Luka 11:34 - ŊMALƐ KRƆŊKRƆŊ LƐ

³⁴ Ogbɔmɔtso lɛ kane ji ohiŋmɛi lɛ. Kɛji ohiŋmɛi nɔ tse lɛ, ogbɔmɔtso muu lɛ hu mli tseɔ; shi kɛji ohiŋmɛi ehiii lɛ, ogbɔmɔtso lɛ hu woɔ duŋ.

Ṅmãle̱ Kroṅkroṅ Le̱

³⁴ Gbomotšo le̱ kane dši ohĩṅme̱i le̱. Ke̱dši ohĩṅme̱i no̱ tše le̱, ogbomotšo mū le̱ hũ mli tšeo̱; ši ke̱dši ohĩṅme̱i ehĩĩ le̱, ogbomotšo le̱ hũ woo̱ duṅ.

Luka 11:34 ပူးပေါင်းရင်းမြစ်များ

1 Mose 19:11

Ni bɔfoi lɛ hã mɛi ni damɔ shinaa lɛ sɛɛ lɛ shwila, mɛi bibii kɛ mɛi wuji fɛɛ; amɛtatra shi kɛtao shinaa lɛ naa gbɛ.

Lalai 119:18

Gbelemɔ mihiŋmɛii koni mana omla lɛ mli naakpɛɛnii lɛ.

Lalai 81:12

No hewɔ lɛ, miŋmɛɛ amɛhe koni amɛhi shi yɛ amɛtsuiwalɛ lɛ mli, koni amɛhi shi bɔ ni amɛ diɛŋtsɛ amɛsumɔɔ.

Abe̱i 21:4

Henɔwomɔ kɛ hewoo tsui lɛ, efɔŋfeelɔi akane ni, ni esha ni.

Abe̱i 28:22

Kpɛkpɛɛlɔ yeɔ oya ni ena nii; shi eleee akɛ ohia miiba enɔ.

Yesaia 29:10

Ejaakɛ Yehowa ehã wɔ ni mli tsii mumɔ enyɔ nyɛnɔ. Nyɛ gbalɔi, Yehowa eŋamɔ nyɛhiŋmɛii; ni nyɛ ninalɔi, Yehowa kɛ nɔ̃ eha nyɛhiɛ.

Yesaia 42:19

Namɔ eshwila tamɔ mitsulɔ lɛ, ni namɔ emu toi tamɔ Yehowa bɔfo lɛ? Namɔ eshwila tamɔ mɔ ni ajɔɔ enɔ ahã mi lɛ? Namɔ eshwila tamɔ Yehowa tsulɔ lɛ?

Yesaia 44:18

Amɛleee nii, asaŋ amɛkɔɔɔ sane sɛɛ hu, ejaakɛ amɛhiŋmɛii eshwila ni amɛnaaa nii; ni amɛjwɛŋmɔi anaa eŋamɔ hu, ni amɛnuuu nii ashishi.

Yesaia 5:20

Kpoo hã mɛi ni tsɛɔ nɔ fɔŋ akɛ nɔ kpakpa ni amɛtsɛɔ nɔ kpakpa akɛ nɔ fɔŋ lɛ. Kpoo hã mɛi ni ŋɔɔ duŋ amɛfeɔ la, ni amɛŋɔɔ la hu amɛfeɔ duŋ lɛ. Kpoo hã mɛi hu ni ŋɔɔ nɔ ni joɔ amɛfeɔ nɔ ni ŋɔɔ, ni amɛŋɔɔ nɔ ni ŋɔɔ amɛfeɔ nɔ ni joɔ lɛ.

Yesaia 6:10

Kɛkɛ ni ekɛɛ mi akɛ, “Hã nɛkɛ maŋbii nɛɛ akpliŋ amɛtsui, ni ohã amɛtoi awa; asaŋ shwilamɔ amɛhiŋmɛii koni amɛkana nii; amɛkanu nii, asaŋ amɛkanu sane shishi ni amɛmiikpale ni amɛna tsamɔ.”

Yeremia 5:21

nyɛboa enɛ toi koo! Kwashiai ni bɛ jwɛŋmɔ, ni nyɛyɔɔ hiŋmɛii shi nyɛnaaa nii, asaŋ nyɛyɔɔ toii hu shi nyɛnuuu nii.

Marko 4:12

‘Na lɛ amɛna nɛ, shi amɛkayoo, ni nu lɛ amɛnu nɛ, shi amɛkana shishi; ni eba lɛ akɛ amɛkpale ni akɛ amɛhe eshai lɛ afa amɛ.’ ”

Marko 7:22

gbãlãfitemɔ, hiɛjoomɔ, yiŋsha, shishiumɔ, nyɛnyɛŋtswibɔɔ, hiŋmɛisha, oshekuyeli, hewoo, kwashiai asaneyeli.

Marko 8:18

Nyɛyɛ hiŋmɛii, ni nyɛnaaa nii? Nyɛyɛ toii hu, ni nyɛnuuu nii? Ni nyɛkaiii?

Luka 11:35

No hewɔ lɛ, kwɛmɔ ni ahi koni la ni yɔɔ omli lɛ akatsɔ̃ duŋ.

Bɔfoi 13:11

Naa, Nuŋtsɔ lɛ nine kã onɔ, ni oooshwila ni onaŋ hulu kɛyaashi be ko.” Ni amrɔ̃ lɛ nɔŋŋ lɛ afua kɛ duŋ baha enɔ, ni egbugbuu shi eetao mɔ ko amɔ enine mli ayajie lɛ gbɛ.

Bɔfoi 2:46

Ni daa gbi lɛ amɛkɛ jwɛŋmɔ kome yaa Sɔlemɔ we lɛ, ni amɛkumɔkumɔɔ aboloo yɛ shĩai, ni amɛkɛ miishɛɛ kɛ tsui krɔŋŋ yeɔ nii,

Bɔfoi 26:18

ni oyagbele amɛhiŋmɛii, koni amɛkpale kɛjɛ duŋ mli kɛba la he, kɛjɛ abonsam hewalɛ mli kɛba Nyɔŋmɔ ŋɔ̃ɔ, ni amɛna amɛhe eshaifaa kɛ gboshinii yɛ mɛi ni akɛ minɔ hemɔkɛyeli efee amɛ krɔŋkrɔŋ lɛ ateŋ.’ ”

2 Korintobii 1:12

Shi wɔshwãa lɛ nɛ: wɔhenilee odase ni eyeɔ wɔ akɛ hetsemɔ kɛ tsui krɔŋŋ yɛ Nyɔŋmɔ hiɛ wɔkɛba wɔjeŋ yɛ je nɛɛ mli, titri lɛ yɛ wɔkɛ nyɛteŋ shihilɛ mli, ni jeee heloo gbɛfãŋ nilee naa, shi moŋ Nyɔŋmɔ dromɔ naa.

2 Korintobii 11:3

Shi miishe gbeyei akɛ aleenɔ, tamɔ bɔ ni onufu lɛ kɛ ekutumpɔo lɛ laka Hawa lɛ, nakai nɔŋŋ aaafite nyɛ hu nyɛjwɛŋmɔ ni nyɛŋmɛɛ suɔmɔ krɔŋŋ ni nyɛkɛsumɔɔ Kristo lɛ he.

2 Korintobii 4:4

amɛ ji mɛi amli ni je nɛɛ mli nyɔŋmɔ lɛ eshwila mɛi ni heee yeee lɛ ajwɛŋmɔi lɛ yɛ, koni Kristo ni ji Nyɔŋmɔ subaŋ lɛ anunyam Sanekpakpa la lɛ akakpɛ miihã amɛ.

Efesobii 1:17

koni wɔNuŋtsɔ Yesu Kristo Nyɔŋmɔ lɛ ni ji anunyam Tsɛ lɛ ahã nyɛ nilee kɛ kpojiemɔ mumɔ yɛ le ni nyɛaale lɛ jogbaŋŋ lɛ mli.

Efesobii 6:5

Nyɛ tsuji lɛ, nyɛboa nyɛheloo gbɛfaŋ nuŋtsɔmɛi lɛ atoi kɛ gbeyeishemɔ kɛ hekpokpomɔ kɛ tsui krɔŋŋ, tamɔ akɛ nyɛmiifee nyɛhã Kristo;

Kolosebii 3:22

Nyɛ tsuji lɛ, nyɛboa nyɛheloo gbɛfaŋ nuŋtsɔmɛi lɛ atoi yɛ nibii fɛɛ mli, jeee kɛ hiɛiaŋhiɛiaŋ sɔ̃ɔmɔ, tamɔ mɛi ni taoɔ gbɔmɛi ahiɛ amɛsa, shi moŋ yɛ tsui krɔŋŋ mli akɛ mɛi ni sheɔ Nuŋtsɔ lɛ gbeyei.