Luka 13:16 - ŊMALƐ KRƆŊKRƆŊ LƐ

¹⁶ Shi nɛkɛ yoo nɛɛ ni ji Abraham biyoo ni Satan efi lɛ nɛkɛ afii nyɔŋma kɛ kpaanyɔ nɛɛ lɛ, ani ejaaa akɛ afɛneɔ lɛ yɛ nɛkɛ kpãa nɛɛ mli yɛ hejɔɔmɔ gbi lɛ nɔ lo?”

Ṅmãle̱ Kroṅkroṅ Le̱

¹⁶ Ši ne̱ke̱ yō ne̱ ní dši *Abraham biyō ni satan efĩle̱, na, ne̱ke̱ afii nyoṅma ke̱ kpānyo̱ ne̱ le̱, ani edšaa ake̱ afẽneo̱le̱ ye̱ ne̱ke̱ kpã ne̱ mli ye̱ hedšō̱mo̱gbĩ le̱ no̱ lo? *19,9.

Luka 13:16 ပူးပေါင်းရင်းမြစ်များ

Lalai 107:14

Ejie amɛ kɛjɛ duŋ kɛ awerɛhoo mli, ni etserɛ amɛkɔsɔŋkɔsɔi lɛ amli.

Mateo 4:10

Kɛkɛ ni Yesu kɛɛ lɛ akɛ, “Jee mihiɛ, Satan! Ejaakɛ aŋma akɛ, ‘Nuŋtsɔ oNyɔŋmɔ lɛ oja, ni lɛ kɛkɛ osɔ̃mɔ!’ ”

Marko 2:27

Ni Yesu kɛɛ amɛ akɛ, “Gbɔmɔ hewɔ ato hejɔɔmɔ gbi lɛ, shi jeee hejɔɔmɔ gbi lɛ hewɔ abɔ gbɔmɔ.

Luka 16:24

Ni ebo ekɛɛ, ‘Ataa Abraham, naa mi mɔbɔ ni otsu Lazaro ni ekɛ ewao naa ayatsɔ nu mli ni ekɛbajɔɔ mililɛi he, ejaakɛ miina nɔ yɛ lalilɛii nɛɛ amli!’

Luka 19:9

Yesu kɛɛ lɛ akɛ, “Ŋmɛnɛ yiwalaheremɔ eba shĩa nɛɛ, akɛni lɛ hu Abraham bi ji lɛ lɛ.

Luka 3:8

Belɛ nyɛwoa yibii ni sa tsuitsakemɔ; ni nyɛkabɔia kɛɛmɔ yɛ nyɛyiŋ akɛ, ‘Wɔtsɛ ji Abraham;’ ejaakɛ miikɛɛ nyɛ akɛ, Nyɔŋmɔ aaanyɛ atee bii ashi kɛjɛ tɛi nɛɛ amli ehã Abraham.

Yohane 8:44

Nyɛ lɛ nyɛtsɛ ni nyɛjɛ emli ji abonsam, ni nyɛtsɛ lɛ suɔmɔnaanii nyɛsumɔɔ akɛ nyɛfee. Lɛ lɛ gbɔmɔgbelɔ ji lɛ kɛjɛ teteete, ni ekɛ anɔkwale lɛ bɛ sane ko, ejaakɛ anɔkwale bɛ emli. Kɛ eemale lɛ, esu ni, ejaakɛ amalelɔ kɛ ablatsɛ ji lɛ.

Bɔfoi 13:26

“Ataamɛi kɛ anyɛmimɛi, Abraham shwiei kɛ Nyɔŋmɔ gbeyeishelɔi ni yɔɔ nyɛteŋ, wɔ atsu akɛ nɛkɛ yiwalaheremɔ sane nɛɛ bahã.”

2 Timoteo 2:26

Ni amɛhiɛ aaatserɛ amɛ ni amɛaaje abonsam tsɔne lɛ mli lo; ejaakɛ ekɛdu amɛ ni amɛfee esuɔmɔnaanii.