Luka 14:23 - ŊMALƐ KRƆŊKRƆŊ LƐ

²³ Ni Nuŋtsɔ lɛ kɛɛ tsulɔ lɛ akɛ ‘Jee kpo oya gbɛjegbɛi lɛ anɔ kɛ afãbai lɛ ahe ni oyanyɛ amɛnɔ ni amɛba, koni miwe lɛ ayi tɔ.

Ṅmãle̱ Kroṅkroṅ Le̱

²³ Ni Nuṅtšo̱ le̱ kē̱ tšũlo̱ le̱ ake̱: Dše kpo oya gbe̱dšegbe̱i le̱ ke̱ afãbaṅi le̱ amli ni oyanyẽ ame̱no̱, ní ame̱ba, koni miwe le̱ ayi to̱.

Luka 14:23 ပူးပေါင်းရင်းမြစ်များ

Lalai 110:3

Gbi nɔ ni ooofã ta lɛ, omaŋbii lɛ aaaba oŋɔɔ yɛ amɛ diɛŋtsɛ amɛsuɔmɔ naa. Oblahii lɛ aaaba oŋɔɔ tamɔ leebi bɔ yɛ ogɔŋ krɔŋkrɔŋ lɛ nɔ.

Lalai 98:3

Ekai esuɔmɔ ni tsakeee lɛ kɛ enɔkwayeli ni eyɔɔ hã Israel we lɛ. Je lɛ naagbeehei fɛɛ ena kunim ni wɔNyɔŋmɔ lɛ ye lɛ.

Yesaia 11:10

Be miiba be ni maŋtsɛ ni aaajɛ Ishai mli lɛ baatsɔ̃ tamɔ aflaŋaa ni ashi ahã majimaji lɛ. Lɛ esɛɛgbɛ maji lɛ fɛɛ aaatao, ni eshihilɛhe lɛ hiɛ baaba nyam.

Yesaia 27:13

Aaakpã tɛtɛrɛmantɛrɛ wulu ko nakai gbi lɛ, ni mɛi fɛɛ ni elaaje yɛ Asiria shikpɔŋ lɛ nɔ lɛ, kɛ mɛi ni ashwie amɛ kɛtee Ijipt shikpɔŋ lɛ nɔ lɛ aaaba, ni amɛaabaja Yehowa yɛ Gɔŋ Krɔŋkrɔŋ lɛ nɔ yɛ Yerusalɛm.

Maleaki 1:11

Kɛjɛ hulu shitee mli aahu kɛyashi eshinyɔɔ mli lɛ, mɛi miikafo mi yɛ jeŋ majimaji amli. Ni aashãshãa tsofakɛŋma aahã mi, ni akɛ nibii ni ahe tsetsee miishãshãa afɔle miihã mi, ejaakɛ migbɛi ehehe yɛ jeŋ majimaji lɛ anɔ.

Mateo 21:43

No hewɔ lɛ, miikɛɛ nyɛ akɛ abaashɔ̃ Nyɔŋmɔ Maŋtsɛyeli lɛ yɛ nyɛdɛŋ, ni akɛaahã jeŋmaŋ ko ni woɔ yibii. [

Mateo 5:41

Ni kɛji mɔ ko aaanyɛ onɔ akɛ okɛ lɛ anyiɛ shitoo kome lɛ, okɛ lɛ aya enyɔ.

Luka 14:22

Ni tsulɔ lɛ kɛɛ, ‘Nuŋtsɔ, afee bɔ ni okɛɛ lɛ, shi kɛ̃lɛ gbɛ yɛ lolo.’

Luka 14:24

Ejaakɛ miikɛɛ nyɛ akɛ, kɛ mɛi ni akpee lɛ ateŋ mɔ ko sa miniyenii lɛ anaa fii!’ ”

Luka 24:29

Ni amɛnyɛ enɔ amɛkɛɛ, “Okɛ wɔ ahi shi, ejaakɛ je miina ni eshɛ hiɛbulɛ etã.” Ni etee mli ni ekɛ amɛ yahi shi.

Bɔfoi 16:15

Ni be ni abaptisi lɛ kɛ ewe lɛ, ekpa wɔ fai akɛ, “Kɛji nyɛbu mi akɛ mihe Nuŋtsɔ lɛ miye anɔkwale mli lɛ, no lɛ nyɛbaa miwe lɛ, ni nyɛbahia jɛi.” Ni ehiɛ wɔ aahu, ni wɔkpɛ̃lɛ.

Bɔfoi 18:6

Shi akɛni amɛkuɔ enaa ni amɛwieɔ musubɔɔ wiemɔi hewɔ lɛ, ekpala ehe eshwie amɛnɔ ni ekɛɛ amɛ akɛ, “Nyɛlá abua nyɛyiteŋ; mi lɛ sɔ̃ ko wulaaa mi. Kɛjɛ be nɛ nɔ kɛyaa nɛɛ, matee jeŋmajiaŋbii lɛ aŋɔɔ.”

Bɔfoi 28:28

“No hewɔ lɛ, nyɛnaa nyɛlea akɛ, atsu akɛ Nyɔŋmɔ yiwalaheremɔ lɛ eyahã jeŋmaji lɛ, ni amɛ lɛ amɛaabo toi hu.” [

Bɔfoi 9:15

Shi Nuŋtsɔ lɛ kɛɛ lɛ akɛ, “Yaa, ejaakɛ mɔ nɛ ji midɛŋ dade ni mihala mihã mihe koni ehiɛ migbɛi lɛ kɛya jeŋmaji lɛ kɛ maŋtsɛmɛi kɛ Israelbii lɛ hu ahiɛ.

Romabii 10:18

Shi miibi akɛ, “Aso nu amɛnuuu?” Anɔkwale mli lɛ amɛnu, tamɔ bɔ ni ŋmalɛ lɛ kɛɔ akɛ, “Amɛgbee ejije kɛtee shikpɔŋ muu lɛ fɛɛ nɔ. Ni amɛwiemɔi lɛ eshɛ jeŋ naagbeehei lɛ.”

2 Korintobii 5:11

No hewɔ lɛ, akɛni wɔle Nuŋtsɔ lɛ he ni yɔɔ gbeyei lɛ, wɔwieɔ wɔtsɔ̃ɔ gbɔmɛi; shi wɔ lɛ wɔyɛ faŋŋ yɛ Nyɔŋmɔ hiɛ; ni mihiɛ kã nɔ akɛ wɔyɛ faŋŋ yɛ nyɛhenilee mli hu.

2 Korintobii 5:20

No hewɔ lɛ, wɔji bɔfoi yɛ Kristo najiaŋ, tamɔ akɛ Nyɔŋmɔ etsɔ̃ wɔnɔ eewie eetsɔ̃ɔ mɛi: wɔdamɔ Kristo najiaŋ wɔmiikpa nyɛ fai akɛ, nyɛhãa akpãtã nyɛ kɛ Nyɔŋmɔ teŋ!

2 Korintobii 6:1

Shi akɛni Nyɔŋmɔ hefatalɔi ji wɔ yɛ enitsumɔ lɛ mli lɛ, wɔmiikpa nyɛ fai ni nyɛkahã Nyɔŋmɔ dromɔ ni nyɛnine eshɛ nɔ lɛ fee yaka.

Kolosebii 1:23

Shi esa ni nyɛhiɛ hemɔkɛyeli lɛ mli ni nyɛdamɔ shi shiŋŋ yɛ shishitoo lɛ nɔ, ni nyɛkatsi nyɛhe kɛjɛ Sanekpakpa lɛ hiɛnɔkãmɔ lɛ he, Sanekpakpa lɛ ni nyɛnu ni ashiɛɔ atsɔ̃ɔ bɔɔnii fɛɛ ni yɔɔ ŋwɛi shishi, ni mi Paulo misɔ̃mɔɔ yɛ he lɛ.

Kolosebii 1:28

Lɛ ehe sane wɔjajeɔ, ni wɔwoɔ gbɔmɔ fɛɛ gbɔmɔ ŋaa, ni wɔtsɔ̃ɔ gbɔmɔ fɛɛ gbɔmɔ nilee nɛɛ fɛɛ, koni wɔkɛ gbɔmɔ fɛɛ gbɔmɔ adamɔ shi akɛ mɔ ni eye emuu yɛ Kristo mli.

2 Timoteo 4:2

Shiɛmɔ wiemɔ lɛ, kã he, be ni hi jio, be ni ehiii jio, kã hiɛ, wo ŋaa, tsɔ̃ɔmɔ nii kɛ tsuishitoo fɛɛ.