Luka 13:19 - ŊMALƐ KRƆŊKRƆŊ LƐ

¹⁹ Etamɔ sinapi wu kuli ni nuu ko kɔ ni eyadu yɛ etrom mli, ni ekwɛ̃, ni efee tso kpele, ni ŋwɛi loofɔji ba bafee tsui yɛ eniji ateŋ.”

Ṅmãle̱ Kroṅkroṅ Le̱

¹⁹ Etamo̱ sinapiwú kuli ní nū ko ko̱ ni eyadũ ye̱ etrom mli, ni ekwẽ, ni efe tšo kple, ni ṅwei lofõdsi le̱ baä bafeo̱ tšũi ye̱ enidši ateṅ.

Luka 13:19 ပူးပေါင်းရင်းမြစ်များ

Salomo Lalai 4:12

Minyɛmi yoo, miyɛmfro lɛ, etamɔ trom ni aŋmɛ naa; etamɔ abɔɔ ni aŋmɛ naa; etamɔ nuhiŋmɛi ni tueɔ ni asɔo naa.

Salomo Lalai 4:16

Bo, kooyigbɛ kɔɔyɔɔ, ohiɛ atsɛ̃, ni bo wuoyigbɛ kɔɔyɔɔ, ba ni obatswa yɛ mitrom lɛ mli, koni anu emli ŋma gbalaŋŋ lɛ yɛ hei fɛɛ. Hã misuɔlɔ lɛ aba ebɔɔ lɛ mli ni ebaye etsei ayibii ni hi fe fɛɛ lɛ.

Salomo Lalai 6:2

Misuɔlɔ lɛ etee etrom lɛ mli, yɛ tsofakɛŋma akofii lɛ ahe, koni eyalɛ etooku lɛ yɛ jɛi, koni etserɛ oflɔ fɔfɔii hu.

Salomo Lalai 8:13

Ao, bo mɔ ni oyɔɔ abɔi lɛ amli, minanemɛi lɛ miibo ogbee toi. Hã mi hu manu ogbee lɛ.

Yesaia 53:1

Maŋbii lɛ to he akɛ, “Namɔ aaahe sane ni wɔnu lɛ eye? Ni namɔ Yehowa ejie ehewalɛ nine lɛ kpo etsɔɔ?

Yesaia 53:10

“Eji Yehowa yiŋtoo akɛ atswa lɛ nɔ, ni apila lɛ. Kɛji eŋɔ ehe eshã afɔle yɛ esha hewɔ lɛ, ebaana shwiei ni ewala sɛɛ aaatsɛ, ni kɛtsɔ̃ lɛ enɔ lɛ, nɔ ni sa Yehowa hiɛ lɛ aaashwere.

Yesaia 58:11

Ni Yehowa aaakpala bo daa, ni eeeha bo ohiamɔnii yɛ fimɔ be mli, ni eeeha bo hewalɛ, ni oootsɔ̃ tamɔ trom ni nu hoɔ yɛ mli, loo tamɔ nuhiŋmɛi ni nu kpaaa yɛ mli.

Yesaia 61:11

Ejaakɛ bɔ ni shikpɔŋ hãa nii kwɛ̃ɔ, ni trom hãa nii ni adu yɛ mli lɛ kwɛ̃ɔ lɛ, nakai Nuŋtsɔ Nyɔŋmɔ aaahã jalɛ kɛ yijiemɔ akwɛ̃ yɛ majimaji lɛ fɛɛ ahiɛ.

Yesaia 9:7

Emaŋtsɛyeli lɛ shweremɔ kɛ edɛŋ toiŋjɔlɛ lɛ, esɛɛ efoŋ yɛ David maŋtsɛ sɛi lɛ nɔ, kɛ emaŋtsɛyeli hei fɛɛ. Ekɛ jalɛ saneyeli kɛ nɔ ni ja feemɔ baahã emaŋtsɛyeli lɛ ama shi kɛya naanɔ. Yehowa, Taiatsɛ lɛ, kɛ hiɛdɔɔ baafee enɛ.

Yeremia 31:12

Amɛbaaba ni amɛbala waa kɛ nyamɔ yɛ Zion Gɔŋ lɛ nɔ; ni amɛmii baashɛ Yehowa mlihilɛ lɛ he, yɛ abele kɛ wain kɛ mu, kɛ toobii kɛ tsinai ahewɔ. Amɛshihilɛ baatsɔ̃ tamɔ abɔɔ ni ashwie emlinii nɔ nu, ni amɛtɔŋ biti dɔŋŋ.

Ezekiel 31:6

Ŋwɛi loofɔji fɛɛ fee amɛtsui yɛ eniji wuji lɛ ateŋ, ni ŋaŋ kooloi fɛɛ fɔ amɛbii yɛ eniji bibii ashishi; ni eshishi hɔɔŋ lɛ mli jeŋmaji wuji fɛɛ hi.

Daniel 4:12

Eyi bai yɛ fɛo, ni ewo yibii babaoo, ni mɛi fɛɛ naa eko amɛyeɔ. Ŋaŋ kooloi yabumɔɔ ehɔ̃ɔŋ lɛ mli, ni loofɔji hiɔ eniji lɛ anɔ; ni no gbɔmɛi adesai fɛɛ yeɔ.

Daniel 4:21

Eyi baa yɛ fɛo, ni ewo yibii babaoo, ni mɛi naa eko amɛyeɔ, ni ŋaŋ kooloi yabumɔɔ ehɔ̃ɔŋ lɛ mli, ni loofɔji hiɔ eniji lɛ anɔ.

Zakaria 2:11

Nakai gbi lɛ nɔ lɛ, maji babaoo kɛ amɛhe aaahã Yehowa ni amɛaatsɔ̃ mimɛi, ni mahi amɛteŋ. No nyɛkɛaale akɛ Yehowa Taiatsɛ lɛ ni tsu mi nyɛŋɔɔ lɛ.

Mateo 17:20

Shi ekɛɛ amɛ akɛ, “Nyɛhemɔkɛyeli ni faaa lɛ hewɔŋ. Ejaakɛ anɔkwale mikɛɔ nyɛ akɛ kɛji nyɛyɛ hemɔkɛyeli ni tamɔ sinapi wu lɛ, nyɛaakɛɛ gɔŋ nɛɛ akɛ, ‘Fãa yɛ biɛ kɛya jɛi!’ Ni eeefã; ni nɔ ko bɛ ni nyɛnyɛŋ nyɛfee. [

Marko 4:30

Yesu bi akɛ, “Mɛni he wɔkɛ Nyɔŋmɔ Maŋtsɛyeli lɛ aaato? Aloo mɛɛ abɛ wɔɔbu yɛ he?

Luka 17:6

Shi Nuŋtsɔ lɛ kɛɛ, “Kɛji nyɛyɛ hemɔkɛyeli tamɔ sinapi wu kuli lɛ, kulɛ nyɛaakɛɛ oduŋ nɛɛ akɛ, ‘Fãa kɛ oshishifãi ni oyama ŋshɔŋ!’ Ni eeebo nyɛ toi.”

Bɔfoi 2:41

Kɛkɛ ni abaptisi mɛi ni he ewiemɔ lɛ, ni nakai gbi lɛ nɔ nɔŋŋ lɛ akɛ susumai aaafee akpei etɛ̃ fata amɛhe.

Bɔfoi 21:20

Shi be ni amɛnu lɛ, amɛwo Nyɔŋmɔ hiɛ nyam, ni amɛkɛɛ lɛ akɛ, “Anyɛmi, kwɛmɔ Yudafoi akpei abɔ ni ehe eye nɛɛ, ni amɛ fɛɛ lɛ, Mla lɛ he hiɛdɔlɔi ji amɛ.

Bɔfoi 4:4

Shi mɛi ni nu lɛ ateŋ mɛi pii he ye, ni hii lɛ ayibɔ bashɛ aaafee akpei enumɔ.

Romabii 15:19

yɛ okadii kɛ naakpɛɛnii ahewalɛ mli, yɛ Mumɔ hewalɛ mli; bɔ ni fee nɛ ni mijɛ Yerusalɛm mibɔle shi aahu kɛyashi Ilirikum ni mishiɛ Kristo Sanekpakpa lɛ migbe naa.

Kpojiemɔ 11:15

Ni bɔfo ni ji kpawo lɛ kpã etɛtrɛmantrɛ lɛ, ni anu gbei wuji yɛ ŋwɛi miikɛɛ akɛ, “Je nɛɛ mli maŋtsɛyeli lɛ etsɔ̃ wɔNuŋtsɔ lɛ kɛ eKristo lɛ nɔ, ni eeeye maŋtsɛ kɛaatee naanɔi anaanɔ!”