Luka 13:34 - ŊMALƐ KRƆŊKRƆŊ LƐ

³⁴ Yerusalɛm, Yerusalɛm, bo mɔ ni ogbeɔ gbalɔi lɛ ni otswiaa mɛi ni atsuɔ amɛ oŋɔɔ lɛ atɛi, shii enyiɛ mitao akɛ mibuaa obii anaa, tamɔ bɔ ni wuɔ buaa ebii anaa ewoɔ efiji ashishi lɛ, ni nyɛkpɛlɛ̃ɛɛ!

Ṅmãle̱ Kroṅkroṅ Le̱

³⁴ Ierusalem, Ierusalem, bo moni ogbeo̱ gbaloi le̱ ní otfiaä mei ní atšũo̱ame̱ oṅõ le̱ ate̱i, šii enyie mitao ake̱ mibuaä obii le̱ anā, take̱ bo̱ni wuo̱ buaä ebii anã ewoo̱ efĩdši ašiši le̱, ni nyekplẽẽ!

Luka 13:34 ပူးပေါင်းရင်းမြစ်များ

Nehemia 9:26

“Shi enɛ moŋ sɛɛ lɛ amɛtoi gbo, ni amɛtse ohiɛ atua; amɛkɛ mla lɛ efeee nɔ ko nɔ ko; amɛgbe gbalɔi lɛ ni bɔ amɛ kɔkɔ lɛ, koni amɛkɛkpale amɛ kɛba oŋɔɔ; ni amɛfee musubɔɔ nibii wuji amɛshi bo.

Nehemia 9:30

Kɛ̃lɛ oto otsui shi ohã amɛ afii pii; okɛ omumɔ lɛ wo gbalɔi lɛ amli, ni otsɔ̃ amɛnɔ obɔ obii lɛ kɔkɔ; shi amɛbooo toi; No hewɔ lɛ, ohã shikpɔji lɛ anɔ bii lɛ ye amɛnɔ.

Lalai 149:2

Hã Israel anya ebɔlɔ lɛ he, ni Zion bihii lɛ amli afili amɛ yɛ emaŋtsɛ lɛ hewɔ.

Lalai 17:8

Baamɔ miyi tamɔ abaa hiŋmɛi mli ajaŋmalaatɛ yi. Okɛ mi atee ofiji ashishi hɔɔŋ lɛ mli.

Lalai 36:7

Oo Yehowa, osuɔmɔ ni tsakeee lɛ jara wa naakpa, ni gbɔmɛi abii baa abo yɛ ofiji ashishi hɔ̃ɔŋ lɛŋ.

Lalai 57:1

Naa mi mɔbɔ! Oo Nyɔŋmɔ, naa mi mɔbɔ, ejaakɛ bo abo misusuma baa nɛɛ. Ofiji ashishi hɔ̃ɔŋ lɛ mli maba abo yɛ kɛyaashi hiɛkpãtãmɔ ahum lɛ aaaho.

Lalai 81:13

Mina ni mimaŋ lɛ bo mi toi, ni Israel ba ejeŋ bɔ ni, mi, mitaoɔ.

Lalai 91:4

Ekɛ etsɛji aaaha onɔ, ni ooona abobaahe yɛ efiji ashishi. Enɔkwayeli lɛ, tsɛŋ kɛ dama ni.

Yesaia 30:15

Bɔ ni Nuŋtsɔ Nyɔŋmɔ, Israel Mɔ Krɔŋkrɔŋ lɛ, kɛɔ nɛ, “Sɛɛkuu kɛbaa kɛ diŋŋfeemɔ mli nyɛyi aaana wala yɛ; kpoofeemɔ kɛ hiɛnɔkãmɔ mli nyɛhewalɛ yɔɔ. Shi moŋ nyɛkwa,

Yesaia 50:2

“Mɛɛba miba, ni mɔ ko mɔ ko bɛ? Mɛɛba mibo mitsɛ, ni mɔ ko mɔ ko hereee mi nɔ lɛ? Ani minine efo kuku bɔ ni minyɛɛɛ mɔ yiwala mahere? Aloo mibɛ hewalɛ ni mikɛaakpɔ̃ mɔ? Naa, mifãa, ni ŋshɔ miiɔ. Mihãa fai gbiɔ ni amɛtsɔmɔɔ tamɔ shiaŋa, ni amɛmli loi gboiɔ ni amɛshaa, ejaakɛ amɛnaaa nu.

Yeremia 2:30

Yakatswaa po ni mitswia nyɛbii lɛ anii lɛ ejaakɛ no tsakeee amɛ. Nyɛ diɛŋtsɛ nyɛdɛŋ klante ni gbegbee nyɛgbalɔi lɛ tamɔ jata kakawua ni kpãtãa nii ahiɛ.

Yeremia 26:23

Gbɔmɛi nɛɛ tee ni amɛyamɔ Uria yɛ Ijipt kɛba amɛbahã Maŋtsɛ Yehoiakim, ni maŋtsɛ lɛ hã akɛ klante gbe Uria, ni ashɛ egbonyo lɛ afɔ̃ mɛi foji agbonyobu lɛ mli.

Yeremia 35:14

Kitã ni Rekab bi Yonadab, wo eshwiei akɛ amɛkanu wain lɛ, amɛye nɔ, ni amɛnuuu wain kɛ ŋmɛnɛ, ejaakɛ amɛye amɛtsɛ kitã lɛ nɔ. Mitee nɔ mikɛ nyɛ ewie shii abɔ, shi nyɛbooo mi toi.

Yeremia 35:17

No hewɔ lɛ, naa, mi Yehowa, Nyɔŋmɔ Taiatsɛ, ni ji Israel Nyɔŋmɔ lɛ, mibahã saji fɔ̃ji fɛɛ ni mito miyiŋ akɛ mahã aye Yuda kɛ Yerusalɛmbii fɛɛ lɛ aba amɛ amɛnɔ, ejaakɛ miwie mitsɔ̃ɔ amɛ, ni amɛbooo mi toi, ni mitsɛ amɛ, ni amɛhereee mi nɔ.’ ”

Yeremia 6:16

Kɛkɛ ni Yehowa kɛɛ akɛ, “Nyɛyadamɔa gbɛjegbɛi lɛ ahe, ni nyɛkwɛ. Nyɛbia he ni blema gbɛi ni ja lɛ ateŋ nɔ ni ji gbɛ kpakpa lɛ yɔɔ koni nyɛnyiɛ no nɔ, ni nyɛsusumai atsuii aaanyɔ amɛmli.” Shi hetoo ni amɛhã ji, “Wɔnyiɛŋ nɔ!”

Yāfó 1:16

“Enɛɛmɛi ahewɔ mifoɔ, ni yaafonu tsereɔ yɛ mihiŋmɛii amli shwieɔ shi lɛ; ejaakɛ miishɛjelɔ ni aaawo mi ekãa ekoŋŋ lɛ, ekɛ mi teŋ ejɛkɛ. Mibii lɛ efee pasaa ejaakɛ henyɛlɔ lɛ eye amɛnɔ.

Yāfó 4:13

Shi eba mli, ejaakɛ Yerusalɛm gbalɔi lɛ fee esha, ni esɔfoi lɛ fee nɔ fɔŋ; amɛshwie jalɔi ala shi yɛ maŋ lɛ mli.

Hosea 11:2

Shi shii abɔ ni mitsɛɔ lɛ lɛ, shii abɔ ni eyaa sɛɛsɛɛ moŋ eshiɔ mi ji no; ni amɛyaa nɔ amɛshãa afɔlei amɛhãa Baal, ni amɛshãa tsofakɛŋma amɛhãa amãgãi.

Hosea 11:7

Beiaŋ ni mimɛi lɛ ekã akɛ shimɔ nɔŋŋ kɛ̃ amɛaashi mi lɛ, kɛ̃ɛmɔ nɔŋŋ kɛ̃ amɛaakɛ̃mɔ yɛ amɛkɔŋtso ni kã amɛkuɛ lɛ hewɔ, shi mɔ ko woŋ yɛ amɛnɔ.

Yoel 2:23

“Nyɛ Zionbii, nyɛmli afilia nyɛ yɛ nɔ ni nyɛNyɔŋmɔ lɛ efee ehã nyɛ lɛ hewɔ. Ehã nu enɛ ehã nyɛ bɔ ni sa, ehã Gbo kɛ Agbiɛnaa enɛ ehã nyɛ tamɔ efeɔ daa lɛ.

Zakaria 1:4

Nyɛkafea nyɛnii tamɔ bɔ ni nyɛtsɛmɛi lɛ fee lɛ; mɛi ni tsutsu gbalɔi lɛ shiɛ tsɔ̃ɔ akɛ amɛje amɛgbɛi fɔ̃ji lɛ anɔ kɛ amɛnifeemɔ nii gbohii lɛ ahe lɛ. Ni amɛbooo toi, shi moŋ amɛkwa mi.

Mateo 22:3

Ni etsu etsuji akɛ amɛyatsɛ mɛi ni akpee lɛ kɛba yookpeemɔ lɛ, shi mɛi lɛ emiii baa.

Mateo 22:6

Ni mɛi ni shwɛ lɛ mɔ̃mɔ etsuji lɛ, ni amɛfee amɛ niseniianii, ni amɛgbe amɛ.

Luka 15:28

Ni bi nukpa lɛ mli fu, ni ekpɛlɛ̃ɛɛ shĩa lɛ yaa. No hewɔ lɛ, etsɛ je kpo ni ebakpa lɛ fai.

Luka 19:44

ni amɛaaŋɔ bo amɛtswa shi kɛ obii ni yɔɔ omli lɛ, ni amɛshiŋ tɛ kome yɛ ekroko nɔ yɛ omli, ejaakɛ oyooo oduromɔ saramɔbe lɛ!”

Luka 23:28

Shi Yesu tsɔ̃ ehe ehã amɛ ni ekɛɛ, “Yerusalɛm biyei, nyɛkafoa yɛ mihewɔ; shi moŋ nyɛfoa yɛ nyɛ diɛŋtsɛ kɛ nyɛbii ahewɔ.

Bɔfoi 7:52

Gbalɔi lɛ ateŋ namɔ ni nyɛtsɛmɛi lɛ waaa lɛ yi? Amɛgbe mɛi ni gba yɛ jalɔ lɛ baa lɛ he amɛto lɛ. Ni agbɛnɛ nyɛ nyɛtsɔ̃ɔ esɛɛgbɛ ni nyɛgbe lɛ,

Bɔfoi 7:59

Ni be ni amɛtswiaa Stefano tɛi lɛ, ebo etsɛ Yesu ni ekɛɛ, “Nuŋtsɔ Yesu, heremɔ mimumɔ lɛ!”

Bɔfoi 8:1

Shi gbe ni agbe Stefano lɛ ŋɔɔ Saul hu naa. Ni nakai gbi lɛ nɔ nɔŋŋ lɛ yiwaa kpele te shi wo asafo ni yɔɔ Yerusalɛm lɛ; ni amɛ fɛɛ amɛgbɛ amɛshwã Yudea kɛ Samaria shikpɔŋ lɛ nɔ; bɔfoi lɛ kɛkɛ shwɛ.

5 Mose 32:29

Eji amɛle nii kulɛ amɛaanu nɔ ni ba lɛ shishi, ni amɛaayoo bɔ ni amɛnaagbee mli aaabatamɔ.

5 Mose 5:29

Mina ni kulɛ amɛyɛ nɛkɛ jwɛŋmɔ daa koni amɛkɛye mikitãi lɛ fɛɛ nɔ, bɔ ni afee ni ehi ehã amɛ kɛ amɛshwiei kɛya naanɔ.

Kpojiemɔ 11:8

ni amɛgbohii lɛ aaajwere maŋ kpeteŋkple lɛ blohu lɛ mli, maŋ ni atsɛɔ lɛ yɛ mumɔ mli akɛ Sodom kɛ Ijipt lɛ, he ni asɛŋ amɛNuŋtsɔ lɛ yɛ lɛ.

Rut Wolo Lɛ 2:12

Yehowa ato bo nii ni otsu lɛ najiaŋ. Yehowa, Israel Nyɔŋmɔ lɛ, mɔ abo ni obaba nɛɛ ato bo najiaŋ shishiishi.”