Luka 12:4 - ŊMALƐ KRƆŊKRƆŊ LƐ

⁴ “Nyɛ, mishieŋtsɛmɛi lɛ, miikɛɛ nyɛ akɛ, ‘Nyɛkashea mɛi ni gbeɔ gbɔmɔtso lɛ ni no sɛɛ lɛ amɛbɛ nɔ ko ni amɛaanyɛ amɛfee dɔŋŋ lɛ.

Ṅmãle̱ Kroṅkroṅ Le̱

⁴ Ši nye, mišientše̱mei le̱, mīkē̱nye ake̱: Nyekašea mei ní gbeo̱ gbomotšo le̱ ní no se̱ le̱ ame̱be̱ noko ní ame̱anyẽ ame̱fe doṅṅ le̱.

Luka 12:4 ပူးပေါင်းရင်းမြစ်များ

Abe̱i 29:25

Gbɔmɔ gbeyeishemɔ lɛ, etsɔ̃ɔ tsɔne ehãa mɔ; shi mɔ ni kɛ ehiɛ fɔ̃ɔ Yehowa nɔ lɛ, eyɛ shweshweeshwe.

Salomo Lalai 5:1

Minyɛmi yoo, miyɛmfro, miba mitrom lɛ mli, miibua mimire kɛ tsofaikɛŋmai anaa. Miiye miwo agbaku kɛ emli wo lɛ. Miinu miwain kɛ mifufɔ lɛ. Minanemɛi, nyɛyea ni nyɛnua, ni nyɛ, suɔlɔi, nyɛnua ni nyɛtɔrɔa!

Salomo Lalai 5:16

Edaaŋ wiemɔ ŋɔɔ naakpa, ni enɔ fɛɛ nɔ yɛ akɔnɔ. Naa, nyɛ Yerusalɛm biyei, bɔ ni misuɔlɔ, mishieŋtsɛ lɛ yɔɔ nɛ.

Yesaia 41:8

Shi bo Israel, mitsulɔ Yakob, mishieŋtsɛ Abraham shwie, ni miŋɔ bo;

Yeremia 1:17

No hewɔ lɛ, bo Yeremia miamɔ, tee shi koni oyakɛɛ amɛ nɔ fɛɛ nɔ ni mibafã bo akɛ okɛɛ lɛ. Otsui akafã yɛ amɛhewɔ, kɛjeee nakai lɛ mahã ojija yɛ amɛhiɛ.

Yeremia 1:8

Kaashe mɛi aŋɔɔ ni obaaya lɛ gbeyei, ejaakɛ, mikɛ bo yɛ koni mahere bo. Mi, Yehowa mikɛɛ.”

Yeremia 41:18

ejaakɛ gbee ni Ishmael, Netania bi lɛ, gbe Gedalia, Ahikam bi lɛ, mɔ ni Babilon maŋtsɛ eto akɛ shikpɔŋ lɛ nɔ amralo lɛ ehã amɛmiishe gbeyei yɛ Babilonbii lɛ ahewɔ.

Ezekiel 2:6

‘Ni bo, gbɔmɔ adesa, kaashe amɛ gbeyei, ni kaashe amɛwiemɔi lɛ hu gbeyei. Eyɛ mli akɛ oyɛ ŋmei kɛ kpitikpitii ateŋ, ni ota nyɔŋmɔŋkrakroi anɔ moŋ nɛ, shi kɛ̃lɛ, kaashe amɛdaaŋ wiemɔi gbeyei ni kaahã hiŋmɛi ni amɛkɛbaakwɛ bo lɛ miihao bo; ejaakɛ atuatselɔi amaŋ ni.

Mateo 10:28

Ni nyɛkashea mɛi ni gbeɔ gbɔmɔtso lɛ ni amɛnyɛɛɛ susuma lɛ amɛgbe lɛ gbeyei; shi moŋ nyɛshea mɔ ni nyɛɔ susuma kɛ gbɔmɔtso fɛɛ hiɛ ekpãtãa yɛ abonsamiiaje lɛ gbeyei.

Yohane 15:13

Mɔ ko bɛ suɔmɔ ni da fe enɛ, akɛ mɔ kɛ ewala aaaŋmɛ shi ahã eshieŋtsɛmɛi.

Bɔfoi 20:24

Shi kɛ̃lɛ mibuuu miwala akɛ ejara wa hã mi, bɔ ni afee ni mikɛ miishɛɛ agbe migbɛnyiɛmɔ lɛ kɛ sɔ̃ɔmɔ ni mina yɛ Nuŋtsɔ Yesu dɛŋ akɛ miye Nyɔŋmɔ dromɔ lɛ he Sanekpakpa lɛ he odase faŋŋ lɛ naa.

Bɔfoi 4:13

Agbɛnɛ be ni amɛna Petro kɛ Yohane ekãa lɛ, ni amɛyoo akɛ jeee woloŋlelɔi kɛ nilelɔi komɛi ji amɛ lɛ, efee amɛhiɛ yaa, ni amɛkɔ sɛɛ akɛ amɛkɛ Yesu ehi shi.

Filipibii 1:28

ni nyɛkahãa henyɛlɔi lɛ miiwoa nyɛhe gbeyei yɛ nɔ ko nɔ ko mli; nyɛgbeyei ni nyɛsheŋ lɛ ji hiɛkpãtãmɔ okadi hã amɛ; shi nyɛ lɛ, eji yiwalaheremɔ okadi hã nyɛ, ni enɛ jɛ Nyɔŋmɔ dɛŋ.

Yakobo 2:23

Ni ŋmalɛ lɛ ni kɛɔ akɛ, “Shi Abraham he Nyɔŋmɔ eye, ni abu enɛ jalɛ ahã lɛ” lɛ ba mli, ni atsɛ lɛ Nyɔŋmɔ shieŋtsɛ.

1 Petro 3:14

Shi kɛ jalɛ hewɔ nyɛnaa amanehulu tete lɛ, ajɔɔ nyɛ. Shi nyɛkashea amɛ gbeyei, ni nyɛkahaoa hu.

Kpojiemɔ 2:10

Kaashe amanehulu ni obaana lɛ ekoeko gbeyei. Naa, abonsam baaŋɔ nyɛteŋ mɛi komɛi awo tsuŋ, koni akɛka nyɛ, ni nyɛaana amanehulu gbii nyɔŋma. Feemɔ anɔkwafo kɛyashi gbele mli, ni mahã bo wala akekre lɛ.