Luka 11:36 - ŊMALƐ KRƆŊKRƆŊ LƐ

³⁶ Kɛji ogbɔmɔtso muu lɛ mli tse ni he ko he ko woko duŋ lɛ, tse nɔŋŋ emuu lɛ fɛɛ mli aaatse tamɔ bɔ ni kane kɛ ekpɛmɔ tsoɔ hãa bo lɛ.”

Ṅmãle̱ Kroṅkroṅ Le̱

³⁶ Nohewo̱ le̱ ke̱dši ogbomotšo mū le̱ mli tše ni hekoheko woko duṅ le̱, tše noṅṅ emū le̱ fẽ mli aatše take̱ bo̱ni kane ke̱ ekpe̱mo̱ tšoo̱ hãao le̱.

Luka 11:36 ပူးပေါင်းရင်းမြစ်များ

Abe̱i 1:5

Nilelɔ hu nuɔ, ni ekaseɔ nii efataa enilee he. Amɛhãa mɔ ni nuɔ niiashishi hu leɔ ŋaa.

Abe̱i 20:27

Gbɔmɔ mumɔ ni yɔɔ emli lɛ, Yehowa kane ni; ni ekpaa gbɔmɔ mligbɛ fɛɛ ekwɛɔ.

Abe̱i 6:23

Ejaakɛ kitã lɛ, kane ni, ni mla lɛ, la ni, ni tsɔsemɔkãmɔ lɛ, wala gbɛ ni.

Yesaia 42:16

Ni makpala shwilafoi kɛtsɔ̃ tɛmpɔŋi ni amɛtsɔ̃ko nɔ dã nɔ; mabu amɛhe kɛtsɔ̃ nanegbɛ ni aleee nɔ. Mahã amɛhiɛ duŋ lɛ atsɔ̃ la, ni hei ni yɔɔ dokoidokoi lɛ afee trɛnɛɛ. Nii nɛɛ mafee mahã amɛ, ni mikwaŋ amɛ.

Yesaia 8:20

Nyɛtoa he akɛ, “Nyɛmɔa Yehowa wiemɔ lɛ kɛ ehe odaseyeli lɛ mli. Anɔkwa, nɔ ni nifeelɔi lɛ kɛɔ nyɛ lɛ, nɔ kpakpa ko ejɛŋ mli.”

Hosea 6:3

Nyɛhãa wɔbɔa mɔdɛŋ wɔlea Yehowa. Bɔ ni ŋwanejee ko bɛ he akɛ daa gbi lɛ je tsɛreɔ lɛ, nakai nɔŋŋ ŋwanejee ko bɛ he akɛ Yehowa baajie ehe kpo etsɔ̃ɔ wɔ. Ebaaba wɔŋɔɔ tamɔ Agbiɛnaa nunɛmɔ tueɔ shwieɔ shikpɔŋ lɛ nɔ lɛ.”

Mateo 13:52

Ni ekɛɛ amɛ akɛ, “No hewɔ lɛ, mlatsɔɔlɔ fɛɛ mlatsɔɔlɔ ni afee lɛ kaselɔ, ahã ŋwɛi maŋtsɛyeli lɛ, etamɔ shĩatsɛ ko ni jieɔ nii hei kɛ nii memeji kɛjeɔ ejwetri lɛ mli.”

Mateo 5:15

Asaŋ asuuu kane amaaa tsese shishi; shi moŋ akɛmaa kanetso nɔ, ni etsoɔ ehãa mɛi ni yɔɔ shĩa lɛ fɛɛ.

Luka 11:35

No hewɔ lɛ, kwɛmɔ ni ahi koni la ni yɔɔ omli lɛ akatsɔ̃ duŋ.

Luka 11:37

Ni be ni Yesu wieɔ lɛ, Farisifonyo ko bakpee lɛ akɛ eba ni ekɛ lɛ abaye nii; ni etee shĩa lɛŋ, ni eyata niyenii lɛ ahe.

2 Korintobii 4:6

ejaakɛ Nyɔŋmɔ ni kɛɛ akɛ la ajɛ duŋ mli akpɛ lɛ, lɛ nɔŋŋ ekpɛ yɛ wɔtsuii amli hu, koni Nyɔŋmɔ anunyam he nilee la lɛ akpɛ yɛ Yesu Kristo hiɛ.

Efesobii 4:14

koni wɔkakã he wɔfee abifabii ni tsɔ̃ɔmɔ fɛɛ tsɔ̃ɔmɔ hosoɔ amɛ tamɔ kɔɔyɔɔ hosoɔ nii, ni ekpalaa amɛ kɛyaa kɛbaa yɛ gbɔmɛi aŋaafɔŋtoo kɛ kutumpɔo ni akɛshishiuɔ mɛi lɛ naa.

Kolosebii 3:16

Nyɛhãa Kristo wiemɔ lɛ ahia nyɛmli babaoo; ni nyɛkɛ nilee fɛɛ atsɔ̃a nyɛhe nii ni nyɛwiea nyɛtsɔ̃a nyɛhe yɛ saŋkutswai kɛ yijiemɔ lalai kɛ mumɔŋ lalai amli, ni nyɛkɛ shidaa alaa yɛ nyɛtsuii amli nyɛhãa Nyɔŋmɔ.

Hebribii 5:14

Shi mɛi ni edara lɛ anɔ ji niyenii ni tsii, mɛi ni fɔ ni amɛfɔɔ feemɔ lɛ ehã amɛhenumɔnii lɛ ele ekpakpa kɛ efɔŋ teŋ srɔto.

Yakobo 1:25

Shi mɔ ni kwɛɔ heyeli mla ni hi kɛwula shi lɛ fitsofitso ni ekãa he efeɔ ni ejeee mɔ ni nuɔ ni ehiɛ kpaa nɔ, shi moŋ etsuɔ he nii lɛ, nakai mɔ lɛ aaajɔɔ lɛ yɛ efeemɔ lɛ mli.

2 Petro 3:18

Shi nyɛshwerea yɛ wɔNuŋtsɔ kɛ yiwalaherelɔ Yesu Kristo dromɔ kɛ nilee lɛ mli. Lɛ nɔŋŋ aŋɔ anunyam ahã agbɛnɛ kɛ daa. Amen!