Luka 11:39 - ŊMALƐ KRƆŊKRƆŊ LƐ

³⁹ Ni Nuŋtsɔ lɛ kɛɛ lɛ akɛ, “Nyɛ Farisifoi lɛ nyɛtsumɔɔ kpulu he kɛ kã sɛɛ, shi nyɛmli eyi obɔ̃ kɛ juu kɛ fɔ̃.

Ṅmãle̱ Kroṅkroṅ Le̱

³⁹ Ni Nuṅtšo̱ le̱ kē̱le̱ ake̱: Nme̱ne̱ ṅme̱ne̱ nye Farisifoi le̱ nyetšumoo̱ kpulu he ke̱ kã se̱, ši nyemli éyi obõ ke̱ dšū ke̱ fō.

Luka 11:39 ပူးပေါင်းရင်းမြစ်များ

1 Mose 6:5

Be ni Yehowa na akɛ gbɔmɛi anɔfɔŋfeemɔ lɛ efa tsɔ yɛ shikpɔŋ lɛ nɔ, ni nibii ni amɛsusuɔ yɛ amɛyiŋ daa nɛɛ lɛ efɔŋ sɔŋŋ ni lɛ,

2 Kronika 25:2

Eba ejeŋ bɔ ni Yehowa taoɔ, shi jeee kɛ etsuiŋ fɛɛ.

Lalai 22:13

Amɛgbɛɔ amɛdaaŋ hatohatoo amɛwoɔ mi; amɛtamɔ jata kramakrama ni miihuu.

Abe̱i 26:23

Naa dɔkɔbii wiemɔ ni jɛɛɛ tsuijurɔ mli lɛ, etamɔ ŋɛsuko ni akɛ jwiɛtɛi ekpa he.

Abe̱i 26:25

Kɛji eewie dɔkɔbii lɛ, kaahe lɛ oye, ejaakɛ yiŋtoi fɔ̃ji eyi etsui mli obɔ̃.

Abe̱i 30:12

Mɛi komɛi yɛ ni amɛbuɔ amɛhe akɛ amɛ lɛ, amɛhe tse; tsɛbelɛ, amɛhe ewo muji kpɔtɔɔ.

Yeremia 4:14

Ao! Yerusalɛm, fɔ otsuiŋ nishaianii lɛ oshwie, bɔ ni afee ni ahere oyiwala. Mɛɛ beyinɔ nɔŋŋ po susumɔ fɔ̃ji aaahi oyiŋ kɛyashi?

Ezekiel 22:25

Emli lumɛi lɛ tamɔ jatai ni huuɔ ni amɛmiitserɛ amɛmilɛ loo mli; amɛkpãtã gbɔmɛi awala ahiɛ; amɛshɔ̃ mɛi ajwetri kɛ nii ni jara wa yɛ amɛdɛŋ; amɛhã yei pii etsɔmɔ okulafoi yɛ Yerusalɛm.

Ezekiel 22:27

“Emli lumɛi lɛ tamɔ klãji ni tserɛɔ milɛloo mli, amɛshwieɔ lá shi, amɛkpãtãa mɛi ahiɛ, bɔ ni afee ni amɛwo shishiumɔ ninamɔ.

Zefania 3:3

Emli lumɛi lɛ jatai ni huuɔ ni, emli kojolɔi lɛ hu klãji hɔmɔwɔlɔi ni shiii niyenii ko niyenii ko ni je atsɛre nɔ.

Mateo 15:19

Ejaakɛ tsui mli ni susumɔi fɔ̃ji, gbɔmɔgbee, gbãlãfitemɔ, ajwamãŋbɔɔ, juu, amale odaseyeli kɛ oshekuyeli jɛɔ.

Mateo 7:15

“Shi nyɛhiɛ ahia nyɛhe nɔ yɛ amale gbalɔi lɛ ahe; amɛkɛ too wolo haa amɛhe kɛbaa nyɛŋɔɔ, shi amɛmligbɛ lɛ klãji fulɔi ji amɛ.

Luka 16:15

Ni ekɛɛ amɛ akɛ, “Nyɛ ji mɛi ni nyɛbuɔ nyɛhe bem yɛ gbɔmɛi ahiɛ; shi Nyɔŋmɔ lɛ, ele nyɛtsuiaŋ; ejaakɛ nɔ ni ji gojoo yɛ gbɔmɛi ateŋ lɛ, yɛ Nyɔŋmɔ hiɛ lɛ nihiinii ni.

Luka 7:13

Ni be ni Nuŋtsɔ lɛ na lɛ lɛ, emusuŋ tsɔ̃ lɛ yɛ ehe, ni ekɛɛ lɛ akɛ, “Kaafo!”

Luka 7:19

Ni etsɛ amɛteŋ mɛi enyɔ, ni etsu amɛ Yesu ŋɔɔ ni amɛyabi lɛ akɛ, “Ani bo ji mɔ ni baa lɛ, aloo wɔkwɛ mɔ kroko gbɛ?”

Yohane 12:6

Shi enɛ ni ekɛɛ nɛɛ, jeee ohiafoi lɛ ahe ni dɔɔ lɛ hewɔŋ, shi moŋ julɔ ji lɛ, ni lɛ etoɔ fotro lɛ, ni ejuɔ nɔ ni akɛwoɔ mli lɛ.

Yohane 13:2

Ni be ni amɛyeɔ nii lɛ, belɛ abonsam kɛwo Yuda Iskariot, Simon bi lɛ, tsui mli momo, akɛ etsɔ̃ɔ esɛɛgbɛ —

Bɔfoi 5:3

Shi Petro kɛɛ, “Anania, mɛɛba Satan yi otsuiŋ obɔ̃, ni omale otsɔ̃ɔ Mumɔ Krɔŋkrɔŋ lɛ, ni okɛ shikpɔŋ lɛ yinii lɛ eko to sɛɛ?

Galatabii 1:14

ni mitee hiɛ yɛ Yudafoi ajamɔ lɛ mli fe mitipɛŋfoi pii yɛ mijakubii ateŋ, ni mihiɛ dɔ naakpa yɛ wɔtsɛmɛi ablema tsɔ̃ɔmɔi ni akɛhã wɔ lɛ he.

2 Timoteo 3:5

mɛi ni hiɛ Nyɔŋmɔjamɔ kpo nɔ gbɛ su lɛ mli, shi amɛkwa emli hewalɛ lɛ. Tsi ohe kɛjɛ nɛkɛ gbɔmɛi ahe.

Tito 1:15

Mɛi ni he tse lɛ, nii fɛɛ he tse hã amɛ; shi mɛi ni he tseee ni amɛheee Nyɔŋmɔ amɛyeee lɛ, nɔ ko nɔ ko bɛ ni he tse hã amɛ, shi moŋ amɛjwɛŋmɔ mli kɛ amɛhenilee fɛɛ ewo muji.

Yakobo 4:8

Nyɛtsia nyɛbɛŋkɛa Nyɔŋmɔ, ni eeetsi ebɛŋkɛ nyɛ. Nyɛtsuua nyɛniji ahe, nyɛ eshafeelɔi, ni nyɛhãa nyɛtsuii ahe atsea, nyɛ jwɛŋmɔi enyɔnyɔɔnyɔtsɛmɛi.