔfoi 20:37

Ni amɛ fɛɛ amɛfo bloblo naakpa, ni amɛgbeegbee Paulo kuɛ nɔ, ni amɛshwɔshwɔɔ enaa.

Efesobii 2:13

Shi agbɛnɛ, Kristo Yesu mli lɛ, nyɛ ni sa ni nyɛyɔɔ shɔŋŋ lɛ, nyɛtsɔ̃ Kristo lá lɛ nɔ nyɛbɛŋkɛ.

Efesobii 2:17

Ni eba ebajaje hejɔlɛ Sanekpakpa lɛ etsɔ̃ɔ nyɛ ni nyɛyɔɔ shɔŋŋ lɛ kɛ mɛi ni bɛŋkɛ lɛ hu.