Luka 12:5 - ŊMALƐ KRƆŊKRƆŊ LƐ

⁵ Shi matsɔ̃ɔ nyɛ mɔ gbeyei ni nyɛshe: nyɛshea mɔ ni kɛ egbe sɛɛ ni eyɔɔ hegbɛ akɛ eshɛɔ efɔ̃ɔ abonsamiiaje lɛ. Hɛɛ, miikɛɛ nyɛ akɛ, lɛ gbeyei nyɛshea.

Ṅmãle̱ Kroṅkroṅ Le̱

⁵ Ši matšõnye mo gbeyei ní nyeše: nyešea moni ké̱ egbe se̱ ní eyo̱ hegbe̱ ake̱ eešé̱ efõ gehena mli le̱. Hē̃, mīkē̱nye ake, le̱ gbeyei nyešea!

Luka 12:5 ပူးပေါင်းရင်းမြစ်များ

Lalai 9:17

Mɛi fɔ̃ji kɛ mɛi fɛɛ ni hiɛ kpaa Nyɔŋmɔ nɔ lɛ baaya gbohiiaje.

Abe̱i 14:26

Yehowa gbeyeishemɔ mli hiɛnɔkãmɔ ni mli wa yɔɔ; ni mɔ ni yɔɔ no lɛ ebii naa abobaahe.

Yeremia 10:7

Bo majimaji fɛɛ amaŋtsɛ, namɔ po ni sheŋ bo gbeyei? Ejaakɛ bo nɔŋŋ pɛ osa woo. Majimaji lɛ anɔ nilelɔi lɛ ateŋ lɛ, kɛ amɛmaŋtsɛmɛi anɔyelihei lɛ fɛɛ lɛ mɔ ko mɔ ko bɛ ni tamɔ bo.

Yeremia 41:18

ejaakɛ gbee ni Ishmael, Netania bi lɛ, gbe Gedalia, Ahikam bi lɛ, mɔ ni Babilon maŋtsɛ eto akɛ shikpɔŋ lɛ nɔ amralo lɛ ehã amɛmiishe gbeyei yɛ Babilonbii lɛ ahewɔ.

Yeremia 5:22

Ani nyɛsheee mi gbeyei; nyɛhe kpokpooo yɛ mi, mihiɛ? Mi, ni mikɛ shia fo husu mikɛsa ŋshɔ naa, naanɔ husu ko ni ŋshɔ nyɛŋ eteke kɔkɔɔkɔ, husu ko ni bɔ fɛɛ bɔ ni ŋshɔkei aaashimɔ lɛ ahã lɛ, amɛnyɛŋ amɛwule lɛ, ni bɔ fɛɛ bɔ ni ŋshɔ aaafee hamahama ahã lɛ enyɛŋ lɛ eteke lɛ?

Mateo 10:28

Ni nyɛkashea mɛi ni gbeɔ gbɔmɔtso lɛ ni amɛnyɛɛɛ susuma lɛ amɛgbe lɛ gbeyei; shi moŋ nyɛshea mɔ ni nyɛɔ susuma kɛ gbɔmɔtso fɛɛ hiɛ ekpãtãa yɛ abonsamiiaje lɛ gbeyei.

Mateo 25:41

“Kɛkɛ lɛ eeekɛɛ mɛi ni yɔɔ ebɛku nɔ lɛ hu akɛ, ‘Nyɛjea minɔ, nyɛ mɛi ni alomɔ nyɛ, nyɛyaa naanɔ la lɛ ni asaa ato abonsam kɛ ebɔfoi lɛ mli!

Mateo 25:46

Ni mɛnɛɛmɛi lɛ, amɛaatee naanɔ hejaramɔ mli; shi jalɔi lɛ aaatee naanɔ wala mli.”

Mateo 5:22

Shi mi lɛ, miikɛɛ nyɛ akɛ, mɔ fɛɛ mɔ ni mli fuɔ enyɛmi lɛ, eeeye fɔ yɛ kojomɔ lɛ mli; ni mɔ fɛɛ mɔ ni aaakɛɛ enyɛmi akɛ, ‘Yaka gbɔmɔ’ lɛ eeeye gwabɔɔ lɛ hiɛ fɔ; ni mɔ fɛɛ mɔ ni aaakɛɛ akɛ, ‘Buulu’ lɛ eeeye abonsamiiaje la lɛ mliyaa fɔ.

Marko 13:23

Shi nyɛ lɛ nyɛkwɛa jogbaŋŋ; mikɛɛ nyɛ nɔ fɛɛ nɔ mito.”

1 Tesalonikabii 4:6

Ni mɔ ko akatɔ̃ enyɛmi nɔ ni eye lɛ amim yɛ sane nɛɛ mli, ejaakɛ enɛɛmɛi fɛɛ ahe oweletɔlɔ ji Nuŋtsɔ lɛ, tamɔ bɔ ni wɔkɛɛ nyɛ wɔto ni wɔye he odase lɛ.

Hebribii 10:31

Nyɔŋmɔ hiɛkãalɔ lɛ dɛŋ gbeemɔ yɛ gbeyei pam.

2 Petro 2:4

Ejaakɛ kɛji Nyɔŋmɔ kɛ bɔfoi ni fee esha lɛ ahe ekeee amɛ, shi moŋ etsi amɛ ewo gbohiiaje bu kɛ emli duŋ lɛ mli, ni eŋɔ amɛ ehã akɛ akɛ amɛ ato ahã kojomɔ,

Kpojiemɔ 14:7

Ni ekɛ gbee ni wa kɛɛ, “Nyɛshea Nyɔŋmɔ gbeyei ni nyɛkɛ anunyam ahãa lɛ ejaakɛ ekojomɔ ŋmɛlɛtswaa lɛ eshɛ; ni nyɛjaa mɔ ni fee ŋwɛi kɛ shikpɔŋ kɛ ŋshɔ kɛ nuhiŋmɛii lɛ!”

Kpojiemɔ 15:4

Namɔ po sheŋ bo gbeyei, Nuŋtsɔ, ni ewoŋ ogbɛ́i lɛ hiɛ nyam? Ejaakɛ bo okometoo ji Mɔ krɔŋkrɔŋ; ejaakɛ jeŋmaji lɛ fɛɛ aaaba ni amɛbaja yɛ ohiɛ, ejaakɛ ajie ojalɛ nitsumɔi lɛ ashi faŋŋ.”

Kpojiemɔ 20:14

Ni gbele kɛ gbohiiaje lɛ, ashɛrɛ amɛ ashwie la kpaakpo lɛ mli. Enɛ ji gbele ni ji enyɔ lɛ.