Luka 11:9 - ŊMALƐ KRƆŊKRƆŊ LƐ

⁹ Ni mi hu miikɛɛ nyɛ akɛ, ‘Nyɛbia, ni aaahã nyɛ; nyɛtaoa ni nyɛaana; nyɛshia, ni aaagbele nyɛ.’

Ṅmãle̱ Kroṅkroṅ Le̱

⁹ Ni mi hũ mīkē̱nye ake̱: Nyebia, ni aahãnye; nyetaoa, ni nyeanu; nyešia, ni aagblenye.

Luka 11:9 ပူးပေါင်းရင်းမြစ်များ

Lalai 118:5

Mimanehulu lɛ mli lɛ mibolɔ mitsɛ Yehowa, ni Yehowa here mi nɔ, ni ehã miye mihe.

Lalai 27:4

Nɔ koome mibiɔ yɛ Yehowa dɛŋ, ni no sɛɛgbɛ mitiuɔ: akɛ mahi shi yɛ Yehowa we lɛ, miwala gbii abɔ fɛɛ; ni mana Yehowa lɛ, ni makase nii hu yɛ eSɔlemɔ we lɛ.

Lalai 27:8

Owiemɔ lɛ kɛɔ akɛ, “Nyɛtaoa mihiɛgbɛ.” “Yehowa, bo ohiɛgbɛ lɛ mitaoɔ nɛɛ.”

Lalai 34:10

Efĩɔ jatabii ni hɔmɔ yeɔ amɛ; shi mɛi ni taoɔ Yehowa sɛɛgbɛ lɛ, nɔ kpakpa ko ehiaŋ amɛ.

Lalai 34:4

Mitao Yehowa sɛɛgbɛ, ni ehere mi nɔ; ni ejie mi kɛje migbeyeishemɔ fɛɛ mli.

Lalai 50:15

Tsɛ mi yɛ fimɔ gbi lɛ nɔ! Majie bo, ni ooowo mihiɛ nyam.”

Salomo Lalai 5:6

Shi be ni migbele misuɔlɔ lɛ, etsɔ̃ ehe etee momo. Mishwe akɛ manu egbee. Mitao lɛ, shi minaaa lɛ. Mitsɛ lɛ, shi ehereee mi nɔ hu.

Yesaia 45:19

Jeee teemɔ mli miwie yɛ, yɛ shikpɔŋ ni enɔ ewo duŋ ko nɔ. Mikɛɛ Israelbii lɛ akɛ, “Nyɛtaoɔ mi yaka; nyɛtaoɔ mi yɛ he ni nɔ ko nɔ ko bɛ. Mi Yehowa, miwieɔ anɔkwale. Nɔ ni ja lɛ, no mikɛɔ.”

Yeremia 29:12

Nakai be lɛ nyɛaafo nyɛtsɛ mi, ni nyɛaaba nyɛbasɔle nyɛkpa mi fai, ni mibabo nyɛ toi.

Yeremia 33:3

“Tsɛ mi, ni mahere bo nɔ, ni magba bo teemɔŋ nibii ni oleee.

Daniel 9:3

Mihi ŋmãa, ni mibu kpekpe, ni mita lamlu mli kɛmiitao Nuŋtsɔ Nyɔŋmɔ lɛ hiɛgbɛ yɛ sɔlemɔ kɛ faikpamɔ mli.

Mateo 21:22

Ni nɔ fɛɛ nɔ ni nyɛaasɔle nyɛbi kɛ hemɔkɛyeli lɛ, nyɛnine aaashɛ nɔ.”

Mateo 21:31

Te mɛi enyɔ nɛɛ ateŋ mɔ ni fee nɔ ni amɛtsɛ lɛ sumɔɔŋ?” Amɛkɛɛ lɛ akɛ, “Tsutsumɔ lɛ ni.” Yesu kɛɛ amɛ akɛ, “Anɔkwale mikɛɔ nyɛ akɛ toohelɔi lɛ kɛ ajwamãŋi lɛ miitsɔ̃ nyɛhiɛ kɛmiiya Nyɔŋmɔ Maŋtsɛyeli lɛ mli.

Mateo 6:29

Shi miikɛɛ nyɛ akɛ, Solomon kɛ enunyam lɛ fɛɛ tete ewulaaa tamɔ enɛɛmɛi ateŋ ekome.

Marko 11:24

No hewɔ lɛ, miikɛɛ nyɛ akɛ nii abɔ fɛɛ ni nyɛkpaa he fai yɛ nyɛsɔlemɔ mli lɛ, nyɛhea nyɛyea akɛ nyɛna, ni akɛaahã nyɛ.

Marko 13:37

Nɔ ni mikɛɔ nyɛ nɛɛ, mɛi fɛɛ mikɛɔ, Nyɛsaraa!”

Luka 11:10

Ejaakɛ mɔ fɛɛ mɔ ni biɔ lɛ, enine shɛɔ nɔ; ni mɔ ni taoɔ lɛ enaa; ni mɔ ni shiɔ lɛ aaagbele lɛ.

Yohane 14:13

Ni nɔ fɛɛ nɔ ni nyɛɛakpa he fai yɛ migbɛi mli lɛ, mafee, koni Tsɛ lɛ hiɛ aba nyam kɛtsɔ̃ Bi lɛ nɔ.

Yohane 15:16

Jeee nyɛ nyɛhala mi, shi mi moŋ mihala nyɛ, ni mito nyɛ koni nyɛ hu nyɛya ni nyɛyawo yibii, ni nyɛyibii lɛ ahi shi, koni nɔ fɛɛ nɔ he fai ni nyɛaakpa Tsɛ lɛ yɛ migbɛi mli lɛ, ehã nyɛ.

Yohane 15:7

Kɛji nyɛhi mimli ni miwiemɔi lɛ hi nyɛmli lɛ, nyɛaakpa nɔ fɛɛ nɔ ni nyɛtaoɔ he fai, ni aaafee ahã nyɛ.

Yohane 4:10

Yesu here nɔ ni ekɛɛ lɛ akɛ, “Eji ole Nyɔŋmɔ nɔkeenɔ lɛ kɛ mɔ ni kɛɔ bo akɛ, ‘Hã mi eko manu lɛ’ kulɛ, bo moŋ oooba lɛ ni eeehã bo wala nu.”

Romabii 2:7

mɛi ni kɛ tsuishiŋmɛɛ hiɛɔ ekpakpafeemɔ mli ni amɛtaoɔ anunyam kɛ woo kɛ shihilɛ ni fiteŋ lɛ, eeehã amɛ naanɔ wala;

2 Korintobii 6:2

Ejaakɛ ekɛɛ akɛ, “Be ni sa mli mibo bo toi yɛ, ni yiwalaheremɔ gbi nɔ hu miye mibua bo yɛ.” Naa, be ni sa jogbaŋŋ nɛ; naa, yiwalaheremɔ gbi nɛ.

Hebribii 11:6

Shi kɛji hemɔkɛyeli bɛ lɛ anyɛŋ Nyɔŋmɔ hiɛ asa; ejaakɛ mɔ ni baa Nyɔŋmɔ ŋɔɔ lɛ, ja ehe eye akɛ eyɛ, ni eji mɛi ni taoɔ esɛɛgbɛ lɛ anyɔmɔwolɔ hu.

Hebribii 4:16

Hewɔ lɛ nyɛhãa wɔkɛ ekãa atsia abɛŋkɛa dromɔ sɛi lɛ, koni wɔnine ashɛ mɔbɔnalɛ nɔ ni wɔna dromɔ ni aaaye abua wɔ yɛ be ni sa mli.

Yakobo 1:5

Shi kɛ nilee he ehia nyɛteŋ mɔ ko lɛ, ekpa Nyɔŋmɔ ni hãa mɛi fɛɛ faa ni ewieee mɔ ko hiɛ lɛ fai, ni aaahã lɛ.

Yakobo 5:15

Ni sɔlemɔ ni jɛ hemɔkɛyeli mli lɛ aaahere helatsɛ lɛ yiwala, ni Nuŋtsɔ lɛ aaatee lɛ shi, ni kɛji efee esha lɛ, akɛaafa lɛ.

1 Yohane 3:22

Ni nɔ fɛɛ nɔ ni wɔbaa lɛ lɛ, wɔnaa yɛ edɛŋ, ejaakɛ wɔyeɔ ekitãi lɛ anɔ, ni wɔfeɔ nii ni sa ehiɛ.

Kpojiemɔ 2:24

“Shi miikɛɛ nyɛ, nyɛ mɛi ni eshwɛ yɛ Tiatira lɛ, mɛi abɔ ni ehiɛɛɛ tsɔ̃ɔmɔ nɛɛ mli ni amɛleee ‘Satan teemɔŋ nibii ni mli kwɔlɔ’, tamɔ bɔ ni amɛtsɛɔ lɛ lɛ, akɛ, Mikɛ jatsu kroko eŋmɛŋ nyɛnɔ;