Luka 12:37 - ŊMALƐ KRƆŊKRƆŊ LƐ

³⁷ Ajɔɔ nakai tsuji lɛ ni be ni nuŋtsɔ lɛ aaaba lɛ eeebanina amɛ akɛ amɛmiishi kpe lɛ! Anɔkwale mikɛɔ nyɛ akɛ eeemĩa, ni eeehã amɛtara niyenii ahe, ni eeeba ebasɔ̃mɔ amɛ.

Ṅmãle̱ Kroṅkroṅ Le̱

³⁷ Adšō̱ nakai tšũdši le̱ ni beni nuṅtšo̱ le̱ aaba le̱ ní eebaninaame̱ ake̱ ame̱mīši kpe le̱! Le̱le̱ṅ, mīkē̱nye ake̱ eemĩa ni eehã ame̱trá niyenii abe, ni eeba ebasúmo̱ame̱.

Luka 12:37 ပူးပေါင်းရင်းမြစ်များ

Yesaia 62:5

Ejaakɛ bɔ ni oblanyo kpeɔ oblayoo lɛ, nakai nɔŋŋ mɔ ni bɔ bo lɛ aaakpee bo; ni bɔ ni ayɛmforo wu nyaa ayɛmforo he lɛ, nakai oNyɔŋmɔ lɛ aaanya ohe.

Yeremia 32:41

Mibafee amɛ ejurɔ kɛ miishɛɛ, ni anɔkwale mli lɛ, mikɛ mitsui kɛ mimumɔ fɛɛ baahã amɛhe shi yɛ shikpɔŋ nɛɛ nɔ.

Zefania 3:17

Yehowa, oNyɔŋmɔ lɛ, kɛ bo yɛ, Taiatsɛ ni hãa ayeɔ kunim lɛ. Eeenya ohe kɛ miishɛɛ, eeeku sɛɛ esumɔ bo ekoŋŋ. Ebaala kɛ mliflimɔ yɛ ohewɔ,

Mateo 24:42

No hewɔ lɛ, nyɛsaraa, ejaakɛ nyɛleee nɔ gbi nɔ ni nyɛnuŋtsɔ lɛ baa.

Luka 12:36

ni nyɛfea tamɔ mɛi ni kwɛɔ amɛnuŋtsɔ gbɛ, be mli ni eeejɛ yookpeemɔ lɛ eeba, koni, kɛ eba ni ebashi lɛ, ni amɛgbele lɛ oya.

Luka 12:43

Ajɔɔ nakai tsulɔ lɛ, mɔ ni kɛ enuŋtsɔ lɛ ba ni eeebanina lɛ akɛ eefee nakai lɛ.

Luka 17:8

shi ekɛŋ lɛ moŋ akɛ, ‘Too nii ohã mi ni omĩa koni osɔ̃mɔ mi kɛyashi maye nii ni manu nɔ ko; no sɛɛ koni bo hu oye nii ni onu nɔ ko lo?’

Luka 21:36

No hewɔ lɛ, nyɛsaraa ni nyɛsɔlea be fɛɛ be, koni nyɛnyɛ nii ni baaba nɛɛ fɛɛ mli nyɛje, ni nyɛnyɛ Gbɔmɔ Bi lɛ hiɛ nyɛdamɔ.”

Luka 22:27

Ejaakɛ te mɔ ni fe mɔ hu, mɔ ni taa okplɔ̃ he lɛ, aloo mɔ ni sɔmɔɔ lɛ? Ani jeee mɔ ni taa okplɔ̃ he lɛ? Shi mi lɛ miyɛ nyɛteŋ akɛ mɔ ni sɔmɔɔ.

Yohane 12:26

Kɛji mɔ ko miisɔmɔ mi lɛ, enyiɛ misɛɛ, ni he ni miyɔɔ lɛ, jɛi misɔ̃ɔlɔ lɛ hu aaahi; kɛji mɔ ko miisɔmɔ mi lɛ, miTsɛ aaawo lɛ.”

1 Korintobii 2:9

shi moŋ tamɔ bɔ ni aŋma lɛ, “Nii ni hiŋmɛi enako ni toi hu nuko ni ebako gbɔmɔ ko tsuiŋ dã ji nii ni Nyɔŋmɔ esaa eto mɛi ni sumɔɔ lɛ lɛ.”

Filipibii 1:21

Ejaakɛ yɛ migbɛfaŋ lɛ, Kristo ji wala, ni gbele lɛ sɛɛnamɔ ni.

Filipibii 1:23

shi miihao yɛ nibii enyɔ nɛɛ ateŋ; miishwe ni maje mli ni mikɛ Kristo ayahi shi, ejaakɛ no hi aahu;

2 Petro 1:11

Ejaakɛ nakai ni aaaŋmɛ nyɛ wɔNuŋtsɔ kɛ yiwalaherelɔ Yesu Kristo naanɔ maŋtsɛyeli lɛ mlibotemɔ gbɛ aahu tsɔ̃.

2 Petro 3:14

No hewɔ lɛ, suɔmɔmɛi, akɛni nyɛkwɛɔ nii nɛɛ agbɛ nɛɛ, nyɛbɔa mɔdɛŋ koni ana nyɛ ni muji loo kpa ko bɛ nyɛhe yɛ ehiɛ yɛ hejɔlɛ mli;

Kpojiemɔ 14:13

Ni minu gbee jɛ ŋwɛi miikɛɛ mi akɛ, “Ŋmaa: Ajɔɔ gbohii lɛ ni gboiɔ yɛ Nuŋtsɔ lɛ mli lɛ kɛjɛ ŋmɛnɛ nɔ kɛyaa nɛɛ. Hɛɛ, Mumɔ lɛ kɛɛ, koni amɛjɔɔ amɛhe kɛjɛ amɛdeŋmegbomɔi lɛ amli ejaakɛ amɛnitsumɔi lɛ nyiɛɔ amɛsɛɛ.”

Kpojiemɔ 16:15

“Naa, miiba tamɔ julɔ. Ajɔɔ mɔ ni saraa ni ekwɛɔ etadei lɛ anɔ lɛ, koni ekanyiɛ yayai ni ana ehiɛgbele lɛ.”

Kpojiemɔ 3:21

Kunimyelɔ lɛ mahã ekɛ mi ata mimaŋtsɛ sɛi lɛ nɔ tamɔ bɔ nɔŋŋ ni mi hu miye kunim ni mikɛ miTsɛ ta emaŋtsɛ sɛi lɛ nɔ lɛ.

Kpojiemɔ 7:17

ejaakɛ Toobi lɛ ni yɔɔ maŋtsɛ sɛ̃i lɛ teŋ lɛ aaalɛ amɛ, ni eeetsɔ̃ɔ amɛ gbɛ kɛaatee wala nubui ahe. Ni Nyɔŋmɔ aaatsumɔ amɛhiɛiaŋ yaafonui fɛɛ.”