Luka 14:21 - ŊMALƐ KRƆŊKRƆŊ LƐ

²¹ Ni tsulɔ lɛ ba ni ebagba enuŋtsɔ lɛ nii nɛɛ. Kɛkɛ ni shĩatsɛ lɛ mli fu, ni ekɛɛ etsulɔ lɛ akɛ, ‘Jee kpo mramra kɛya maŋ lɛ mli blohui lɛ kɛ fɔji lɛ amli, ni oyakpee ohiafoi kɛ kpajelɔi kɛ shwilafoi kɛ akpaketsɛmɛi kɛba biɛ!’

Ṅmãle̱ Kroṅkroṅ Le̱

²¹ Ni ne̱ke̱ tšũlo̱ ne̱ ba ni ebadšadše nii ne̱ fẽ etšõ enuṅtšo̱ le̱. Ke̱ke̱ ni šĩatše̱ le̱ mli fũ, ni ekē̱ tšũlo̱ le̱ ake̱: Dše kpo mrãmrã ke̱-ya mã le̱ṅ blohũi le̱ ke̱ fo̱dši le̱ amli, ni oyaṅõ ohĩafoi ke̱ kpadšelo̱i ke̱ ſilafoi ke̱ akpakei ke̱-ba bie̱.

Luka 14:21 ပူးပေါင်းရင်းမြစ်များ

Lalai 2:12

nyɛkɛ hekpokpomɔ akotoa lɛ; kɛjeee nakai lɛ emli baafu nyɛ oya, ni nyɛhiɛ aaakpãtã. Ajɔɔ mɛi fɛɛ ni baa lɛ abo lɛ.

Lalai 38:7

Ejaakɛ mihɛ mli miishã mi, ni mibɛ gbɔmɔtsoŋ hewalɛ.

Yesaia 33:23

Otaŋkpei lɛ amli egbɔjɔ, amɛnyɛɛɛ amɛhã shimaatso lɛ ama shi shiŋŋ; amɛnyɛɛɛ abalaa lɛ amɛshi. No hewɔ lɛ, nyɛshwiea amɛnɔ, nyɛhaa amɛnii; nyɛjaa nyɛhãa bɔ ni obubuafoi tete aaana amɛgbɛfaŋnɔ.

Yesaia 35:6

obubuafoi aaatumɔ tamɔ ofrote, ni mumuii baala kɛ nyamɔ; ejaakɛ nu aaatue, ni eeeho tamɔ faa yɛ shiaŋa lɛ mli.

Yeremia 5:1

Nyɛjoa foi kɛyaa kɛbaa yɛ Yerusalɛm gbɛjegbɛi lɛ anɔ, koni nyɛkadi nɔ ni nyɛbaana. Nyɛtaoa yɛ Yerusalɛm blohuiaŋ akɛ nyɛaana mɔ ko ni eyeɔ jalɛ sane ni taoɔ akɛ eye anɔkwa lo? Kɛji nyɛaana lɛ, no lɛ mikɛ Yerusalɛm he aaafa lɛ.

Zakaria 11:11

Hewɔ lɛ aku kpãŋmɔ lɛ mli nakai gbi lɛ nɔŋŋ. Ni too jarayelɔi lɛ ni kwɛɔ mi lɛ nu shishi akɛ Yehowa wiemɔ naanii ni.

Zakaria 11:7

“Hewɔ lɛ mitsɔ̃ toi ni abaagbe ahã tookwɛlɔi nɛɛ akwɛlɔ. Mikɔlɔ kplamɔtsei enyɔ. Miwo ekome gbɛi akɛ, ‘Dromɔ’ kɛ ekome hu akɛ, ‘Ekomefeemɔ!’ Nomɛi mikɛkpalaa tooku lɛ.

Mateo 11:28

“Nyɛbaa miŋɔɔ, nyɛ mɛi fɛɛ ni etɔ nyɛ ni nyɛjatsui fe nyɛ lɛ, ni mahã nyɛ hejɔɔmɔ.

Mateo 11:5

shwilafoi miina nii, ni obubuafoi miinyiɛ; kpitiyelɔi ahe miitse, ni toimulɔi miinu nii, gbohii miite shi, ni ohiafoi lɛ aajaje sane kpakpa lɛ aatsɔ̃ɔ amɛ.

Mateo 15:12

Kɛkɛ ni ekaselɔi lɛ ba eŋɔɔ amɛbakɛɛ lɛ akɛ, “Ole akɛ be ni Farisifoi lɛ nu nɛkɛ wiemɔi nɛɛ, ewo amɛ mlila waa?”

Mateo 18:31

Shi be ni enanemɛi tsuji lɛ na nɔ ni ba lɛ, edɔ amɛ tsɔ̃, ni amɛbagba amɛnuŋtsɔ lɛ fɛɛ.

Mateo 20:7

Amɛkɛɛ lɛ akɛ, ‘Akɛni mɔ ko ebɔko wɔ apaa lɛ hewɔŋ.’ Ekɛɛ amɛ akɛ, ‘Nyɛ hu nyɛyaa waintrom lɛ mli.’

Luka 14:13

Shi kɛ oŋmɛ okplɔ̃ lɛ, kpeemɔ ohiafoi kɛ kpajelɔi kɛ akpaketsɛmɛi kɛ shwilafoi moŋ,

Luka 14:20

Ni mɔ kroko hu kɛɛ, ‘Mikpee yoo, ni no hewɔ lɛ, minyɛŋ maba.’

Luka 14:22

Ni tsulɔ lɛ kɛɛ, ‘Nuŋtsɔ, afee bɔ ni okɛɛ lɛ, shi kɛ̃lɛ gbɛ yɛ lolo.’

Luka 14:24

Ejaakɛ miikɛɛ nyɛ akɛ, kɛ mɛi ni akpee lɛ ateŋ mɔ ko sa miniyenii lɛ anaa fii!’ ”

Luka 24:47

ni ashiɛ tsuitsakemɔ kɛ eshaifaa yɛ egbɛi lɛ mli atsɔ̃ɔ maji fɛɛ, ni abɔ̃i kɛjɛ Yerusalɛm.

Luka 9:10

Be ni bɔfoi lɛ ku amɛsɛɛ amɛba lɛ, amɛbagba Yesu nibii fɛɛ ni amɛfee lɛ. Ni ekɛ amɛ tee ŋa lɛ nɔ he ko banee yɛ maŋ ko ni atsɛɔ lɛ Betsaida lɛ masɛi.

Yohane 9:39

Ni Yesu kɛɛ, “Kojomɔ hewɔ miba je nɛɛŋ, koni mɛi ni enaaa nii lɛ ana nii, ni mɛi ni naa nii lɛ atsɔ̃mɔ shwilafoi.”

Hebribii 13:17

Nyɛboa nyɛtsɔ̃ɔlɔi lɛ atoi, ni nyɛbaa nyɛhe shi nyɛhãa amɛ; ejaakɛ amɛ amɛbuɔ nyɛsusumai lɛ ahe akɛ mɛi ni baabu he akɔntaa, koni amɛkɛ miishɛɛ afee nii nɛɛ, shi jeee kɛ ŋtsɔidɔɔmɔ; ejaakɛ no ehiii hãaa nyɛ.

Hebribii 2:3

te wɔ lɛ wɔbaafee tɛŋŋ wɔjo nyɔmɔwoo naa foi hu, kɛji wɔbuuu nɛkɛ yiwalaheremɔ kpeteŋkple nɛɛ lɛ? Nuŋtsɔ lɛ tsutsu wie he, ni mɛi ni nu lɛ hu ma nɔ mí amɛhã wɔ,

Yakobo 2:5

Minyɛmimɛi ni misumɔɔ, nyɛboa toi! Ani jeee je nɛɛ mli ohiafoi ni ji niiatsɛmɛi yɛ hemɔkɛyeli gbɛfaŋ lɛ Nyɔŋmɔ ehala, koni maŋtsɛyeli ni ewo mɛi ni sumɔɔ lɛ lɛ shi yɛ he lɛ atsɔ̃ amɛnɔ?

Kpojiemɔ 19:15

Ni tsi ni naa ba jɛɔ edaaŋ, koni ekɛ no atswia jeŋmajiaŋbii lɛ anii; ni ekɛ dadetso aaakpala amɛ. Ni eeenaanaa Nyɔŋmɔ Ofe lɛ mlifu ni naa wa lɛ wainŋaanɔ lɛ nɔ.

Kpojiemɔ 22:17

Ni Mumɔ lɛ kɛ Ayɛmforo lɛ kɛɔ akɛ, “Ba!” Ni mɔ ni nuɔ lɛ, ekɛɛ akɛ, “Ba!” Ni mɔ ni kumai yeɔ lɛ lɛ, eba, ni mɔ ni sumɔɔ lɛ, ebahe wala nu lɛ yaka.

1 Samuel 2:8

Eteɔ ohiafo shi kɛjɛɔ mlu mli, ni ewoɔ mɔ ni efi lɛ nɔ yɛ tumo nɔ, koni amɛ kɛ abladei atara shi, ni amɛna sɛii ni yɔɔ nyam anɔ amɛtara, ejaakɛ je lɛ shishitoo lɛ enɔ ni, ni lɛ etswa je lɛ ema nɔ.

1 Samuel 25:12

Kɛkɛ ni David oblahii lɛ tsɔ̃ amɛhe, ni amɛtee koni amɛyabɔ David amaniɛ.