Luka 12:28 - ŊMALƐ KRƆŊKRƆŊ LƐ

²⁸ Agbɛnɛ kɛji jwɛi ni ŋmɛnɛ lɛ eyɛ ŋa nɔ ni wɔ ni akɛwo flɔnɔɔ mli lɛ Nyɔŋmɔ wulaa nɛkɛ lɛ, ani ewulaŋ nyɛ aahu fe amɛ, nyɛ ni nyɛhemɔkɛyeli faaa?

Ṅmãle̱ Kroṅkroṅ Le̱

²⁸ Agbene̱ ke̱dši dſe̱i ní ṅme̱ne̱ le̱ eye̱ ṅāno̱ ní wó̱ ni aṅõ-wo flõnõ mli le̱ Nyoṅmo̱ wulaä ne̱ke̱ le̱, ani ewulaṅnye āhũ fèame̱? nye ní nyehemo̱-ke̱-yeli fáá!

Luka 12:28 ပူးပေါင်းရင်းမြစ်များ

Yesaia 40:6

Gbee ko miibo akɛ, “bolɔmɔ!” Ni mikɛɛ, “Te mibolɔ mikɛɛ tɛŋŋ?” “Bolɔmɔ akɛ heloo fɛɛ heloo lɛ jwɛi ni; ni ehoɔ eyaa tamɔ ŋa nɔ fɔfɔi.

Mateo 14:31

Ni amrɔ lɛ Yesu kpã enine mli esɔo lɛ, ni ekɛɛ lɛ akɛ, “Bo ni ohemɔkɛyeli faaa, mɛni hewɔ oje ŋwane?”

Mateo 16:8

Shi be ni Yesu nu lɛ, ekɛɛ, “Nyɛ ni nyɛhemɔkɛyeli faaa! Mɛni hewɔ nyɛwiewieɔ yɛ nyɛteŋ akɛ aboloo ni nyɛhiɛɛɛ lɛ hewɔŋ?

Mateo 17:17

Shi Yesu here nɔ ni ekɛɛ, “Ao yinɔbii ni heee yeee ni bɛ amɛŋlɛnɔ! Mɛɛ beyinɔ mikɛ nyɛ aaahi shi kɛyashi? Mɛɛ beyinɔ nɔŋŋ mato mitsui shi mahã nyɛ kɛyashi? Nyɛkɛ lɛ abaa biɛ nyɛbahãa mi!”

Mateo 17:20

Shi ekɛɛ amɛ akɛ, “Nyɛhemɔkɛyeli ni faaa lɛ hewɔŋ. Ejaakɛ anɔkwale mikɛɔ nyɛ akɛ kɛji nyɛyɛ hemɔkɛyeli ni tamɔ sinapi wu lɛ, nyɛaakɛɛ gɔŋ nɛɛ akɛ, ‘Fãa yɛ biɛ kɛya jɛi!’ Ni eeefã; ni nɔ ko bɛ ni nyɛnyɛŋ nyɛfee. [

Mateo 6:30

Shi kɛji ŋa nɔ jwɛi ni ŋmɛnɛ eyɛ ni wɔ ni ashɛ afɔ̃ flɔnɔɔ mli lɛ ni Nyɔŋmɔ wulaa nɛkɛ lɛ, ani efeŋ nɔ ni fe enɛ ehaŋ nyɛ, nyɛ ni nyɛhemɔkɛyeli faaa lɛ lo?

Mateo 8:26

Ni ekɛɛ amɛ akɛ, “Mɛɛba nyɛsheɔ gbeyei nɛkɛ, nyɛ ni nyɛhemɔkɛyeli faaa?” Kɛkɛ ni ete shi ni efã kɔɔyɔɔ lɛ kɛ ŋshɔ lɛ yi, ni eŋmɛ dɛmm.

Luka 8:25

Ni ekɛɛ amɛ akɛ, “Nɛgbɛ nyɛhemɔkɛyeli yɔɔ?” Ni amɛshe gbeyei ni amɛhiɛ fee amɛ yaa ni amɛkɛɛkɛɛ amɛhe akɛ, “Mɛɛ gbɔmɔ srɔto po nɛ ni efãa kɔɔyɔi kɛ nui tete yi ni amɛboɔ lɛ toi nɛɛ?”

Hebribii 6:7

Shikpɔŋ ni miiɔ nu ni nɛɔ shwieɔ enɔ kpitiokpitio ni ebaa nii ni hi hã mɛi ni huɔ nɔ lɛ, enaa Nyɔŋmɔ jɔɔmɔ lɛ eko.

1 Petro 1:24

Ejaakɛ, “Heloo fɛɛ tamɔ jwɛi, ni enunyam lɛ fɛɛ tamɔ jwɛiaŋ fɔfɔi. Jwɛi gbiɔ ni emli fɔfɔi lɛ kpalaa.