Luka 11:2 - ŊMALƐ KRƆŊKRƆŊ LƐ

² Ni ekɛɛ amɛ akɛ, “Kɛ nyɛmiisɔle lɛ, nyɛkɛa akɛ, ‘Wɔtsɛ ni yɔɔ ŋwɛi, ogbɛi lɛ he atse; omaŋtsɛyeli lɛ aba. Afee nɔ ni osumɔɔ yɛ shikpɔŋ lɛ nɔ hu; tamɔ bɔ ni afeɔ yɛ ŋwɛi lɛ.

Ṅmãle̱ Kroṅkroṅ Le̱

² Ni ekē̱ame̱ ake̱: Ke̱ nyemīso̱le le̱, nyekē̱a ake̱: Wo̱tše̱ ní yo̱ ṅwei, ogbe̱i le̱ afe kroṅkroṅ; omaṅtše̱yeli le̱ aba; áfe noni osumoo̱ ye̱ šikpoṅ le̱ no̱ hũ, take̱ bo̱ni afeo̱ ye̱ ṅwei le̱;

Luka 11:2 ပူးပေါင်းရင်းမြစ်များ

1 Maŋtsɛmɛi 8:43

no lɛ bo lɛ toi yɛ ŋwɛi ni ji oshihilɛhe lɛ, ni ofee nɔ fɛɛ nɔ ni gbɔ lɛ boɔ tsɛɔ bo yɛ he lɛ ohã lɛ. Enɛ baahã shikpɔŋ lɛ nɔ majimaji fɛɛ ale ogbɛi lɛ koni amɛja bo tamɔ omaŋ Israelbii feɔ lɛ. Ni amɛsaa amɛaana amɛle akɛ ogbɛi aŋɔ wo nɛkɛ Sɔlemɔtsu ni mimã kɛhã ojamɔ nɛɛ.

2 Maŋtsɛmɛi 19:19

No hewɔ lɛ, agbɛnɛ, bo Yehowa, wɔNyɔŋmɔ, miikpa bo fai, heremɔ wɔyiwala kɛjɛ edɛŋ, koni shikpɔŋ lɛ nɔ maŋtsɛyelii fɛɛ ana ale akɛ bo, Yehowa, okome too pɛ ji Nyɔŋmɔ.”

2 Kronika 20:6

ni ekɛɛ akɛ, “Yehowa, wɔtsɛmɛi aNyɔŋmɔ, bo ji Nyɔŋmɔ ni yɔɔ ŋwɛi, asaŋ mɔ ni yeɔ je lɛ mli maji fɛɛ anɔ. Bo oyɔɔ hewalɛ kɛ nyɛmɔ, ni mɔ ko kwraa bɛ ni baanyɛ bo onaa aku.

Lalai 103:20

Oo, nyɛ ebɔfoi ni he wa, ni nyɛyeɔ ewiemɔ lɛ nɔ, ni nyɛboɔ egbee toi, nyɛjiea Yehowa yi!

Lalai 108:5

Oo Nyɔŋmɔ, awo onɔ kɛteke ŋwɛi, ni onunyam lɛ ekpele shikpɔŋ muu lɛ fɛɛ nɔ.

Lalai 11:4

Yehowa yɛ eSɔlemɔ we krɔŋkrɔŋ lɛŋ, Ŋwɛi emaŋtsɛ Sɛi lɛ ma. Ehiŋmɛi jwere nɔ ni gbɔmɛi adesaiabii feɔ lɛ nɔ.

Lalai 57:11

Oo Naa Nyɔŋmɔ, awo onɔ gojoo kɛteke ŋwɛii amli ŋwɛi. Hã onunyam lɛ akple jeŋ muu lɛ fɛɛ.

Jajelɔ 5:2

Kaahã onaa miifee blɛblɛ, ni kaahã otsui miihã osha ohe owie yɛ Nyɔŋmɔ hiɛ. Ejaakɛ Nyɔŋmɔ lɛ ŋwɛi eyɔɔ, ni bo lɛ shikpɔŋ lɛ nɔ oyɔɔ; no hewɔ lɛ, kaahã owiemɔ miifa.

Yesaia 63:16

Ejaakɛ bo nɔŋŋ ji wɔtsɛ, tsɛbelɛ Abraham leee wɔ, ni Israel hu eŋɔɔɔ wɔ akɛ bii; shi bo Yehowa lɛ bo nɔŋŋ ji wɔtsɛ kɛ wɔkpɔ̃lɔ kɛjɛ blema beebe ejaakɛ nakai ji ogbɛi.

Ezekiel 36:23

“Masaa mafee minunyam gbɛi kpeteŋkple lɛ ni abule lɛ yɛ jeŋmaji lɛ ateŋ, ni nyɛ hu nyɛgbe he guɔ yɛ amɛteŋ lɛ krɔŋkrɔŋ. Kɛji kɛtsɔ̃ nyɛnɔ lɛ, misaa mifee minunyam gbɛi kpeteŋkple lɛ krɔŋkrɔŋ yɛ amɛhiɛ lɛ, no amɛkɛaale akɛ mi, mi ji Yehowa, Nuŋtsɔ Nyɔŋmɔ kɛɛ.

Daniel 2:28

Shi moŋ Nyɔŋmɔ ko yɛ ŋwɛi ni ejieɔ teemɔŋ nibii kpo etsɔ̃ɔ; ni lɛ ji mɔ ni ejie nɔ ni baaba wɔsɛɛ lɛ etsɔ̃ɔ Maŋtsɛ Nebukadnezar lɛ. Lamɔ lɛ ni ola, ni ji ninaa ni ajie atsɔ̃ɔ bo be ni okã osaa lɛ nɔ, lɛ nɛ,

Daniel 2:44

Maŋtsɛyelii nɛɛ amli maŋtsɛmɛi lɛ ayinɔi amli lɛ, Nyɔŋmɔ ni yɔɔ ŋwɛi lɛ baatee maŋtsɛyeli ko ni sɛɛ efoŋ dɔŋŋ shi ema shi. Maŋ ko maŋ ko nyɛŋ enɔ kunim eye. Ebaakpãtã maŋtsɛyelii nɛɛ fɛɛ ahiɛ butuu, ni amɛnɔyelii lɛ asɛɛ aaafo; shi lɛ lɛ emaŋtsɛyeli lɛ baama shi kɛaatee naanɔ.

Daniel 7:18

Shi Nyɔŋmɔ Ofe lɛ bii hetselɔi lɛ anine baashɛ maŋtsɛyeli lɛ nɔ, ni eeehi amɛdɛŋ kɛya naanɔi anaanɔ.”

Daniel 7:27

Kɛkɛ lɛ abaatu shikpɔŋ tso muu lɛ fɛɛ nɔ maŋtsɛyeli hewalɛ lɛ kɛ egbojee lɛ fɛɛ awo Nyɔŋmɔ Ofe lɛ mɛi krɔŋkrɔŋi lɛ adɛŋ. Amɛmaŋtsɛyeli hewalɛ nɛɛ sɛɛ efoŋ, ni shikpɔŋ lɛ nɔ lumɛi fɛɛ baasɔ̃mɔ amɛ, ni amɛbaabo amɛ toi.”

Hosea 14:2

Nyɛkpalea kɛyaa Yehowa ŋɔɔ, nyɛyakpaa lɛ fai kɛ wiemɔi nɛɛ akɛ, “Kɛ efɔŋ ni wɔfee lɛ afa koni omɔ wɔfaikpamɔ nɛɛ mli, ni wɔɔkafo bo.

3 Mose 10:3

Kɛkɛ ni Mose kɛɛ Aaron akɛ, “Enɛ ji nɔ ni Yehowa tsɔ̃ɔ be ni ekɛɛ akɛ, ‘Mɛi fɛɛ ni sɔ̃mɔɔ mi lɛ esa akɛ abu mi akɛ mɔ krɔŋkrɔŋ; majie minunyam lɛ kpo matsɔ̃ɔ maŋ muu lɛ fɛɛ.’ ” Shi Aaron mua enaa.

3 Mose 22:23

Kɛji afɔle ni nyɛkɛba lɛ tsuijurɔ naa nyɛkɛba lɛ, no lɛ nyɛaanyɛ nyɛkɛ kooloo ni enine loo enane bɛ pɛpɛɛpɛ ashã afɔle lɛ. Shi kɛ afɔle ni nyɛwo he shi nyɛto nyɛshãa lɛ, no lɛ kooloo lɛ esaŋ Yehowa hiɛ ni eheŋ.

Habakuk 2:14

Moŋ shikpɔŋ lɛ nɔ baayi tɔ kɛ Yehowa anunyam lɛ he nilee, tamɔ bɔ ni ŋshɔ eyi tɔ kɛ nu lɛ.

Mateo 10:32

“Hewɔ lɛ mɔ fɛɛ mɔ ni gbaa mli tsiɔ mitã yɛ gbɔmɛi ahiɛ lɛ, mi hu magba mli matsi etã yɛ miTsɛ ni yɔɔ ŋwɛi lɛ hiɛ.

Mateo 3:2

ni ekɛɛ akɛ, “Nyɛtsakea nyɛtsui; shi ŋwɛi maŋtsɛyeli lɛ ebɛŋkɛ.”

Mateo 5:16

Nakai nyɛhãa nyɛla atsoa yɛ gbɔmɛi ahiɛ, koni amɛna nyɛnifeemɔnii kpakpai lɛ, ni amɛwo nyɛTsɛ ni yɔɔ ŋwɛi lɛ hiɛ nyam.”

Luka 11:1

Gbi ko lɛ Yesu miisɔle yɛ he ko; ni be ni egbe naa lɛ, ekaselɔi lɛ ateŋ mɔ kome kɛɛ lɛ akɛ, “Nuŋtsɔ, tsɔ̃ɔmɔ wɔ sɔlemɔ, tamɔ bɔ ni Yohane hu tsɔ̃ɔ ekaselɔi lɛ.”

Romabii 1:7

Miiŋma nyɛ mɛi ni Nyɔŋmɔ sumɔɔ ni etsɛ nyɛ ni nyɛ ji mɛi krɔŋkrɔŋi ni yɔɔ Roma lɛ fɛɛ, dromɔ kɛ hejɔlɛ ni jɛ wɔTsɛ Nyɔŋmɔ lɛ kɛ Nuŋtsɔ Yesu Kristo dɛŋ lɛ ahã nyɛ!

Romabii 8:15

Ejaakɛ jeee nyɔŋ mumɔ nyɛna ni aaahã nyɛshe gbeyei ekoŋŋ, shi moŋ Mumɔ ni hãa mɛi tsɔ̃mɔɔ bii ni hãa wɔboɔ wɔtsɛɔ Nyɔŋmɔ akɛ, “Aba! Ataa!” lɛ.

1 Korintobii 1:3

Dromɔ kɛ hejɔlɛ ni jɛ wɔTsɛ Nyɔŋmɔ lɛ kɛ Nuŋtsɔ Yesu Kristo dɛŋ lɛ ahã nyɛ.

2 Korintobii 1:2

Dromɔ kɛ hejɔlɛ ni jɛ wɔTsɛ Nyɔŋmɔ lɛ kɛ wɔNuŋtsɔ Yesu Kristo dɛŋ lɛ ahã nyɛ.

Galatabii 1:4

Yesu Kristo ni kɛ lɛ diɛŋtsɛ ehe hã yɛ wɔhe eshai lɛ ahewɔ, koni ejie wɔ kɛjɛ jeŋ fɔ̃ŋ ni yɔɔ ŋmɛnɛŋmɛnɛ nɛɛ mli, yɛ Nyɔŋmɔ ni ji wɔTsɛ lɛ suɔmɔ naa lɛ.

Efesobii 1:2

Dromɔ kɛ hejɔlɛ ni jɛ wɔNyɔŋmɔ lɛ kɛ Nuŋtsɔ Yesu Kristo dɛŋ lɛ ahã nyɛ!

Filipibii 1:2

Dromɔ kɛ hejɔlɛ ni jɛ wɔTsɛ Nyɔŋmɔ lɛ kɛ Nuŋtsɔ Yesu Kristo dɛŋ lɛ ahã nyɛ!

Filipibii 4:20

Shi anunyam ahã wɔTsɛ Nyɔŋmɔ lɛ kɛyashi naanɔi anaanɔ lɛ. Amen!

Kolosebii 1:2

ŋma yahã nyɛmimɛi hetselɔi kɛ heyelɔi yɛ Kristo mli ni yɔɔ Kolose lɛ. Dromɔ kɛ hejɔlɛ ni jɛ wɔTsɛ Nyɔŋmɔ lɛ dɛŋ lɛ ahã nyɛ.

1 Tesalonikabii 1:1

Paulo kɛ Silvano kɛ Timoteo ŋma yahã Tesalonikabii asafo ni yɔɔ Nyɔŋmɔ, Tsɛ lɛ, kɛ Nuŋtsɔ Yesu Kristo mli lɛ: Dromɔ kɛ hejɔlɛ ahã nyɛ!

1 Tesalonikabii 1:3

Ni wɔkaiɔ nyɛhemɔkɛyeli nitsumɔ lɛ kɛ nyɛsuɔmɔ mɔdɛŋbɔɔ lɛ kɛ nyɛhiɛ ni kã wɔNuŋtsɔ Yesu Kristo nɔ lɛ mli hiɛmiamɔ lɛ yɛ Nyɔŋmɔ ni ji wɔTsɛ lɛ hiɛ.

2 Tesalonikabii 2:16

Shi lɛ wɔNuŋtsɔ Yesu Kristo lɛ diɛŋtsɛ kɛ wɔTsɛ Nyɔŋmɔ ni sumɔ wɔ ni ekɛ naanɔ miishɛjemɔ kɛ hiɛnɔkãmɔ kpakpa hã wɔ yɛ dromɔ naa lɛ,

Kpojiemɔ 11:15

Ni bɔfo ni ji kpawo lɛ kpã etɛtrɛmantrɛ lɛ, ni anu gbei wuji yɛ ŋwɛi miikɛɛ akɛ, “Je nɛɛ mli maŋtsɛyeli lɛ etsɔ̃ wɔNuŋtsɔ lɛ kɛ eKristo lɛ nɔ, ni eeeye maŋtsɛ kɛaatee naanɔi anaanɔ!”

Kpojiemɔ 15:4

Namɔ po sheŋ bo gbeyei, Nuŋtsɔ, ni ewoŋ ogbɛ́i lɛ hiɛ nyam? Ejaakɛ bo okometoo ji Mɔ krɔŋkrɔŋ; ejaakɛ jeŋmaji lɛ fɛɛ aaaba ni amɛbaja yɛ ohiɛ, ejaakɛ ajie ojalɛ nitsumɔi lɛ ashi faŋŋ.”

Kpojiemɔ 19:6

Ni minu gbee ko tamɔ asafo kpeteŋkple gbee kɛ nui babaoo kɛ nyɔŋmɔshiimɔi ni naa wa agbɛɛmɔ miikɛɛ, “Haleluya! Ejaakɛ Nuŋtsɔ, wɔNyɔŋmɔ Ofe lɛ miiye maŋtsɛ!”

Kpojiemɔ 20:4

Ni mina maŋtsɛ sɛ̃ii ni mɛi ni akɛ kojomɔ ehã amɛ lɛ tara nɔ. Ni mina mɛi ni afolɔ amɛyii yɛ Yesu he odaseyeli lɛ kɛ Nyɔŋmɔ wiemɔ lɛ hewɔ lɛ asusumai lɛ, kɛ mɛi ni jako kooloo lɛ loo emãgã lɛ ni amɛheko ekadi lɛ yɛ amɛhiɛŋtsei anɔ loo amɛdɛ̃ lɛ. Amɛtsɔ̃mɔ hiɛkãalɔi ekoŋŋ, ni amɛkɛ Kristo ye maŋtsɛ afii akpe.