Luka 14:32 - ŊMALƐ KRƆŊKRƆŊ LƐ

³² Kɛjeee nakai lɛ, be ni mɔ kome lɛ nyiɛ shɔŋŋ kɛbaa lɛ, eeetsu bɔfoi kɛya eŋɔɔ eyakpa kpãtãmɔ he fai.

Ṅmãle̱ Kroṅkroṅ Le̱

³² Ke̱ dšee nakai le̱, beni mokome le̱ nyie šoṅṅ ke̱-baä le̱, eetšŭ bo̱foi ke̱-ya eṅõ eyakpa kpãtãmo̱ he fai.

Luka 14:32 ပူးပေါင်းရင်းမြစ်များ

Hiob 40:9

Aso ohewalɛ shɛɔ Nyɔŋmɔ nɔ lɛ, ni obaanyɛ ohã ogbee ashi tamɔ Nyɔŋmɔ nɔ lɛ lo?

Mateo 5:25

Okɛ obelɔ lɛ atsa mra, be ni okɛ lɛ nyiɛ gbɛ lɛ, koni obelɔ lɛ kɛ bo akahã kojolɔ lɛ, ni kojolɔ lɛ kɛ bo hã tsuŋwolɔ lɛ, ni akɛ bo wo tsuŋ.

Mateo 5:42

Mɔ ni baa bo nɔ ko lɛ hã lɛ, ni mɔ ni taoɔ akɛ ofa lɛ nɔ ko lɛ, kaatsɔ̃ ohe oshi lɛ.”

Luka 12:58

Shi kɛ okɛ obelɔ miiya lumɔ hiɛ lɛ, bɔɔ mɔdɛŋ ni okɛ lɛ asaa yɛ gbɛ lɛ nɔ, koni ekashãtã bo eyahã kojolɔ lɛ, ni kojolɔ lɛ hu ŋɔ bo ehã apãbɔlɔ lɛ hu, ni apãbɔlɔ lɛ wo bo tsuŋ.

Luka 14:31

Aloo mɛɛ maŋtsɛ ni kɛji ekɛ maŋtsɛ kroko yaawu lɛ etaŋ shi ni esusu he dã akɛ eeenyɛ ekɛ mɛi akpei nyɔŋma kɛ mɔ ni kɛ mɛi akpei nyɔŋmai enyɔ baa eŋɔɔ lɛ ayakpe lo?

Luka 14:33

Nakai nɔŋŋ kɛ̃ nyɛteŋ mɔ fɛɛ mɔ ni kwaaa nibii fɛɛ ni eyɔɔ lɛ enyɛŋ mikaselɔ etsɔ̃.”

Luka 19:14

Shi emaŋbii lɛ nyɛ lɛ, ni amɛtsu bɔfoi kɛnyiɛ esɛɛ ni amɛyakɛɛ akɛ, ‘Wɔsumɔɔɔ ni mɔ nɛ abaye wɔnɔ maŋtsɛ.’

Bɔfoi 12:20

Shi Herode mli efu Tirobii kɛ Sidonbii lɛ naakpa; no hewɔ lɛ, amɛkɛ jwɛŋmɔ kome ba eŋɔɔ, ni amɛbatao maŋtsɛ lɛ piafonyo ni gbɛi ji Blasto lɛ hiɛgbɛ ni amɛyakpa hejɔlɛ he fai, ejaakɛ maŋtsɛ lɛ shikpɔŋ lɛ nɔ amɛnaa amɛniyenii kɛjɛɔ.