Luka 14:11 - ŊMALƐ KRƆŊKRƆŊ LƐ

¹¹ Ejaakɛ mɔ fɛɛ mɔ ni woɔ ehe nɔ lɛ, aaaba lɛ shi, ni mɔ ni baa ehe shi lɛ, aaawo enɔ.”

Ṅmãle̱ Kroṅkroṅ Le̱

¹¹ Edšake̱ mofẽmo ní wóo̱ ehe no̱ le̱, aabale̱ ši, ni moni baä ehe ši le̱, aawó eno̱. 18,14. Mat. 23,12.

Luka 14:11 ပူးပေါင်းရင်းမြစ်များ

2 Samuel 22:28

Ohereɔ humii ayiwala, shi henɔwolɔi lɛ obaa amɛ shi.

Ester 6:10

Kɛkɛ ni maŋtsɛ lɛ kɛɛ Haman akɛ, “Ohe afee oya, koni oŋɔ atade kɛ okpɔŋɔ lɛ, ni oyafee bɔ ni okɛɛ lɛ pɛpɛɛpɛ ohã Mɔdekai, Yudanyo lɛ, ni taa maŋtsɛ koi lɛ shi lɛ. Okashi nɔ ko ni otsɔ̃ɔ akɛ afee lɛ ekoeko.”

Hiob 22:29

Ejaakɛ Nyɔŋmɔ baa mɔ ni woɔ ehe nɔ shi, ni heshibalɔ lɛ, ehereɔ eyiwala.

Lalai 138:6

Yehowa yɛ ŋwɛi shɔŋŋ moŋ nɛ, shi kɛ̃lɛ ehiɛ kã humi he; shi hewolɔ nyɛɛɛ ehe etee yɛ Yehowa hiɛ.

Lalai 18:27

Mɛi ni baa amɛhe shi lɛ, ohereɔ amɛ; shi hiŋmɛii ni woɔ amɛhe nɔ lɛ, obaa amɛ shi.

Abe̱i 15:33

Yehowa gbeyeishemɔ ji tsɔsemɔ ni hãa mɔ leɔ nii; ni anunyam yɔɔ nɛɛ heshibaa nyiɛɔ ehiɛ.

Abe̱i 18:12

Henɔwomɔ tsɔ̃ɔ hiɛkpãtãmɔ hiɛ; shi heshibaa tsɔ̃ɔ hiɛnyam hiɛ.

Abe̱i 25:27

Woyeli tsɔ̃ ehiii, hiɛtaomɔ tsɔ̃ hu ehiii.

Abe̱i 29:23

Gbɔmɔ hewoo nɔŋŋ aaaba lɛ shi; shi mɔ ni baa ehe shi yɛ mumɔ mli lɛ, aaawo ehiɛ nyam.

Yesaia 2:11

Gbi ko miiba, ni nakai gbi lɛ nɔ lɛ, aaaba gbɔmɔ adesa hewoo kɛ henɔwomɔ fɛɛ shi, ni gbi lɛ Yehowa koome pɛ hiɛ baaba nyam, ni aaawo enɔ.

Yesaia 2:17

Gbi lɛ abaaba gbɔmɔ adesa hetsɔ̃ɔmɔ kɛ ntɛŋfeemɔ fɛɛ shi, ni Yehowa koometoo pɛ nɔ abaawo gojoo,

Yesaia 57:15

“Ejaakɛ bɔ ni Mɔ Koome ni yɔɔ ŋwɛi flooflo, naanɔ Mɔ ni gbɛi ji Krɔŋkrɔŋ lɛ kɛɛ nɛ, ‘Ŋwɛi shɔŋŋ kɛ He krɔŋkrɔŋ lɛ mihiɔ; asaŋ mikɛ mɔ ni tswiaa shi kɛ dɔlɛ ni ebaa ehe shi yɛ mumɔ mli lɛ hiɔ shi,’ koni maha heshibalɔi amumɔ ana wala hee, ni mɛi ni tswiaa shi kɛ dɔlɛ lɛ atsuii ana wala hee.’

Mateo 23:12

Mɔ fɛɛ mɔ ni aaawo ehe nɔ lɛ, aaaba lɛ shi; ni mɔ fɛɛ mɔ ni aaaba ehe shi lɛ, aaawo enɔ.

Luka 1:51

Ekɛ enine etsu hewalɛ nitsumɔi; mɛi ni woɔ amɛhe yɛ amɛtsuiŋ jwɛŋmɔ mli lɛ egbɛ amɛ eshwã.

Luka 1:52

Ekpa ojei kɛjɛ amɛsɛ̃ii anɔ, ni ewo mɛi ni ji humii lɛ anɔ.

Luka 14:12

Shi ekɛɛ mɔ ni kpee lɛ lɛ hu akɛ, “Kɛ oŋmɛ shwane loo gbɛkɛ okplɔ̃ lɛ, kaatsɛ oshieŋtsɛmɛi loo onyɛmimɛi loo owekumɛi loo okutsoŋ niiatsɛmɛi ni aleenɔ amɛ hu amɛkpee bo eko amɛto najiaŋ.

Luka 18:14

Miikɛɛ nyɛ akɛ, nɛkɛ nuu nɛɛ yiŋ etee ewe ni abu lɛ bem fe mɔ kome lɛ. Ejaakɛ mɔ fɛɛ mɔ ni woɔ ehe nɔ lɛ aaaba lɛ shi, shi mɔ ni baa ehe shi lɛ, aaawo enɔ.”

Yakobo 1:9

Nyɛmi ni ji humi lɛ ashwã yɛ enɔwomɔ lɛ mli,

Yakobo 4:10

Nyɛbaa nyɛhe shi yɛ Nuŋtsɔ lɛ hiɛ, ni eeewo nyɛnɔ.

Yakobo 4:6

“Shi Nyɔŋmɔ lɛ, ekuɔ hewolɔi anaa, shi eduroɔ heshibalɔi.”

1 Petro 5:5

Nakai nɔŋŋ nyɛ oblahii kɛ oblayei, nyɛbaa nyɛhe shi nyɛhãa onukpai lɛ. Ni nyɛ fɛɛ nyɛbabaa nyɛhe shi nyɛhãa nyɛhe ni nyɛkɛ heshibaa afee mama nyɛŋmɔa nyɛhɛ, ejaakɛ ŋmalɛ lɛ kɛɛ, “Nyɔŋmɔ kuɔ hewolɔi anaa, shi eduroɔ heshibalɔi.”

1 Petro 5:6

Hewɔ lɛ nyɛbaa nyɛhe shi yɛ Nyɔŋmɔ nine ni wa lɛ shishi, koni ewo nyɛnɔ yɛ be ni sa mli.

1 Samuel 15:17

Kɛkɛ ni Samuel kɛɛ lɛ akɛ, “Bo lɛ onaa ohe akɛ mɔ folo ko kɛkɛ; shi ani jeee bo ji Israel akutsei lɛ fɛɛ atsɛ? Yehowa fɔ bo mu kɛwo bo Israel maŋtsɛ,