Luka 11:13 - ŊMALƐ KRƆŊKRƆŊ LƐ

¹³ Belɛ kɛji nyɛ ni nyɛ ji mɛi fɔ̃ji lɛ nyɛle bɔ ni nyɛfeɔ ni nyɛkɛ nikeenii kpakpai keɔ nyɛbii lɛ, enyiɛ nɔŋŋ nyɛTsɛ ni yɔɔ ŋwɛi lɛ eŋɔŋ Mumɔ Krɔŋkrɔŋ ehaŋ mɛi ni biɔ lɛ lɛ?”

Ṅmãle̱ Kroṅkroṅ Le̱

¹³ Bĕle̱ ke̱dši nye ní nyedši meifõdši le̱ nyele bo̱ni nyefeo̱ ní nyeke̱ nikēnĩi kpakpai keo̱ nyebii le̱, enyie noṅṅ nyetše̱ ní yo̱ ṅwei le̱ eṅõṅ Mumo̱ kroṅkroṅ ehãṅ mei ní bio̱le̱ le̱?

Luka 11:13 ပူးပေါင်းရင်းမြစ်များ

1 Mose 8:21

Be ni Yehowa here afɔle lɛ ŋma jurɔ lɛ, ekɛɛ ehe akɛ, “Milomɔŋ shikpɔŋ lɛ yɛ gbɔmɔ hewɔ dɔŋŋ, ejaakɛ nii ni gbɔmɔ jwɛŋɔ yɛ eyiŋ lɛ efɔŋ ni kɛjɛ egbekɛbiiashi; ni asaŋ mikpãtãŋ nɔ fɛɛ nɔ ni hiɛ kã hiɛ dɔŋŋ, tamɔ bɔ ni mifee nɛɛ.

Lalai 51:5

Naa, afɔ mi yɛ esha mli, ni esha mli minyɛ ŋɔ mi hɔ yɛ.

Abe̱i 1:23

Kɛji mikã nyɛ lɛ, nyɛboa toi. Naa, mafɔse mimumɔ mawo nyɛmli, ni mahã nyɛyoo minilee wiemɔi lɛ hu.

Yesaia 49:15

Yehowa to he akɛ, “Aso yoofɔyoo hiɛ aaakpa ebi fufɔoo nɔ, ni emusuŋ etsɔŋ lɛ yɛ emusuŋbi he? Kɛji yoofɔyoo tete hiɛ aaakpa ebi nɔ lɛ, mi lɛ, mihiɛ kpaŋ onɔ.

Ezekiel 36:27

Mikɛ miMumɔ lɛ baawo nyɛmli, ni mahã nyɛba nyɛjeŋ yɛ mikpɔi lɛ anaa, ni nyɛbaaye mimlai lɛ anɔ jogbaŋŋ.

Yoel 2:28

“Enɛɛmɛi asɛɛ lɛ mafɔse mimumɔ lɛ mashwie gbɔmɛi fɛɛ anɔ; nyɛbihii kɛ nyɛbiyei lɛ aaagba, nyɛhiimeji lɛ aaala lamɔi, ni nyɛblahii lɛ aaana ninai.

Mateo 5:16

Nakai nyɛhãa nyɛla atsoa yɛ gbɔmɛi ahiɛ, koni amɛna nyɛnifeemɔnii kpakpai lɛ, ni amɛwo nyɛTsɛ ni yɔɔ ŋwɛi lɛ hiɛ nyam.”

Mateo 5:45

koni nyɛtsɔ̃mɔ nyɛTsɛ ni yɔɔ ŋwɛi lɛ bii, ejaakɛ ehãa ehulu teɔ shi yɛ mɛi fɔ̃ji kɛ mɛi kpakpai anɔ. Ni ehaa nyɔŋmɔ nɛɔ yɛ jalɔi kɛ mɛi ni ejaaa lɛ anɔ.

Mateo 6:14

“Shi kɛji nyɛkɛ mɛi atɔ̃mɔi fa amɛ lɛ, nyɛTsɛ ni yɔɔ ŋwɛi lɛ kɛaafa nyɛ hu.

Mateo 6:30

Shi kɛji ŋa nɔ jwɛi ni ŋmɛnɛ eyɛ ni wɔ ni ashɛ afɔ̃ flɔnɔɔ mli lɛ ni Nyɔŋmɔ wulaa nɛkɛ lɛ, ani efeŋ nɔ ni fe enɛ ehaŋ nyɛ, nyɛ ni nyɛhemɔkɛyeli faaa lɛ lo?

Mateo 6:32

Ejaakɛ nii nɛɛ fɛɛ sɛɛ jeŋmajiaŋbii lɛ diɔ. Shi nyɛTsɛ lɛ ni yɔɔ ŋwɛi lɛ le akɛ nii nɛɛ fɛɛ he miihia nyɛ.

Mateo 7:11

Belɛ kɛji nyɛ ni nyɛ ji mɛi fɔ̃ji lɛ nyɛle bɔ ni nyɛfeɔ nyɛkɛ nikpakpai hãa nyɛbii lɛ, enyiɛ nɔŋŋ nyɛTsɛ ni yɔɔ ŋwɛi lɛ eŋɔŋ nikpakpai ehaŋ mɛi ni biɔ lɛ lɛ?

Luka 11:12

Aloo kɛji ebi wuɔ wɔlɔ lɛ, eeehã lɛ nyɔŋmɔŋkrakro?

Luka 11:2

Ni ekɛɛ amɛ akɛ, “Kɛ nyɛmiisɔle lɛ, nyɛkɛa akɛ, ‘Wɔtsɛ ni yɔɔ ŋwɛi, ogbɛi lɛ he atse; omaŋtsɛyeli lɛ aba. Afee nɔ ni osumɔɔ yɛ shikpɔŋ lɛ nɔ hu; tamɔ bɔ ni afeɔ yɛ ŋwɛi lɛ.

Luka 18:7

Ni kɛ Nyɔŋmɔ aaatsɛ aahu tete kɛ ehalamɔbii ni bolɔɔ tsɛɔ lɛ nyɔɔŋ kɛ shwane lɛ ayelikɛbuamɔ lɛ, aso ebafãŋ amɛhe?

Yohane 4:10

Yesu here nɔ ni ekɛɛ lɛ akɛ, “Eji ole Nyɔŋmɔ nɔkeenɔ lɛ kɛ mɔ ni kɛɔ bo akɛ, ‘Hã mi eko manu lɛ’ kulɛ, bo moŋ oooba lɛ ni eeehã bo wala nu.”

Bɔfoi 2:38

Ni Petro kɛɛ amɛ akɛ, “Nyɛtsakea nyɛtsui ni nyɛteŋ mɔ fɛɛ mɔ ahã abaptisi lɛ awo Yesu Kristo gbɛi mli, koni akɛ nyɛhe eshai lɛ afa nyɛ, ni nyɛaana Mumɔ Krɔŋkrɔŋ nɔkeenɔ lɛ.

Romabii 5:17

Ejaakɛ kɛ mɔ kome shigbeemɔ lɛ hewɔ jɛ ni gbele tsɔ̃ nakai mɔ kome lɛ nɔ ye maŋtsɛ lɛ, belɛ mɛi ni ena dromɔ kɛ jalɛ nɔkeenɔ ni fa kɛteke nɔ lɛ aaatsɔ̃ mɔ kome ni ji Yesu Kristo lɛ nɔ aye maŋtsɛ yɛ wala mli aahu.

Romabii 7:18

Ejaakɛ mile akɛ mimli, no ji migbɔmɔ su lɛ mli lɛ, nɔ ko kpakpa ko bɛ jɛi; ejaakɛ suɔmɔ lɛ miyɛ eko moŋ, shi ekpakpafeemɔ ni ebɔ mi.

Romabii 8:32

Lɛ mɔ ni kãmãaa wɔ lɛ diɛŋtsɛ eBi lɛ, shi moŋ ekɛ lɛ hã yɛ wɔ fɛɛ wɔnajiaŋ lɛ, ani eŋɔŋ nibii fiaa efataŋ ehe ekeŋ wɔ?

Tito 3:3

Ejaakɛ sa lɛ, wɔ hu wɔfee wɔhe kwashiai, toigbolɔi, gbɛdulɔi, mɛi ni sɔmɔɔ akɔnɔi kɛ miishɛɛ nibii srɔtoi pii. Ni wɔba wɔjeŋ yɛ nifɔɔjianifeemɔ kɛ hetsɛ̃ mli, wɔhe yɛ taŋ, ni wɔnyɛnyɛɔ wɔhe.