Luka 14:13 - ŊMALƐ KRƆŊKRƆŊ LƐ

¹³ Shi kɛ oŋmɛ okplɔ̃ lɛ, kpeemɔ ohiafoi kɛ kpajelɔi kɛ akpaketsɛmɛi kɛ shwilafoi moŋ,

Ṅmãle̱ Kroṅkroṅ Le̱

¹³ Ši ké̱ oṅmẽ okplõ le̱, kpēmo̱ ohĩafoi ke̱ kpadšelo̱i ke̱ akpakei ke̱ ſilafoi moṅ, 5 Mose 14,29.

Luka 14:13 ပူးပေါင်းရင်းမြစ်များ

2 Samuel 6:19

ni eja maŋ lɛ fɛɛ, ni ji Israel asafo muu lɛ mli hii kɛ yei fɛɛ, niyenii. Ehã mɔ fɛɛ mɔ aboloo akwaabɔ kome kɛ loo kukuli kome kɛ wainyibii ni aka ni egbi akwaabɔ kome. Ni no sɛɛ lɛ maŋ lɛ fɛɛ gbɛ mli, ni mɔ fɛɛ mɔ tee ewe.

2 Kronika 30:24

Ejaakɛ Yuda Maŋtsɛ Hezekia hã maŋbii lɛ tsinahii akpe kɛ toi hu akpei kpawo koni amɛkɛshã afɔle, ni maŋ onukpai lɛ hu hã tsinahii akpe kɛ toi hu akpei nyɔŋma. Osɔfoi lɛ hu babaoo tsuu amɛhe, ni amɛfee amɛhe krɔŋkrɔŋ.

Nehemia 8:10

Ezra kɛɛ amɛ akɛ, “Nyɛyaa ni nyɛyayea nii ni hi naakpa, ni nyɛnua wain ni ŋɔɔ dɔkɔdɔkɔ. Ni nyɛkɛ eko amajea mɛi ni afeko nɔ ko atoko amɛ lɛ, ejaakɛ ŋmɛnɛ gbi nɛɛ lɛ gbi krɔŋkrɔŋ ni hã wɔNuŋtsɔ lɛ. No hewɔ hu lɛ nyɛwerɛ akahoa nyɛhe, ejaakɛ Yehowa he nyamɔ lɛ ji nɔ ni baawo nyɛ hewalɛ.”

Nehemia 8:12

No hewɔ lɛ, maŋ muu lɛ fɛɛ yiŋ amɛtee, ni amɛyaye nii, ni amɛnu nɔ ko. Amɛkɛ eko maje, ni amɛna miishɛɛ babaoo; ejaakɛ wiemɔi ni akane atsɔ̃ɔ amɛ lɛ, amɛnu shishi faŋŋ.

Hiob 29:13

Mɔ ni hiɛ heɔ akpãtã lɛ jɔɔmɔ baninaa mi, ni mihãa okulafo tsui nyɔɔ emli kɛ nyamɔ.

Abe̱i 14:31

Mɔ ni waa ohiafo yi lɛ, eebɔ Nyɔŋmɔ ahora; shi mɔ ni naa ohiafo mɔbɔ lɛ, eewo Nyɔŋmɔ hiɛ nyam.

Abe̱i 22:9

Mɔ ni mli jɔ lɛ aaajɔɔ lɛ, ejaakɛ ekɛ eniyenii lɛ eko kumaa ohiafo.

Yesaia 58:10

kɛji oha mɔ ni hɔmɔ yeɔ lɛ niyenii, ni oha mɔ ni ehĩa lɛ lɛ nɔ ni etaoɔ lɛ, no dani ola lɛ aaakpɛ yɛ duŋ lɛ mli, ni oduŋ kpii lɛ aaatsɔ̃ tamɔ shwane.

Yesaia 58:7

Ani jeee no ji akɛ okɛ oboloo akuma mɔ ni hɔmɔ yeɔ lɛ, ni oŋɔ ohiafoi ni bɛ shihilɛhe lɛ kɛba owe lɛ, ni kɛji ona mɔ ko ni nyiɛ yayai lɛ ohã lɛ mama, ni okɛ ohe akatee bo diɛŋtsɛ ohe gbɔmɔ.

Mateo 15:30

Ni asafoi pii ba eŋɔɔ; amɛhiɛ akpaketsɛmɛi kɛ obubuafoi kɛ shwilafoi kɛ mumuii kɛ mɛi krokomɛi pii, ni amɛkɛ amɛ bashwie enaji anaa; ni etsa amɛ.

Mateo 22:10

Ni tsuji lɛ je kpo tee gbɛi lɛ anɔ, ni amɛyabua mɛi fɛɛ ni amɛna lɛ anaa, mɛi fɔ̃ji kɛ mɛi kpakpai, ni yookpeemɔ he lɛ yi tɔ kɛ mɛi.

Luka 11:41

Moŋ nyɛŋɔa nibii ni yɔɔ mli lɛ nyɛfea ejurɔ, ni nibii fɛɛ he aaatse ahã nyɛ.

Luka 14:12

Shi ekɛɛ mɔ ni kpee lɛ lɛ hu akɛ, “Kɛ oŋmɛ shwane loo gbɛkɛ okplɔ̃ lɛ, kaatsɛ oshieŋtsɛmɛi loo onyɛmimɛi loo owekumɛi loo okutsoŋ niiatsɛmɛi ni aleenɔ amɛ hu amɛkpee bo eko amɛto najiaŋ.

Luka 14:14

ni aaajɔɔ bo, akɛni amɛ lɛ amɛbɛ nɔ ko ni amɛkɛaato bo najiaŋ lɛ; ejaakɛ aaato bo najiaŋ yɛ jalɔi ashitee lɛ mli.”

Luka 14:21

Ni tsulɔ lɛ ba ni ebagba enuŋtsɔ lɛ nii nɛɛ. Kɛkɛ ni shĩatsɛ lɛ mli fu, ni ekɛɛ etsulɔ lɛ akɛ, ‘Jee kpo mramra kɛya maŋ lɛ mli blohui lɛ kɛ fɔji lɛ amli, ni oyakpee ohiafoi kɛ kpajelɔi kɛ shwilafoi kɛ akpaketsɛmɛi kɛba biɛ!’

Bɔfoi 9:39

Ni Petro te shi ni ekɛ amɛ tee. Ni be ni eshɛ jɛi lɛ, amɛkɛ lɛ tee ŋwɛitsu lɛ mli, ni yei okulafoi lɛ fɛɛ badamɔdamɔɔ emasɛi amɛmiifofoi, ni amɛkɛ flakai kɛ atadei ni Dorka fee be ni ekɛ amɛ yɔɔ lolo lɛ miitsɔ̃ɔ lɛ.

5 Mose 14:29

Nyɛkɛ niyenii nɛɛ eko ahãa Levibii lɛ ni ahãaa amɛ amɛgbɛfaŋnɔ ko lɛ, kɛ gbɔi kɛ awusai kɛ okulafoi hu ni yɔɔ nyɛmaji lɛ amli lɛ koni amɛna nii amɛye ni amɛtɔrɔ; ni Yehowa, nyɛNyɔŋmɔ lɛ, aaajɔɔ nyɛninenaa nitsumɔi fɛɛ.”

5 Mose 16:11

Nyɛmii ashɛa nyɛhe yɛ Yehowa, nyɛNyɔŋmɔ lɛ hiɛ, nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii ni yɔɔ nyɛmaji lɛ amli kɛ maŋsɛɛ gbɔi kɛ awusãi kɛ okulafoi hu ni yɔɔ nyɛteŋ lɛ. Nyɛyea gbijurɔ nɛɛ yɛ he ni Yehowa, nyɛNyɔŋmɔ lɛ, eŋɔ akɛ jɛi aja lɛ yɛ lɛ.

5 Mose 16:14

Nyɛyea gbijurɔ nɛɛ kɛ miishɛɛ, nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii kɛ maŋsɛɛ gbɔi kɛ awusãi kɛ okulafoi hu ni yɔɔ nyɛmaji lɛ amli lɛ.

1 Timoteo 3:2

Shi esa akɛ nɔkwɛlɔ lɛ afee mɔ ni anaŋ ehe sane ko atã, mɔ ni yɔɔ ŋa kome, hiɛshikãlɔ, mɔ ni jwɛŋmɔ mli tse, mɔ ni baa ejeŋ jogbaŋŋ, gbɔfeelɔ, mɔ ni le nitsɔɔmɔ,

1 Timoteo 5:10

ni ayeɔ enitsumɔi kpakpai ahe odase, no ji: kɛ elɛ bii, kɛ efee mɛi agbɔ, kɛ efɔ mɛi krɔŋkrɔŋi anaji ahe, kɛ eye ebua mɛi ni naa amanehulu lɛ, kɛ edi nitsumɔ kpakpa fɛɛ nitsumɔ kpakpa sɛɛ lɛ.

Tito 1:8

Shi moŋ efee ehe gbɔfeelɔ, mɔ ni sumɔɔ ekpakpa, nilelɔ, jalɔ, mɔ ni he tse, mɔ ni yeɔ ehe nɔ.

Filemon 1:7

Ejaakɛ mina miishɛɛ pii kɛ ekãa yɛ osuɔmɔ lɛ hewɔ, anyɛmi, akɛni ohã mɛi krɔŋkrɔŋi lɛ atsui enyɔ amɛmli lɛ.

Hebribii 13:2

Gbɔfeemɔ hu, nyɛhiɛ akakpaa nɔ; ejaakɛ no nɔ mɛi komɛi tsɔ̃ fee ŋwɛi bɔfoi agbɔ ni amɛleee.