Luka 11:41 - ŊMALƐ KRƆŊKRƆŊ LƐ

⁴¹ Moŋ nyɛŋɔa nibii ni yɔɔ mli lɛ nyɛfea ejurɔ, ni nibii fɛɛ he aaatse ahã nyɛ.

Ṅmãle̱ Kroṅkroṅ Le̱

⁴¹ Moṅ le̱, nyeṅõa nibii ní yo̱ mli le̱ nyefea edšŭrõ, ni na, nibii fẽ he aatše ahãnye.

Luka 11:41 ပူးပေါင်းရင်းမြစ်များ

Lalai 112:9

Edɛŋ kpɔɔ pam hãa ohiafoi, ejalɛ lɛ hiɔ shi kɛyaa naanɔ; aaahã ena hewalɛ, ni ehiɛ aaaba nyam.

Lalai 41:1

Ajɔɔ mɔ ni jwɛŋɔ ohiafo he; gbi fɔŋ nɔ lɛ, Yehowa aaahere lɛ.

Abe̱i 14:31

Mɔ ni waa ohiafo yi lɛ, eebɔ Nyɔŋmɔ ahora; shi mɔ ni naa ohiafo mɔbɔ lɛ, eewo Nyɔŋmɔ hiɛ nyam.

Abe̱i 16:6

Anɔkwayeli nɔ Yehowa damɔɔ ni ekɛ eshai faa; ni mɔ ni sheɔ Yehowa gbeyei lɛ, ewiɔ ehe kɛjeɔ efɔŋ he.

Abe̱i 19:17

Mɔ ni naa ohiafo mɔbɔ lɛ, ekɛ miifa Yehowa; ni ejurɔ ni efee lɛ, Yehowa aaato lɛ najiaŋ kɛteke nɔ.

Daniel 4:27

No hewɔ lɛ, Maŋtsɛ, mɔ ŋaa ni mawo bo nɛɛ mli. Kpa eshafeemɔ koni ofee nɔ ni ja. Naa ohiafoi amɔbɔ akɛ aleenɔ no aaahã ohe ajɔ bo lo.”

Mateo 26:11

Ejaakɛ ohiafoi lɛ, nyɛkɛ amɛ yɛ daa, shi mi lɛ, jeee daa mikɛ nyɛ aaahi shi.

Mateo 5:42

Mɔ ni baa bo nɔ ko lɛ hã lɛ, ni mɔ ni taoɔ akɛ ofa lɛ nɔ ko lɛ, kaatsɔ̃ ohe oshi lɛ.”

Marko 7:19

ejaakɛ jeee etsui mli eboteɔ shi emusuŋ eyaa, ni eyajeɔ kpo yɛ tiafi mli?” (Yesu kɛɛ enɛ kɛtsɔ̃ɔ akɛ ŋmaa fɛɛ ŋmaa he tse.)

Luka 12:33

Nyɛhɔ̃a nii ni nyɛyɔɔ lɛ ni nyɛkɛfea ejurɔ; nyɛfea fotroi ni tsɔ̃mɔɔɔ ememeji nyɛhãa nyɛhe, nyɛtoa jwetri ni etãaa yɛ ŋwɛi, he ni julɔ ko bɛŋkɛɛɛ ni omlɛgɛ kpeee nii yɛ lɛ.

Luka 16:9

“Ni mi hu miikɛɛ nyɛ akɛ, Nyɛŋɔa kutumpɔo ninamɔ lɛ nyɛkɛfea shieŋtsɛmɛi nyɛhãa nyɛhe, koni, be ni nyɛbɛ nɔ ko dɔŋŋ lɛ, amɛhere nyɛ yɛ naanɔ bui lɛ amli.

Luka 18:22

Ni be ni Yesu nu enɛ lɛ, ekɛɛ lɛ akɛ, “Eshwɛ bo nɔ kome lolo; yaahɔ̃ɔ nibii fɛɛ ni oyɔɔ lɛ ni okɛ shika lɛ aja ohiafoi, ni ooona jwetri yɛ ŋwɛi; ni oba obanyiɛ misɛɛ.”

Luka 19:8

Shi Zakeo ho damɔ shi ni ekɛɛ Nuŋtsɔ lɛ akɛ, “Nuŋtsɔ, naa, miiŋɔ minii fã make ohiafoi, ni kɛji mikɛ yaka naafolɔmɔ eshɔ̃ mɔ ko nɔ ko yɛ edɛŋ lɛ, miiku mabɔ he toi ejwɛ mahã lɛ.”

Bɔfoi 10:15

Ni gbee lɛ saa kɛɛ lɛ nɔ ni ji shii enyɔ akɛ, “Nɔ ni Nyɔŋmɔ etsuu he lɛ, kaabu lɛ akɛ bulemɔnɔ.”

Bɔfoi 11:29

Shi kaselɔi lɛ kpɛ mli akɛ amɛaabua nɔ ko naa amɛkɛyahã nyɛmimɛi ni yɔɔ Yudea lɛ bɔ ni mɔ fɛɛ mɔ aaanyɛ.

Bɔfoi 24:17

“Shi afii pii asɛɛ lɛ miba ni mikɛ nikeenii abahã mimaŋ lɛ ni mashã afɔle hu.

2 Korintobii 8:12

Ejaakɛ kɛ tsui yɛ he lɛ, no lɛ bɔ ni mɔ ko hãa kɛjɛɔ nɔ ni eyɔɔ mli lɛ saa Nyɔŋmɔ hiɛ; jeee kɛjɛ nɔ ni ebɛ mli.

Efesobii 4:28

Mɔ ni juɔ lɛ ekaju dɔŋŋ, shi ebɔ mɔdɛŋ ni ekɛ lɛ diɛŋtsɛ eniji atsu nitsumɔ kpakpa, koni ena nɔ ko ni ekɛhã mɔ ni ehia lɛ lɛ.

Tito 1:15

Mɛi ni he tse lɛ, nii fɛɛ he tse hã amɛ; shi mɛi ni he tseee ni amɛheee Nyɔŋmɔ amɛyeee lɛ, nɔ ko nɔ ko bɛ ni he tse hã amɛ, shi moŋ amɛjwɛŋmɔ mli kɛ amɛhenilee fɛɛ ewo muji.

Hebribii 13:16

Shi ejurɔfeemɔ kɛ nikee lɛ, nyɛhiɛ akakpaa nɔ; ejaakɛ nakai afɔlei saa Nyɔŋmɔ hiɛ jogbaŋŋ.

Hebribii 6:10

Ejaakɛ Nyɔŋmɔ jeee mɔ ni yeɔ sane ni ejaaa ni ehiɛ aaakpa nyɛnitsumɔ lɛ nɔ kɛ suɔmɔ ni nyɛjie kpo yɛ egbɛi lɛ hewɔ, ni nyɛkɛsɔ̃mɔ mɛi krɔŋkrɔŋi lɛ, ni nyɛsaa nyɛsɔ̃mɔɔ amɛ lolo lɛ.

Yakobo 1:27

Nyɔŋmɔjamɔ ni he tse ni ehe bɛ muji ko yɛ Nyɔŋmɔ, Tsɛ lɛ, hiɛ ji enɛ, akɛ mɔ asra awusai kɛ okulafoi yɛ amɛmanehulu lɛ mli, ni ekwɛ ehe nɔ jogbaŋŋ yɛ je nɛɛ mli koni ekawo ehe muji.