Luka 12:19 - ŊMALƐ KRƆŊKRƆŊ LƐ

¹⁹ ni makɛɛ misusuma akɛ, susuma, oyɛ nii kpakpai babaoo ni akɛto ahã bo afii pii; jɔɔmɔ ohe, ye ni onu, ni ona tsuijurɔ.’

Ṅmãle̱ Kroṅkroṅ Le̱

¹⁹ ni makē̱ misusuma ake̱: Susuma, oye̱ nii babaō ni aṅõ-toö afii pī; dsō̱mo̱ ohe, ye ni onu, ni otšui anyõ omli!

Luka 12:19 ပူးပေါင်းရင်းမြစ်များ

Hiob 14:1

Gbɔmɔ ni yoo fɔ lɛ yɔɔ nɛɛ, kukuoo kɛkɛ ji ewala be lɛ; ni emli eyi tɔ kɛ haomɔ sɔŋŋ.

Lalai 49:18

Eyɛ mli akɛ be ni eyɔɔ wala mli lɛ, ebuɔ ehe akɛ eyi tɔ kɛ miishɛɛ; ni mɛi hu jieɔ eyi akɛ “eyɛ jogbaŋŋ” moŋ nɛ;

Lalai 62:10

Nyɛkɛ nyɛhiɛ akafɔ̃a amimyeli nɔ; nyɛyitsei hu akafũa yɛ juukɛfɔ̃ nibii agbɛfaŋ. Kɛji nii ni nyɛna miifa tete lɛ, nyɛkɛ nyɛtsuii akafɔ̃a nɔ.

Abe̱i 10:2

Efɔŋfeemɔ mli ninamɔ lɛ ehe bɛ sɛɛnamɔ; shi jalɛ hereɔ mɔ yiwala yɛ gbele dɛŋ.

Abe̱i 14:24

Nilelɔi akekre ji amɛnilee. Shi kwashiai akekre ji amɛbuulufeemɔ.

Abe̱i 18:11

Niiatsɛ nii ni eyɔɔ lɛ ji emɔɔ ni wa; ni etamɔ gbogbo grɔŋŋ ni buɔ ehe?

Abe̱i 23:5

Ohiŋmɛi ni aaagba nɔ pɛ etee; ejaakɛ ekwɛ̃ɔ fiji oya, ni efilikiɔ tamɔ okropɔŋ kɛyaa ŋwɛi.

Abe̱i 27:1

Kaashwã ofɔ̃ wɔ nɔ; ejaakɛ oleee nɔ ni baaba wɔ.

Jajelɔ 11:9

Oblanyo, nya yɛ oblahiiaŋ; hã omii ashɛ ohe yɛ oblahiiaŋ fɛɛ; ye otsui naa sane; feemɔ nɔ ni hi yɛ ohiɛ; shi moŋ kaimɔ akɛ Nyɔŋmɔ kɛ bo baakojo yɛ nibii fɛɛ ni ofee lɛ ahewɔ.

Jajelɔ 2:24

Nɔ ko bɛ hã gbɔmɔ adesa fe akɛ nii ni egbo he deŋme ni ena lɛ, eye eko, ni enu eko, ni ena ehe miishɛɛ. Enɛ hu mina akɛ Nyɔŋmɔ dɛŋ ejɛ,

Yesaia 22:13

Shi moŋ nyɛnya, ni nyɛmli fili nyɛ. Nyɛgbegbee tsinai kɛ toi, ni nyɛye, ni nyɛnu dãi, ni nyɛkɛɛ akɛ, “Nyɛhãa wɔyea nii ni wɔnua dãi ejaakɛ wɔ bɛnɛ wɔgboi.”

Yesaia 5:11

Ni kpoo hã mɛi ni teɔ shi maŋkɛ mra ni amɛyanyiɛɔ dãatseiaŋ, mɛi ni taraa shi yɛ dãa he kɛyashiɔ jenamɔ yi waa, ni wain hãa amɛhiɛ feɔ laŋlaŋ.

Yesaia 5:8

Kpoo hã nyɛ, nyɛ mɛi ni nyɛheheo mɛi ashĩai nyɛfataa shĩai ni nyɛyɔɔ ahe, ni nyɛŋɔɔ mɛi aŋmɔji nyɛfataa nyɛŋmɔji ahe. Nyɛhiɛ nɛkɛ ni eshwɛŋ shikpɔŋ ko dɔŋŋ yɛ he ko ni abaashi nyɛ pɛ koni nyɛhi shikpɔŋ lɛ nɔ.

Yesaia 56:12

Amɛkɛɔ akɛ, “Nyɛbaa, nyɛhaa wɔwoa wain wɔmaa shi ni wɔnua bɔ ni wɔɔnyɛ. Wɔ hu baatamɔ ŋmɛnɛ, ni eeeteke nɔ po.”

Hosea 12:8

Israel kɛɔ akɛ, ‘Shi bɛ mitsɔ̃ niiatsɛ, bɛ mina nii babaoo?’ Mideŋmegbomɔ mli nii lɛ fɛɛ mli lɛ anaaa tɔ̃mɔ ko ni tamɔ esha yɛ mihe?

Amos 6:13

Nyɛnyaa yɛ Lo-Debar maŋ lɛ mli akɛ, “Ani jeee wɔ diɛŋtsɛ wɔhewalɛ mli wɔjɛ ni wɔshɔ̃ Karnaim maŋ lɛ?”

Habakuk 1:16

No hewɔ lɛ, amɛshãa afɔle amɛkɛjaa amɛyaa lɛ, ni amɛshãa tsofakɛŋma amɛkɛhãa amɛtsãani lɛ, ejaakɛ nomɛi hãa amɛnaa nii kpɔtɔɔ amɛyeɔ.

Luka 12:18

Ni ekɛɛ, ‘Nɔ ni mafee nɛ: mibakumɔ miboŋoi lɛ mashwie shi, ni mamamɔ ewuji ni mato minibaanii kɛ minii lɛ fɛɛ yɛ jɛi;

Luka 16:19

“Nuu niiatsɛ ko ni yɔɔ, ni ewoɔ atade tsuru kɛ atade yɛŋ fɛɛfɛo, ni ekɛ ŋɔɔmɔnii kpakpai ayeli naa tsuijurɔ daa gbi.

Luka 21:34

“Shi nyɛhiɛ ahia nyɛhe nɔ koni fufeemɔ kɛ dãatɔɔ kɛ yeyeeyefeemɔ yɛ wala nɛɛ mli nibii ahe akahe nyɛtsuii ni nakai gbi lɛ miibati nyɛ shi trukaa;

1 Korintobii 15:32

Kɛ, tamɔ bɔ ni akɛɔ lɛ, mikɛ “kooloi awuyelɔi” wu yɛ Efeso lɛ, no lɛ mɛɛ sɛɛ minaa? Kɛ gbohii eteee shi lɛ, “Nyɛhãa wɔyea nii ni wɔnua nii, ejaakɛ wɔ́ lɛ wɔbaagboi!”

Filipibii 3:19

Amɛnaagbee ji hiɛkpãtãmɔ, ni amɛmusu taomɔnii ji amɛnyɔŋmɔ, ni amɛhiɛgbele mli amɛnunyam yɔɔ, shikpɔŋ nɔ nii ahe amɛjwɛŋɔ.

1 Timoteo 5:6

Shi yoo okulafo ni bɔɔ ahoshwi lɛ, ehiɛ kã nɛ, shi egbo.

1 Timoteo 6:17

Niiatsɛmɛi ni yɔɔ je nɛɛŋ lɛ, wo amɛ kitã ni amɛkabu amɛhe tsɔ̃, ni amɛkɛ amɛhiɛ akafɔ̃ ninamɔ ni anyɛ̃ɛɛ akɛ he afɔ̃ nɔ lɛ nɔ, shi moŋ amɛkɛfɔ̃ Nyɔŋmɔ, mɔ hu ni kɛ nibii fɛɛ hãa wɔ babaoo, akɛ wɔye mliŋɔɔmɔ lɛ nɔ.

2 Timoteo 3:4

sɛɛgbɛtsɔ̃ɔlɔi, mɛi ni feɔ nii ni amɛjwɛŋŋ he, henɔwolɔi, mɛi ni sumɔɔ shwɛmɔ kɛ ŋɔɔmɔ fe Nyɔŋmɔ,

Yakobo 5:5

Nyɛye nyɛnaanii yɛ shikpɔŋ lɛ nɔ, ni nyɛbɔ ahoshwi. Nyɛ lɛ, nyɛtsuii ni ewo fɔ kɛhã gbee gbi lɛ.

1 Petro 4:3

Ejaakɛ be ni eho momo lɛ mli lɛ, nyɛna be bɔ ni sa nyɛkɛtsu jeŋmajiaŋbii atsui naanii lɛ, ni nyɛba nyɛjeŋ yɛ nyɛnyɛŋtswibɔɔ, akɔnɔi, dãanumɔ mli basabasafeemɔ, ninumɔ kɛ wɔŋjamɔ ni ahiɔ lɛ amli.

Kpojiemɔ 18:7

Bɔ ni ewo lɛ diɛŋtsɛ ehiɛ nyam ni ebɔ nyɛnyɛŋtswi lɛ, nakai bɔ nɔŋŋ nyɛhãa epiŋmɔ kɛ ewerɛhoo lɛ afaa; ejaakɛ ekɛɔ yɛ etsui mli akɛ, ‘Mita shi akɛ maŋnyɛ, ni mijeee okulafo, ni minaŋ awerɛhoo.’

1 Samuel 30:16

Be ni oblanyo lɛ kɛ David tee lɛ ayanina ofɔ̃yelɔi lɛ ni amɛgbɛ amɛshwã he ni amɛyato shi yɛ lɛ fɛɛ, ni aayeyee nii, ni aanunuu dãi, ni aajojoo yɛ nibii babaoo ni amɛyahahaa yɛ Filistibii ashikpɔŋ lɛ kɛ Yuda shikpɔŋ lɛ hu nɔ lɛ ahewɔ.