Luka 13:33 - ŊMALƐ KRƆŊKRƆŊ LƐ

³³ Shi kɛ̃lɛ ja minyiɛ ŋmɛnɛ kɛ wɔ kɛ wɔsɛɛ, ejaakɛ ebaŋ mli akɛ aaagbe gbalɔ ko yɛ he ko akɛ ja Yerusalɛm.

Ṅmãle̱ Kroṅkroṅ Le̱

³³ Ši kẽle̱ dša minyie ṅme̱ne̱ ke̱ wó̱ ke̱ wó̱se̱, edšake̱ ebaṅ mli ake̱ aagbe gbalo̱ ko ye̱ heko ake̱ dša Ierusalem.

Luka 13:33 ပူးပေါင်းရင်းမြစ်များ

Mateo 20:18

“Naa, wɔmiiya Yerusalɛm, ni akɛ Gbɔmɔ Bi lɛ aaawo osɔfonukpai kɛ mlatsɔɔlɔi lɛ adɛŋ, ni amɛaabu lɛ gbele fɔ.

Mateo 21:11

Shi asafoi lɛ kɛɛ, “Mɔ nɛ ji Yesu, gbalɔ lɛ ni jɛ Nazaret yɛ Galilea lɛ.”

Luka 9:53

Shi amɛhereee lɛ, ejaakɛ eeya Yerusalɛm.

Yohane 11:54

No hewɔ lɛ, Yesu ejieee ehe kpo faŋŋ kɛnyiɛɛɛ yɛ Yudafoi lɛ ateŋ dɔŋŋ, shi eje jɛi etee shikpɔŋ ko ni kã ŋa lɛ naa lɛ nɔ, yɛ maŋ ko ni atsɛɔ lɛ Efraim lɛ mli, ni ekɛ ekaselɔi lɛ yahi jɛi.

Yohane 11:9

Yesu here nɔ akɛ, “Ani jeee ŋmɛlɛtswai nyɔŋma kɛ enyɔ yɔɔ gbi kome mli? Kɛji mɔ nyiɛ shwane lɛ, etɛɛɛ, ejaakɛ enaa je nɛɛ mli la lɛ.

Yohane 12:35

Kɛkɛ lɛ Yesu kɛɛ amɛ akɛ, “Be kukuoo kɛkɛ eshwɛ ehã la lɛ yɛ nyɛteŋ. Gbii abɔ ni nyɛyɔɔ la lɛ nɛɛ, nyɛnyiɛa koni duŋ akabanina nyɛ; shi mɔ ni nyiɛɔ duŋ mli lɛ, eleee he ni eyaa.

Yohane 4:34

Yesu kɛɛ amɛ akɛ, “Miŋmaa ji akɛ mafee mɔ ni tsu mi lɛ suɔmɔnaanii, ni magbe enitsumɔ lɛ naa.

Yohane 9:4

Mi lɛ, ni je etsɛre nɛɛ, ja mitsu mɔ ni tsu mi lɛ nitsumɔi lɛ, je baana, be ni mɔ ko nyɛŋ nii atsu.

Bɔfoi 10:38

bɔ ni Nyɔŋmɔ kɛ Mumɔ Krɔŋkrɔŋ kɛ hewalɛ fɔ Yesu ni jɛ Nazaret lɛ mu, ni ekpaa shi efeɔ ekpakpa ni etsaa mɛi fɛɛ ni abonsam haoɔ amɛ lɛ, ejaakɛ Nyɔŋmɔ kɛ lɛ yɛ.

Bɔfoi 13:27

Ejaakɛ mɛi ni yɔɔ Yerusalɛm lɛ kɛ amɛmaŋ onukpai lɛ, akɛni amɛleee Yesu, ni asaŋ amɛnuuu gbalɔi lɛ awiemɔi ni akaneɔ hejɔɔmɔ gbi fɛɛ hejɔɔmɔ gbi nɔ lɛ ashishi hewɔ lɛ, amɛkɛ amɛfɔ ni amɛbu lɛ lɛ ehã gbalɔi lɛ awiemɔi lɛ eba mli.