Luka 10:42 - ŊMALƐ KRƆŊKRƆŊ LƐ

⁴² nɔ kome ehia. Nɔ ni hi lɛ no Maria ekɔ lɛ, ni no lɛ ashɔŋ yɛ edɛŋ.”

Ṅmãle̱ Kroṅkroṅ Le̱

⁴² ši nõkome ehĩa. Noni hĩ le̱, Maria eko̱ le̱, ni no le̱ ašõṅ ye̱ edeṅ. Mat. 4,33.

Luka 10:42 ပူးပေါင်းရင်းမြစ်များ

Lalai 119:111

Miŋɔ omlai lɛ mifee migbɛfaŋnɔ kɛmiiya naanɔ, ejaakɛ nomɛi ahe miishɛɛ mitsui naa.

Lalai 119:173

Feemɔ kralo ni oye obua mi, ejaakɛ miŋɔ omlai lɛ.

Lalai 119:30

Miŋɔ anɔkwayeli gbɛ, mikɛ omlai lɛ eto mihiɛ.

Lalai 142:5

Oo Yehowa, miibolɔ miitsɛ bo! Mikɛɛ akɛ bo ji mibobaahe, bo ji migbɛfaŋnɔ yɛ hiɛkãalɔi ashikpɔŋ lɛ nɔ.

Lalai 17:15

Mi lɛ, mana ohiɛ, yɛ jalɛ mli; ni kɛ mihiɛ tsɛ̃ lɛ, mitsui aaatɔ, ejaakɛ mina bɔ ni oyɔɔ.

Lalai 27:4

Nɔ koome mibiɔ yɛ Yehowa dɛŋ, ni no sɛɛgbɛ mitiuɔ: akɛ mahi shi yɛ Yehowa we lɛ, miwala gbii abɔ fɛɛ; ni mana Yehowa lɛ, ni makase nii hu yɛ eSɔlemɔ we lɛ.

Lalai 73:25

Namɔ miyɔɔ yɛ ŋwɛi fe bo? Ni nɔ ko nɔ ko bɛ shikpɔŋ nɛɛ nɔ ni mitaoɔ yɛ bo osɛɛ.

Jajelɔ 12:13

Sane tso muu lɛ ni onu lɛ fɛɛ naagbee nɛ. She Nyɔŋmɔ gbeyei, ni oye ekitãi lɛ anɔ, ejaakɛ enɛ ji nitsumɔ kwraa ni gbɔmɔ yɔɔ tsumɔ.

Marko 8:36

Ejaakɛ mɛɛ sɛɛ gbɔmɔ naa, kɛji enine shɛ jeŋ muu lɛ fɛɛ nɔ ni elaaje lɛ diɛŋtsɛ esusuma lɛ?

Luka 10:39

Eyɛ nyɛmi yoo ko ni atsɛɔ lɛ Maria; enyɛmi yoo nɛɛ bata Yesu najianaa ni ebo ewiemɔ toi.

Luka 11:1

Gbi ko lɛ Yesu miisɔle yɛ he ko; ni be ni egbe naa lɛ, ekaselɔi lɛ ateŋ mɔ kome kɛɛ lɛ akɛ, “Nuŋtsɔ, tsɔ̃ɔmɔ wɔ sɔlemɔ, tamɔ bɔ ni Yohane hu tsɔ̃ɔ ekaselɔi lɛ.”

Luka 12:20

Shi Nyɔŋmɔ kɛɛ lɛ akɛ, ‘Kwashia, nyɔɔŋ nɛɛŋ nɔŋŋ lɛ abaabi osusuma shi yɛ odɛ̃ŋ; ni nibii ni osaa oto lɛ, namɔ nɔ eeetsɔ̃?’

Luka 12:33

Nyɛhɔ̃a nii ni nyɛyɔɔ lɛ ni nyɛkɛfea ejurɔ; nyɛfea fotroi ni tsɔ̃mɔɔɔ ememeji nyɛhãa nyɛhe, nyɛtoa jwetri ni etãaa yɛ ŋwɛi, he ni julɔ ko bɛŋkɛɛɛ ni omlɛgɛ kpeee nii yɛ lɛ.

Luka 16:2

Ni etsɛ lɛ ni ekɛɛ lɛ akɛ, ‘Mɛni minuɔ yɛ ohe nɛɛ? Baabu onukpayeli lɛ he akɔntaa ejaakɛ onyɛŋ onukpa lɛ oye dɔŋŋ.’

Luka 16:25

Shi Abraham kɛɛ, ‘Mibi, kaimɔ akɛ bo lɛ oye ejurɔ yɛ owalabe mli, shi Lazaro na nɔ; shi agbɛnɛ aashɛje emii yɛ biɛ, ni bo lɛ, aapiŋ bo.

Luka 18:22

Ni be ni Yesu nu enɛ lɛ, ekɛɛ lɛ akɛ, “Eshwɛ bo nɔ kome lolo; yaahɔ̃ɔ nibii fɛɛ ni oyɔɔ lɛ ni okɛ shika lɛ aja ohiafoi, ni ooona jwetri yɛ ŋwɛi; ni oba obanyiɛ misɛɛ.”

Luka 8:18

No hewɔ lɛ, nyɛkwɛa ni ahia yɛ bɔ ni nyɛnuɔ wiemɔ lɛ nyɛhãa he; ejaakɛ mɔ fɛɛ mɔ ni yɔɔ nɔ ko lɛ, aaahã lɛ; shi mɔ ni bɛ nɔ ko lɛ, aaashɔ̃ nɔ ni efeɔ lɛ akɛ eyɔɔ lɛ tete yɛ edɛŋ.”

Yohane 11:1

Nuu ko ni atsɛɔ lɛ Lazaro ni jɛ Betania, Maria kɛ enyɛmi Martamɛi akrowa lɛ, he miiye. [

Yohane 11:19

Ni Yudafoi lɛ ateŋ mɛi pii eba Marta kɛ Mariamɛi aŋɔɔ, koni amɛbaye amɛ ŋkɔmɔ yɛ amɛnyɛmi nuu lɛ hewɔ.

Yohane 12:3

Kɛkɛ ni Maria ŋɔ “nardo” mu ŋmiiŋmi ni jara wa naakpa ni etsiimɔ ji nsɛnitɛ kome, ni ekɛkpa Yesu naji ahe ni ekɛ eyitsɔi tsumɔ enaji lɛ ahe; ni mu lɛ ŋma yi shĩa lɛ mli tɔ.

Yohane 17:3

Shi enɛ ji naanɔ wala lɛ, akɛ amɛle bo, anɔkwa Nyɔŋmɔ kome lɛ, kɛ Yesu Kristo, mɔ ni otsu lɛ.

Yohane 4:14

shi mɔ ni nuɔ nu ni mi mahã lɛ lɛ, kumai yeŋ lɛ dɔŋŋ kɛaatee naanɔ; shi moŋ nu ni mahã lɛ lɛ aaatsɔ̃ nu hiŋmɛi ni baa kɛyaa naanɔ wala mli yɛ emli.”

Yohane 5:24

“Anɔkwale mikɛɔ nyɛ akɛ, mɔ ni nuɔ miwiemɔ ni eheɔ mɔ ni tsu mi lɛ eyeɔ lɛ, eyɛ naanɔ wala, ni ebaŋ kojomɔ mli, shi moŋ efo mli yɛ gbele mli kɛtee wala mli.

Yohane 6:27

Nyɛkatsua ŋmaa ni fiteɔ lɛ he nii, shi moŋ nyɛtsua ŋmaa ni hiɔ shi kɛyaa naanɔ wala mli ni Gbɔmɔ Bi lɛ aaahã nyɛ lɛ he nii, ejaakɛ lɛ enaa Tsɛ Nyɔŋmɔ lɛ esɔo.”

1 Korintobii 13:3

Ni kɛji mikɛ minii fɛɛ kuma mɛi, ni kɛji mikɛ migbɔmɔtso hã ni ashã mi, shi mibɛ suɔmɔ lɛ, no lɛ minaaa sɛɛ ko.

Galatabii 5:6

Ejaakɛ Kristo Yesu mli lɛ, jeee ketiafoo, ni asaŋ jeee foo hu ni nyɛɔ nɔ ko efeɔ, shi moŋ hemɔkɛyeli ni tsɔ̃ɔ suɔmɔ nɔ etsuɔ nii lɛ.

5 Mose 30:19

Miitsɛ ŋwɛi kɛ shikpɔŋ ŋmɛnɛ gbi nɛɛ koni amɛbaye he odase akɛ mikɛ wala kɛ gbele, kɛ jɔɔmɔ kɛ loomɔ hu eshwie nyɛhiɛ. No hewɔ lɛ, nyɛkɔa wala bɔ ni afee ni nyɛ kɛ nyɛshwiei fɛɛ ayi ana wala.

Yoshua 24:15

Kɛji esaaa nyɛhiɛ akɛ nyɛaasɔ̃mɔ Yehowa lɛ, no lɛ ŋmɛnɛ gbi nɛɛ lɛ nyɛkɔa mɔ ni nyɛaasɔ̃mɔ, nyɔŋmɔi ni nyɛtsɛmɛi atsɛmɛi lɛ sɔ̃mɔ yɛ Mesopotamia shikpɔŋ lɛ nɔ lɛ ni jio, Amorbii ni nyɛyɔɔ amɛshikpɔŋ nɔ nɛɛ anyɔŋmɔi lɛ ni jio, nyɛkɔa; shi mi lɛ, mi kɛ miwe lɛ wɔbaasɔmɔ Yehowa.”

Yoshua 24:22

Yoshua kɛɛ maŋbii lɛ akɛ, “Nyɛ diɛŋtsɛ nɔŋŋ ji midasefoi mɔ akɛ nyɛkɔ Yehowa akɛ mɔ ni nyɛbaasɔ̃mɔ.” Maŋbii lɛ to he akɛ, “Wɔmiiye he odase.”