Luka 11:40 - ŊMALƐ KRƆŊKRƆŊ LƐ

⁴⁰ Kwashiai! Ani mɔ ni fee sɛɛ lɛ, jeee lɛ nɔŋŋ efee mli lɛ hu?

Ṅmãle̱ Kroṅkroṅ Le̱

⁴⁰ Kwašiai! ani moni fe se̱ le̱, dšee le̱ noṅṅ efe mli le̱ hũ?

Luka 11:40 ပူးပေါင်းရင်းမြစ်များ

1 Mose 1:26

Kɛkɛ ni Nyɔŋmɔ kɛɛ, “Nyɛhãa wɔbɔa gbɔmɔ adesa yɛ wɔsu nɔ, tamɔ wɔhenɔ, koni eye ŋshɔŋ loi kɛ loofɔji kɛ shĩaŋ kooloi kɛ ŋaŋ kooloi fɛɛ kɛ nɔ fɛɛ nɔ ni wamɔɔ yɛ shikpɔŋ lɛ nɔ lɛ nɔ!”

1 Mose 2:7

Kɛkɛ ni Nuŋtsɔ Nyɔŋmɔ kɛ shikpɔŋ sũ shɔ̃ gbɔmɔ, ni emu wala mumɔ ewo egugɔ mli, ni gbɔmɔ tsɔ bɔɔnɔ ni hiɛ kã.

Lalai 14:1

Kwashiai kɛɔ yɛ amɛtsuiŋ akɛ, “Nyɔŋmɔ ko bɛ!” Amɛfite, ni amɛfeɔ nyaŋemɔ nii; mɔ ko mɔ ko bɛ ni feɔ nɔ̃ kpakpa.

Lalai 33:15

Lɛ eshɔ̃ mɛi fɛɛ atsuii, ni enaa amɛnifeemɔi fɛɛ.

Abe̱i 1:22

Oo, nyɛ mɛi ni nyɛjwɛŋmɔ naa waaa, mɛɛ beyinɔ nɔŋŋ nyɛaahiɛ nyɛkwashiafeemɔ nɛɛ mli kɛyashi? Ni mɛɛ beyinɔ nɔŋŋ kwashiai hu aaanyɛ nilee kɛyashi?

Abe̱i 8:5

Oo, nyɛ mɛi ni nyɛnako jwɛŋmɔ, nyɛkasea hiɛtɛ̃ɛ. Oo, nyɛ hii kwashiai hu, nyɛboa toi jogbaŋŋ.

Yeremia 5:21

nyɛboa enɛ toi koo! Kwashiai ni bɛ jwɛŋmɔ, ni nyɛyɔɔ hiŋmɛii shi nyɛnaaa nii, asaŋ nyɛyɔɔ toii hu shi nyɛnuuu nii.

Zakaria 12:1

Wiemɔ ni Yehowa wie yɛ Israel he lɛ nɛ. Bɔ ni Yehowa mɔ ni bɔ ŋwɛi ni ha shi nɛɛ, ni bɔ shikpɔŋ lɛ, ni ebɔ mumɔ ni yɔɔ gbɔmɔ mli lɛ kɛɛ nɛ,

4 Mose 16:22

Shi Mose kɛ Aaron kɛ amɛhiɛ bumɔ shi, ni amɛsɔle amɛkɛɛ akɛ, “Ao, Nyɔŋmɔ, heloo fɛɛ awala jɛɛhe! Aso mɔ kome aaafee esha, ni okɛ ehe nu aaaju maŋ muu lɛ fɛɛ he lo?”

Mateo 23:17

Shwilafoi kwashiai! Te nɔ ni feŋ, shika ŋmiiŋmi lɛ, loo Sɔlemɔtsu lɛ ni hãa shika ŋmiiŋmi lɛ feɔ krɔŋkrɔŋ lɛ?

Mateo 23:26

“Farisifonyo shwilafo, sha kpulu lɛ kɛ kã lɛ mli ni aje tsutsu, kɛkɛ lɛ esɛɛ hu aaaje!

Luka 12:20

Shi Nyɔŋmɔ kɛɛ lɛ akɛ, ‘Kwashia, nyɔɔŋ nɛɛŋ nɔŋŋ lɛ abaabi osusuma shi yɛ odɛ̃ŋ; ni nibii ni osaa oto lɛ, namɔ nɔ eeetsɔ̃?’

Luka 24:25

Kɛkɛ ni ekɛɛ amɛ akɛ, “O kwashiai ni nyɛyɔɔ shɔ̃ɔ yɛ nyɛtsui mli kɛ nii fɛɛ ni gbalɔi lɛ gba lɛ hemɔkɛyeli.

1 Korintobii 15:36

Kwashia! Nɔ ni bo diɛŋtsɛ oduɔ lɛ, ja egbo fɛɛ da ni eyi naa wala.

Hebribii 12:9

Asaŋ wɔyɛ heloo gbɛfaŋ tsɛmɛi ni tsɔseɔ wɔ, ni wɔbuɔ amɛ. Ani esaaa akɛ wɔba wɔhe shi fe nakai wɔhã mumɔi aTsɛ lɛ koni wɔyi ana wala?