Luka 12:32 - ŊMALƐ KRƆŊKRƆŊ LƐ

³² “Kaashe gbeyei, kuu bibioo; ejaakɛ nyɛTsɛ lɛ yɛ he tsuijurɔ akɛ eeeŋɔ maŋtsɛyeli lɛ ehã nyɛ.

Ṅmãle̱ Kroṅkroṅ Le̱

³² Kāše gbeyei, asafoku bibiō; edšake̱ nyetše̱ le̱ ye̱ he tšuidšŭrõ ake̱ eeṅõ maṅtše̱yeli le̱ ehãnye. 22,29. Ies. 41,14.

Luka 12:32 ပူးပေါင်းရင်းမြစ်များ

Yesaia 40:11

Eeelɛ etooku lɛ tamɔ tookwɛlɔ; eeehiɛ etoobii lɛ yɛ ekpɔkɔiaŋ; Eeeloo amɛ eshãkã etsitsiŋ ni eeekpala toonyɛmɛi lɛ blɛoo.

Yesaia 41:14

Yehowa kɛɛ, “Kaashe gbeyei, bo gɔgɔmi Yakob! Kaashe gbeyei, bo Israel, gɔgɔmi bibioo! Miikɛɛ bo akɛ maye mabua bo! Okpɔlɔ lɛ ji Israel Mɔ Krɔŋkrɔŋ lɛ.

Yesaia 53:6

Wɔ fɛɛ tswɛm wɔtamɔ toi ni edu gbɛ. Wɔteŋ mɔ fɛɛ mɔ ekɔ lɛ diɛŋtsɛ egbɛ, ni Yehowa kɛ wɔ fɛɛ wɔnɔsha lɛ fɔ̃ enɔ.

Yeremia 3:19

“Misusu he bɔ ni maŋɔ bo mashi mibii anɔ, ni mahã bo shikpɔŋ fɛɛfɛo, gboshinii ko ni yɔɔ fɛo fe majimaji fɛɛ anɔ. Ni efee mi akɛ oootsɛ mi akɛ, “Mitsɛ Ataa,” ni okpaleŋ yɛ misɛɛ dɔŋŋ;

Mateo 14:27

Shi amrɔ lɛ Yesu fã enaa ekɛɛ amɛ akɛ, “Nyɛnaa tsui, miŋ; nyɛkashea gbeyei.”

Mateo 20:16

Nɛkɛ ni sɛɛkpeebii aaatsɔ̃mɔ klɛŋklɛŋbii, ni klɛŋklɛŋbii aaatsɔ̃mɔ sɛɛkpeebii; [ejaakɛ atsɛ mɛi pii, shi mɛi fioo ahala.]”

Mateo 25:34

Kɛkɛ lɛ Maŋtsɛ lɛ aaakɛɛ mɛi ni yɔɔ eninejurɔ nɔ lɛ akɛ, ‘Nyɛbaa, nyɛ mɛi ni miTsɛ ejɔɔ nyɛ, nyɛbaŋɔa maŋtsɛyeli lɛ ni asaa ato nyɛ kɛjɛ jeŋ shishijee lɛ!

Mateo 7:15

“Shi nyɛhiɛ ahia nyɛhe nɔ yɛ amale gbalɔi lɛ ahe; amɛkɛ too wolo haa amɛhe kɛbaa nyɛŋɔɔ, shi amɛmligbɛ lɛ klãji fulɔi ji amɛ.

Luka 10:21

Nakai ŋmɛlɛtswaa lɛ nɔ lɛ Yesu mli fili lɛ yɛ Mumɔ Krɔŋkrɔŋ lɛ mli ni ekɛɛ, “Miijie oyi, Ataa; ŋwɛi kɛ shikpɔŋ Nuŋtsɔ, akɛ oŋɔ nii nɛɛ otee nilelɔi kɛ jwɛŋlɔi, ni ojie otsɔ̃ɔ abifabii; hɛɛ, Ataa, ejaakɛ nakai sa ohiɛ.

Yohane 18:36

Yesu here nɔ akɛ, “Mimaŋtsɛyeli lɛ jɛɛɛ je nɛɛŋ; mimaŋtsɛyeli lɛ jɛ je nɛɛ mli kulɛ misɔ̃ɔlɔi lɛ aaapele he, koni akaŋɔ mi ahã Yudafoi lɛ; shi enɛ lɛ, mimaŋtsɛyeli lɛ jɛɛɛ biɛ.”

Bɔfoi 20:28

No hewɔ lɛ, nyɛlea nyɛhenɔkwɛmɔ kɛ toiku lɛ fɛɛ ni Mumɔ Krɔŋkrɔŋ lɛ ewo nyɛ amɛnɔkwɛlɔi lɛ, koni nyɛlɛ Nyɔŋmɔ asafo lɛ ni ekɛ lɛ diɛŋtsɛ elá he lɛ.

Bɔfoi 20:29

Ejaakɛ mile akɛ, kɛ mikpa mihe lɛ, klãji fulɔi baabote nyɛteŋ, ni amɛbaŋ toiku lɛ yi.

Romabii 6:23

Ejaakɛ esha dɛŋ nyɔmɔwoo lɛ gbele ni; shi Nyɔŋmɔ dromɔ keenɔ lɛ naanɔ walaŋ yɛ Yesu Kristo, wɔNuŋtsɔ lɛ, mli.

1 Korintobii 1:21

Shi akɛni yɛ Nyɔŋmɔ nilee naa lɛ je lɛ nyɛɛɛ etsɔ̃ lɛ diɛŋtsɛ enilee nɔ kɛle Nyɔŋmɔ lɛ, esa Nyɔŋmɔ hiɛ akɛ ekɛ kwashiai asane lɛ ni ashiɛɔ lɛ ahere mɛi ni heɔ yeɔ lɛ ayiwala.

Filipibii 2:13

ejaakɛ suɔmɔ ni aaasumɔ jio, feemɔ ni aaafee jio, Nyɔŋmɔ ji mɔ ni tsuɔ fɛɛ yɛ nyɛ mli bɔ ni lɛ etaoɔ.

2 Tesalonikabii 1:11

Enɛ hewɔ hu ni wɔsɔleɔ daa wɔhãa nyɛ, koni wɔNyɔŋmɔ lɛ abu nyɛ akɛ mɛi ni sa tsɛmɔ lɛ ni ekɛ ehewalɛ lɛ ahã ekpakpafeemɔ he miishɛɛ fɛɛ ni nyɛyɔɔ kɛ nyɛhemɔkɛyeli nitsumɔ lɛ ayi obɔ̃,

2 Tesalonikabii 1:5

Eji Nyɔŋmɔ kojomɔ ni ja gbɛ lɛ he okadi, koni abu nyɛ akɛ nyɛsa Nyɔŋmɔ maŋtsɛyeli ni nyɛnaa he nɔ lɛ,

Hebribii 12:28

No hewɔ lɛ, akɛni wɔna maŋtsɛyeli ni anyɛŋ ahoso lɛ, nyɛhãa wɔdaa shi ni wɔkɛsɔ̃mɔ Nyɔŋmɔ bɔ ni sa ehiɛ kɛ woo kɛ gbeyeishemɔ!

Yakobo 2:5

Minyɛmimɛi ni misumɔɔ, nyɛboa toi! Ani jeee je nɛɛ mli ohiafoi ni ji niiatsɛmɛi yɛ hemɔkɛyeli gbɛfaŋ lɛ Nyɔŋmɔ ehala, koni maŋtsɛyeli ni ewo mɛi ni sumɔɔ lɛ lɛ shi yɛ he lɛ atsɔ̃ amɛnɔ?

2 Petro 1:11

Ejaakɛ nakai ni aaaŋmɛ nyɛ wɔNuŋtsɔ kɛ yiwalaherelɔ Yesu Kristo naanɔ maŋtsɛyeli lɛ mlibotemɔ gbɛ aahu tsɔ̃.

Kpojiemɔ 1:6

ni ekɛ wɔ efee maŋtsɛmɛi kɛ osɔfoi ehã eTsɛ Nyɔŋmɔ lɛ, lɛ aŋɔ anunyam kɛ hewalɛ ahã kɛyashi naanɔi anaanɔ. Amen!

Kpojiemɔ 22:5

Ni nyɔɔŋ bɛ jɛi, ni kane la loo hulu la he ehiaŋ amɛ, ejaakɛ Nuŋtsɔ Nyɔŋmɔ lɛ aaatso ahã amɛ, ni amɛaaye maŋtsɛ kɛaatee naanɔi anaanɔ.