Luka 11:42 - ŊMALƐ KRƆŊKRƆŊ LƐ

⁴² Shi kpoo hã nyɛ, Farisifoi, akɛ nyɛhãa kowɛ kɛ shwie kɛ bai srɔtoi fɛɛ mlijaa nyɔŋmanyɔŋma, ni nyɛshiɔ jalɛ saneyeli kɛ suɔmɔ ni akɛsumɔɔ Nyɔŋmɔ lɛ! Kulɛ esa akɛ nyɛfeɔ enɛɛmɛi hu nyɛkɛshiɔ ekrokomɛi lɛ anɔ.

Ṅmãle̱ Kroṅkroṅ Le̱

⁴² Ši kpóo hã nye, Farisifoi, ake̱ nyehãa kowe̱ ke̱ ſie ke̱ bāi sro̱toi fẽ mlidšā nyoṅmanyoṅma, ní nyešĩo̱ dšale̱saneyeli ke̱ Nyoṅmo̱ suomo̱ le̱! Kũle̱ edša ake̱ nyefeo̱ ene̱mei, ni nyekašĩ eko le̱ hũ.

Luka 11:42 ပူးပေါင်းရင်းမြစ်များ

Nehemia 10:37

Wɔkɛ mã ni ana yɛ abele ni akpa klɛŋklɛŋ lɛ mli kɛ tso fɛɛ tso klɛŋklɛŋ yibii, kɛ klɛŋklɛŋ wain kɛ klɛŋklɛŋ mu aaaba abahã osɔfoi lɛ koni akɛwo wɔNyɔŋmɔ lɛ we lɛ nitoohe lɛ mli. Wɔkɛ wɔŋmɔshi nibaanii amlijai nyɔŋma mli ekome kome baahã Levibii lɛ, ejaakɛ amɛ ji mɛi ni baŋɔɔ nibaanii amlijaa nyɔŋma mli ekome kome lɛ yɛ akrowai ni wɔhuɔ yɛ mli lɛ fɛɛ mli lɛ.

Abe̱i 21:3

Jalɛ saneyeli kɛ kojomɔ kpakpa lɛ, esa Yehowa hiɛ fe afɔleshãa.

Jajelɔ 7:18

Ehi akɛ omɔɔ enɛ mli, ni kaajie onine yɛ he; ejaakɛ mɔ ni sheɔ Nyɔŋmɔ lɛ ebaaje fɛɛ mli shweshweeshwe.

Mika 6:8

Dabida! Ao Adesa, Yehowa etsɔ̃ɔ bo nɔ ni hi. Nɔ ni ebiɔ yɛ odɛ̃ŋ nɛ, akɛ ofee nɔ ni ja gbɛ, osumɔ onyɛmimɛi, okɛ oNyɔŋmɔ lɛ anyiɛ yɛ heshibaa mli.

Maleaki 1:6

Yehowa, Taiatsɛ, miikɛɛ osɔfoi lɛ akɛ, “Bi woɔ etsɛ, ni tsulɔ woɔ enuŋtsɔ. Kolɛ, kɛji tsɛ ji mi lɛ, nɛgbɛ miwoo lɛ yɔɔ? Ni kɛji nuŋtsɔ hu ji mi lɛ, nɛgbɛ gbeyei ni nyɛsheɔ mi yɔɔ? Nyɛgbeɔ migbɛi lɛ he guɔ; shi nyɛkɛɔ akɛ, ‘Mɛni wɔfeɔ kɛgbeɔ ogbɛi lɛ he guɔ lɛ?’

Maleaki 2:17

“Nyɛhã etɔ Yehowa kɛ nyɛwiemɔi lɛ.” Shi nyɛbiɔ akɛ, ‘Mɛni wɔkɛhã etɔ lɛ?’ Ejɛ ni nyɛkɛɔ akɛ, ‘Mɔ fɛɛ mɔ ni feɔ efɔŋ lɛ, ehi yɛ Nyɔŋmɔ hiɛ, ni Yehowa yɛ mɔ lɛ he tsuijurɔ, ni esumɔɔ lɛ lɛ.’ Ni nyɛbiɔ hu akɛ, “Nɛgbɛ Nyɔŋmɔ ni yeɔ jalɛ sane lɛ yɔɔ?”

Maleaki 3:8

Shi nɔ ni mibiɔ nyɛ ji akɛ, aso eja gbɛ akɛ gbɔmɔ adesa ashishiu Nyɔŋmɔ lo? Dabida! Shi nyɛ lɛ, nyɛmiishishiu mi. Nyɛaabi akɛ, ‘Yɛ mɛni mli?’ Yɛ nibii amlijaa nyɔŋma mli ekomekome lɛ kɛ afɔlei ni nyɛkɛbahãa lɛ mli.

Mateo 23:13

“Kpoo hã nyɛ, mlatsɔɔlɔi kɛ Farisifoi, osatofoi! Nyɛŋaa ŋwɛi maŋtsɛyeli lɛ naa nyɛwoɔ gbɔmɛi; nyɛ diɛŋtsɛ lɛ nyɛboteee mli, ni mɛi ni taoɔ mli abote lɛ hu, nyɛŋmɛɛɛ amɛ gbɛ ni amɛbote mli.” [

Mateo 23:23

“Kpoo hã nyɛ, mlatsɔɔlɔi kɛ Farisifoi, osatofoi! Nyɛhãa kowɛ kɛ anisi kɛ kumino mlijaa nyɔŋmanyɔŋma, shi Mla lɛ mli nii ni he jaraa ni ji jalɛ saneyeli kɛ mɔbɔnalɛ kɛ hemɔkɛyeli lɛ nyɛshiɔ; enɛɛmɛi sa akɛ nyɛfeɔ kɛshiɔ ekrokomɛi lɛ anɔ.

Mateo 23:27

“Kpoo hã nyɛ, mlatsɔɔlɔi kɛ Farisifoi, osatofoi! Nyɛtamɔ gbohii asaŋi ni asha he ni amɛhewɔ efee fɛo moŋ, shi amɛmligbɛ lɛ eyimɔ obɔ̃bɔ̃ kɛ gbohii awui kɛ muji nibii srɔtoi fɛɛ.

Luka 18:12

mihiɔ ŋmaa shii enyɔ yɛ otsi mli, miŋɔɔ nibii fɛɛ ni minaa lɛ mlijaa nyɔŋma mihãa.’

Yohane 5:42

Shi moŋ mikpa nyɛ shi akɛ nyɛbɛ Nyɔŋmɔ suɔmɔ yɛ nyɛmli.

1 Yohane 4:20

Kɛji mɔ ko kɛɛ akɛ, “Miisumɔ Nyɔŋmɔ,” ni enyɛɔ enyɛmi lɛ, amalelɔ ji lɛ. Ejaakɛ mɔ ni sumɔɔɔ enyɛmi ni enaa lɛ lɛ, Nyɔŋmɔ ni enaaa lɛ lɛ, te aaafee tɛŋŋ ni eeenyɛ lɛ esumɔ hu?

1 Samuel 15:22

Shi Samuel kɛɛ Saul akɛ, “Ani Yehowa nyaa shãa afɔlei kɛ gbee afɔlei ahe fe ni abaabo lɛ toi lo? Naa, toiboo hi fe afɔleshãa, ni ehi fe toi agboi amli fɔ.